جرمنی میں کی گئی حالیہ تحقیق کے مطابق نفسیاتی و ذہنی دبائو کو ختم کرنے کیلئے ہنسنا بہت ضروری ہے ۔ ماہرین نفسیات نے کہا ہے کہ ہنسنے سے جسم اور روح دونوں پر مثبت اور مفید اثرات مرتب ہوتے ہیں۔ ذہنی یا نفسیاتی الجھنوں اور ایسی بات جو دل کو ناگوار گزرے اس کا اثر جسم پر ہوتا ہے جس سے معدے کا درد یا نزلہ زکام کی کیفیت ہوسکتی ہے۔ اس کے علاوہ شدید خوف اور ڈپریشن کے باعث اکثر لوگوں کو سانس کی تکالیف کا بھی سامنا کرنا پڑسکتا ہے ۔ ماہرین نفسیات نے کہا ہے کہ جب ذہنی پریشانی یا دبائو ہو تو شیشے کے سامنے کھڑے ہو کر بھرپور طریقے سے مسکرائیں یہ فوری ریلیف کا بہترین نسخہ ہے۔ اس کے علاوہ ذہنی تنائو کے شکار افراد کو باقاعدہ ورزش ، چہل قدمی ، تیراکی ، سائیکلنگ اور دیگر جسمانی سرگرمیوں میں حصہ لینا چاہئے۔
