Social Networking sites ka Background aur inn k Favaied:
Jab se computer ejaad hua hai iss ne hamari dunya ko badal k rakh dia hai ,
computer ki sab se ahem services mein se aik internet bhi hai , internet ki badolat dunya mein millions of computers aik dusre se connected hain..
Jab ham internet ki baat karein to social networking sites ki maqbooliyat ko bhulaya nahi jaa sakta,
social networking sites aisi sites hein jo logon ko baham rabtey mein rakhti hein , log izhaar e roy khayal kar sakte hein , apne friends , family se intouch raha jaa sakta hai etc...
ye to social networking sites k inferaadi pehlu hein jin ka tazkira kia gaya hai , ijtemaai,samaji aur muasharti pehluon par ghor kia jaaye to social networking sites ne iss dunya ko "GLOBLE VILLAGE" bananey mein ahem kirdar ada kia hai , balke mein to kahoon gi internet ki wajah se agar dunya ko "Globle Village" kaha jaata hai to ye social networking sites ki badolat hi hai ..
social networking sites k tamam tarr favaied batana to i think kisi k lye bhi bohat mushkil ho ga but sab se ahem favaied mein se aik faida ye hai k social networking sites ne society k afraad ko baham rabtey mein rakhne mein ahem kirdaar ada kia hai ... kuch social networking sites aisi bhi hein jo apne members ko bohat saari free facilities faraham karti hein , social networking sites afraad ko apni mushkilaat ka tazkira karne aur unn ki rahnumaai karne mein ahem kirdar ada karti hein .... social networking sites par apni educational , social , medical , economical neez haar qism k masaiel ka hall mill sakta hai aur ye hall aapko social networking sites ki administration bazaat e khud ya site k dusre member faraham karte hein...
social networking sites k be inteha favaied hein lekin mein aik aur ahem faidey ki janib tawajjoh dilana chaahun gi ,
wo ye k social networking sites dars o tadrees aur ILM k farogh mein intehai ahem kirdaar ada karti hein jabkeh logon ko apni information share karne k liye na sirf encourage karti hein balkeh munasib mavaqey bhi faraham karti hein , ab TM ki misaal hee le lijiye , mein iss qabil kujaa thi k yahan apne alfaaz mein kuch bayaan kar sakti , lekin TM ne mujhe moqa faraham kia aur mein ne apne khayalaat aap se share kiye jis k liye mein TM ki admin ki shukr guzaar hoon.....
social networking sites k manfi pehlu :
kehte hein har cheez jahan favaied rakhti uss k kuch manfi asraat bhi hotey hein , aise hee social networking sites bhi kuch manfi pehlu rakhti hein lekin mein nahi samajhti k ye puri tarha social networking sites k manfi pehlu nahi hein balkeh users pe ziada depend karta hai k wo social networking sites ko kese use kartey hein .... agar ham tameeri maqasid k lye social networking sites ko istemaal karein to be panah favaied hasil kar sakte hein , e.g ham logon ki madad karne , ilm ki tarseel waghera k lye istemaal karein to social networking nihayat madadgar sabit ho sakti hein..... lekin agar ham social networking sites par waqt zaya karein to social networking sites qat'an madadgar sabit nahi hoon gi balkeh nuqsan deh sabit hoon gi...students social networking sites pe time zaya karne ki bajaye agar educational debates karein aur educational problems pe baham guft o shaneed karein to social networking sites students k lye intehaai mozooN hein.
social networking sites k aik aur manfi pehlu jis par ghor kia jaa sakta hai that's leakage of personal information.social networking sites k users apni khasi ahem maloomat site admin ko faraham karte hein aur site admin inn ka ghalat istemaal kar sakte hein lekin ye just aik possibility ki hadd tak hai aur aaj tak sun'ney mein nahi aaya k kisi site admin ne aisa kia ho...
khulasan , social networking sites be panah favaied rakhti hein agar inhein tameeri maqasid k liye istemaal kia jaaye , kuch manfi points bhi hein lekin inn giney chuney manfi points k lye ham social networking sites afadiyat ko bhula nahi saktey.Depend hum pe karta hai k ham inn sites ko kese use karte hein.
