مناجات در بارگاہ رب العالمین
مجھ کو کچھ حاجتِ سوال نہیں
تجھ پہ پوشیدہ کوئی حال نہیں
تیری ہر بات لائقِ تسلیم
اک ذرا اس میں قیل و قال نہیں
میں ہوں کیا اور مری بساط ہے کیا
شکوہ تجھ سے کروں مجال نہیں
مجھ کو جو کچھ دیا ہے تو نے دیا
میرا اپنا کوئی کمال نہیں
میرے دل کو تو موم کر مولا!
میری حالت میں انفعال نہیں
مجھ کو علم و عمل کی دولت دے
میرا مقصود جاہ و مال نہیں
عطاؔ رحمانی
مجھ کو کچھ حاجتِ سوال نہیں
تجھ پہ پوشیدہ کوئی حال نہیں
تیری ہر بات لائقِ تسلیم
اک ذرا اس میں قیل و قال نہیں
میں ہوں کیا اور مری بساط ہے کیا
شکوہ تجھ سے کروں مجال نہیں
مجھ کو جو کچھ دیا ہے تو نے دیا
میرا اپنا کوئی کمال نہیں
میرے دل کو تو موم کر مولا!
میری حالت میں انفعال نہیں
مجھ کو علم و عمل کی دولت دے
میرا مقصود جاہ و مال نہیں
عطاؔ رحمانی