bohat khoob
چل دِل میرے اپنی کہانی لکھتے ہیں
جذبوں کو لفظوں کی زُبانی لکھتے ہیں
جو بھی ہم پر گزرا، جو محسوس کیا
کاغذ پر اشکوں کی روانی لکھتے ہیں
غربت، نفرت، قسمت، الفت، صبر، وفا
ساتھ میں اپنی بے سامانی لکھتے ہیں
تشنہ لب، ہاتھوں کے چھالے، چھلنی جاں
پاؤں میں بیڑی، آنکھ میں پانی لکھتے ہیں
وصل کی لذت، ہجر کی سوچیں، خاموشی
اپنی ملن کی رُت مستانی لکھتے ہیں
چنچل، شوخ، سنہرے اور شرمیلے خواب
کم عمری کی اِک نادانی لکھتے ہیں
مہندی، چنری، پائل، کجلا، کنگن، ہار
اور اُس پر اِک شوخ جوانی لکھتے ہیں
بچوں جیسا رونا، ہنسنا، ضد کرنا
اِس کو ادائے دلبر جانی لکھتے ہیں
پھول، کتابیں، بارش، کھڑکی اور خوشبو
کچھ یادوں کی گل افشانی لکھتے ہیں
پہروں خود سے باتیں کرنا، چُپ رہنا
اپنی کچھ عادات پرانی لکھتے ہیں
یوں کرتے ہیں، وقت کو لکھتے ہیں "اُستاد"
ساتھ میں قسمت کو "اُستانی" لکھتے ہیں
ساون، بادل، پتوں سے گرتی بوندیں
شام کا منظر، رات کی رانی لکھتے ہیں
گہری آنکھیں، پلکیں، آنچل، گیسو، لب
اِک صورت جانی انجانی لکھتے ہیں
یار، محبت، سنگی، بیلی، اِن سب کو
بہتے سمے کی تیز روانی لکھتے ہیں
کچھ باتیں، کچھ لوگ جو ہم سے بھول گئے
اُن سب کو ہم آنجہانی لکھتے ہیں
عشق ہوا، مجبور ہوئے، سب چھوڑ دیا
اِن کو اپنی کارستانی لکھتے ہیں
ہنسی مذاق میں کتنے نازک دِل توڑے
اِن کو ہم اپنی شیطانی لکھتے ہیں
زیست کو ہم لکھتے ہیں "روٹھی محبوبہ"
موت کو ہم "اپنی دیوانی" لکھتے ہیں
جن حالات میں جینا مشکل لگتا ہو
اُس کو ہم اپنی آسانی لکھتے ہیں
کوشش سے بھی جو ہم کو نہ مل پایا
اُس کو ہم پھر یاد دہانی لکھتے ہیں
اے دِل! تُو بھی تو شامل تھا اِن سب میں؟
چل! تجھ کو ظلِ سبحانی لکھتے ہیں
سارا ماضی لکھ ڈالا ؟ یا باقی ہے؟
باقی کو ہم غلط بیانی لکھتے ہیں
اے دِل میرے! وقت ملا تو دیکھیں گے!
اب پھر کب ہم اپنی کہانی لکھتے ہیں!
Mujh se ooncha tera qad hai, hadd hai,
Phir bhi seenay main hasad hai, hadd hai,
Mery to lafz bhi korhee k nahi,
Tera nuqta bhi sanad hai, hadd hai,
teri har baat hai sar aankhon par,
Meri har baat he rad hai,hadd hai,
"Ishq sirf meri he Tamanna to nahi,
Teri niyyat bhi to bad hai,hadd hai"
Zindagi ko hai zaroorat meri,
Aur zaraorat bhi ashad hai,hadd hai,
Ashk aankhoun se yeh keh kar nikla,
Yeh teri zabt ki hadd hai? hadd hai . .
Roktay kiyun nahi is ko Jazal,
Yeh jo sanson ki rasad hai, had hai...
-ATEEB JAZAL . . ,