یہ پچھلے عشق کی باتیں ہیں
جب دل میں داغ دمکتے تھے
جب پلکیں شہر کے رستوں میں،
اشکوں کا نور لٹاتی تھیں
جب سانسیں الجھے چہروں کی،
تن من میں پھول سجاتی تھیں
جب چاند کی رم جھم کرنوں سے،
سوچوں میں بھنور پڑ جاتے تھے
جب ایک طلاتم رہتا تھا،
اپنے بے انت خیالوں میں
ہر عہد نبھانے کی قسمیں،
خط خون سے لکھنے کی رسمیں،
جب عام تھیں ہم دل والوں میں
اب اپنے پھیکے ہونٹوں پر
کچھ جلتے بجھتے لفظوں کے،
وجود پگھلتے رہتے تھے
اب اپنی گم سم آنکھوں میں،
کچھ دھول ہے بکھری یادوں کی
کچھ گرد آلود سے موسم ہیں
اب دھوپ ابلتے کوچوں میں،
کتنی سکوں کی چاندی ہے
کتنی شاموں کا سونا ہے
اس کو خاکستر ہونا ہے
کتنی روشن سی راتیں ہیں
اس عمر کی سب سوغاتیں ہیں
اس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے
اب اپنی دید کے رستوں میں
کچھ رنگ ہے، گزرے لمحوں کا
کچھ اشکوں کی باراتیں ہیں
کچھ بھولے بسرے چہرے ہیں
کچھ یادوں کی برساتیں ہیں
یہ پچھلے عشق کی باتیں ہیں
۔۔۔۔۔۔۔۔۔۔ ۔۔۔۔۔۔۔۔
جب دل میں داغ دمکتے تھے
جب پلکیں شہر کے رستوں میں،
اشکوں کا نور لٹاتی تھیں
جب سانسیں الجھے چہروں کی،
تن من میں پھول سجاتی تھیں
جب چاند کی رم جھم کرنوں سے،
سوچوں میں بھنور پڑ جاتے تھے
جب ایک طلاتم رہتا تھا،
اپنے بے انت خیالوں میں
ہر عہد نبھانے کی قسمیں،
خط خون سے لکھنے کی رسمیں،
جب عام تھیں ہم دل والوں میں
اب اپنے پھیکے ہونٹوں پر
کچھ جلتے بجھتے لفظوں کے،
وجود پگھلتے رہتے تھے
اب اپنی گم سم آنکھوں میں،
کچھ دھول ہے بکھری یادوں کی
کچھ گرد آلود سے موسم ہیں
اب دھوپ ابلتے کوچوں میں،
کتنی سکوں کی چاندی ہے
کتنی شاموں کا سونا ہے
اس کو خاکستر ہونا ہے
کتنی روشن سی راتیں ہیں
اس عمر کی سب سوغاتیں ہیں
اس عمر کے خواب خیال ہوئے
وہ پچھلی عمر تھی بیت گئی
وہ عمر بتائے سال ہوئے
اب اپنی دید کے رستوں میں
کچھ رنگ ہے، گزرے لمحوں کا
کچھ اشکوں کی باراتیں ہیں
کچھ بھولے بسرے چہرے ہیں
کچھ یادوں کی برساتیں ہیں
یہ پچھلے عشق کی باتیں ہیں
۔۔۔۔۔۔۔۔۔۔ ۔۔۔۔۔۔۔۔
