سب محبت کا اک پہر ہے

  • Work-from-home

ROHAAN

TM Star
Aug 14, 2016
1,795
929
613


سب محبت کا اک پہر ہے

یہ جو پلکوں پہ رم جھم ستاروں کا میلہ سا ہے
یہ جو تیرے بنا کوئی کتنا اکیلا سا ہے
زندگی تیری یادوں سے مہکا ہوا شہر ہے
سب محبت کا اک پہر ہے
سب محبت کا اک پہر ہے

ساحلوں پہ گھروندے بنائے تھے ہم نے
تمہیں یاد ہے؟
رنگ بارش میں کیسے اڑائے تھے ہم نے
تمہیں یاد ہے؟
جانے کس کے لئے گھر سجائے تھے ہم نے
تمہیں یاد ہے؟
کوئی خوشبو کا جھونکا ادھر آ نکلتا نہیں
گم ہے میلوں کے صحرا میں خوابوں کا رستہ کہیں
ہر خوشی آتے جاتے ہوۓ وقت کی لہر ہے
سب محبت کا اک پہر ہے


زندگی دھوپ چھاؤں کا اک کھیل ہے
بھیڑچھٹتی نہیں
اور اسی کھیل میں دن گزرتا نہیں
رات کٹتی نہیں
پیار کرتے ہوۓ آدمی کی کبھی عمر گھٹتی نہیں
دل کی دہلیز پر رقص روشن تیرے نام سے
رتجگے آئینوں میں کھلے ہیں کہیں شام سے
ایک دریا ہے چاروں طرف
درمیان دہر ہے
سب محبت کا اک پہر ہے
سب محبت کا اک پہر ہے
 
  • Like
Reactions: shehr-e-tanhayi
Top