jee kabhi aise halaat ajate hain k lagta hai waqai me ham se alfaz rooth gaye hain
kehna to bohot kuch hota hai lekin keh nahi paate ya yehi samjhen ke us waqt alfaz nahi milte ya nahi nikalte
khushi ka izhaar khushi se karte hain zahir si baat hai aur alag alag mawaqon par alag alag tareeqa andaz hota hai jaise abhi saudi me hain to bas yahan k doston k sath party ho jati hai hotel me jaake aur ghar walon se phone par khush kaleemat ho jate hain
agar apne mulk me hon to phir khushi k izhar ki baat hi alag hoti hai sab apne sath hote hain bahen bhai aur qarebi rishtedar bhi jama ho jate hain tohfe tahaif ka silsila bhi chalta hai behre haal khushi kis baat ki hai us par bhi munhasar hai
rahi baat gham ki to aksar gham chupa lete hain zyada izhar nahi karte
ham nahi chahte ke koi hamari wajhe se pareshan ho to bas Allah ke samne izhar karte hain aur ussi se madad mangte hain
baki jo batana zaroori hai wo batana parhta hai lekin jahan tak ho sake chupane ki hi koshish hoti hai