cheharon kii dhuup aaNkho.n kii geharaa_ii le gayaa
aaiinaa saare shahar kii biinaai le gayaa
Dube huye jahaaz pe kyaa tabsaraa karen
ye haadasaa to soch kii geharaaii le gayaa
haalaaNki bezubaan thaa lekin ajiib thaa
jo shaKhs mujh se chhiin ke goyaaii le gayaa
is vaqt to main ghar se nikalane na paauuNgaa
bas ek kamiiz thii jo meraa bhaaii le gayaa
jhuuTe qasiide likhe gaye us kii shaan me.n
jo motiyon se chhiin ke sachchaai le gayaa
yaadon kii ek bhiiD mere saath chhoD kar
kyaa jaane vo kahaa.N merii tanhaaii le gayaa
ab asad tumhaare liye kuchh nahii.n rahaa
galiyon ke saare sang to saudaaii le gayaa
ab to Khud apanii saaNse.n bhii lagatii hain bojh sii
umron kaa dev saarii tavanaaii le gayaa
[DOUBLEPOST=1341851163][/DOUBLEPOST]
dostii jab kisii se kii jaaye
dushmanon kii bhii raaye lii jaaye
maut kaa zahar hai fizaaon men
ab kahaaN jaa ke saa.Ns lii jaaye
bas isii soch men huuN Duubaa huaa
ye nadii kaise paar kii jaaye
mere maazii ke zaKhm bharane lage
aaj phir koii bhuul kii jaaye
botalen khol ke to pii baraso.n
aaj dil khol ke bhii pii jaaye
[DOUBLEPOST=1341851253][/DOUBLEPOST]
har ek chehare ko zaKhmon kaa aaiinaa na kaho
ye zindagii to hai rahamat ise sazaa na kaho
na jaane kaun sii majaburiyo.n kaa qaidii ho
vo saath chhoD gayaa hai to bevafaa na kaho
tamaam shahar ne nezon pe kyuu.N uchhaalaa mujhe
ye ittefaaq thaa tum is ko haadasaa na kaho
ye aur baat ke dushman huaa hai aaj magar
vo meraa dost thaa kal tak use buraa na kaho
hamaare aib hamen ungaliyon pe ginvaao
hamaarii piiTh ke piichhe hame.n buraa na kaho
mai.n vaqiyaat kii zanjiir kaa nahii.n qaayal
mujhe bhii apane gunaaho.n kaa silsilaa na kaho
ye shahar vo hai jahaa.N raakshas bhii hai "Rahat"
har ek taraashe huye but ko devataa na kaho
[DOUBLEPOST=1341851416][/DOUBLEPOST]
intezamaat naye sire se sambhaale jaayen
jitane kamzarf hain mehafil se nikaale jaayen
meraa ghar aag kii lapaTo.n me.n chhupaa hia lekin
jab mazaa hai tere aa.Ngan me.n ujaale jaayen
Gam salaamat hai to piite hii rahe.nge lekin
pehale maiKhaane kii haalat sambhaale jaayen
Khaalii vaqton men kahiin baiTh ke role.n yaaro
fursaten hai.n to samandar hii khangaale jaayen
Khaak me.n yuuN na milaa zabt kii tauhiin na kar
ye vo aa.NsuuN hai.n jo duniyaa ko bahaa le jaayen
ham bhii pyaase hai.n ye ehasaas to ho saaqii ko
Khaalii shiishe hii havaaon men uchhaale jaayen
aao shahr men naye dost banaayen "Rahat"
aastiinon men chalo saaNp hii paale jaayen
[DOUBLEPOST=1341851498][/DOUBLEPOST]
kitnii pii kaise kaTii raat mujhe hosh nahiin
raat ke saath gaii baat mujhe hosh nahiin
mujh ko ye bhii nahiin maaluum ki jaanaa hai kahaaN
thaam le koii meraa haath mujhe hosh nahiin
aa.Nsuon aur sharaabon men guzar hai ab to
main ne kab dekhii thii barasaat mujhe hosh nahiin
jaane kyaa TuuTaa hai paimaanaa ki dil hai meraa
bikhare bikhare hai.n Khayaalaat mujhe hosh nahiin
[DOUBLEPOST=1341851641][/DOUBLEPOST]
log har mo.D pe ruk ruk ke sambhalate kyuu.N hain
itanaa Darate hai.n to phir ghar se nikalate kyuu.N hain
mai.n na juganuu huuN diyaa huu.N na koi taaraa huuN
raushanii vaale mere naam se jalate kyuu.N hain
niind se meraa ta'alluq hii nahiin barason se
Khvaab aa aa ke merii chhat pe Tahalate kyuu.N hain
moD hotaa hai javaanii kaa sambhalane ke liye
aur sab log yahiin aake phisalate kyuuN hain
[DOUBLEPOST=1341851804][/DOUBLEPOST]
masjido.n ke sahan tak jaanaa bahut dushvaar thaa
der se nikalaa to mere raaste men daar thaa
apane hii phailaao ke nashe me.n khoyaa thaa daraKht
aur har masuum Tahanii par phalon kaa baar thaa
dekhate hii dekhate shaharo.n kii raunaq ban gayaa
kal yahii cheharaa thaa jo har aaiine pe baar thaa
sab ke dukh suKh us ke chehare pe likhe paaye gaye
aadamii kyaa thaa hamaare shahar kaa aKhabaar thaa
ab mohalle bhar ke daravaazo.n pe dastak hai nasiib
ek zamaanaa thaa ke jab mai.n bhii bahut Khuddaar thaa
kaaGazon kii sab siyaahii baarishon men dhul gaii
ham ne jo sochaa tere baare me.n sab bekaar thaa
[DOUBLEPOST=1341851937][/DOUBLEPOST]
peshaaniyon pe likhe muqaddar nahii.n mile
dastaar kahaaN milenge jahaaN sar nahii.
aavaaragii ko Duubate suuraj se rabt hai
maGrib ke baad ham bhii to ghar par nahiin mile
kal aaiinon kaa jashn huaa thaa tamaam raat
andhe tamaash_biinon ko patthar nahiin mile
main chaahataa thaa Khud se mulaaqaat ho magar
aaine mere qad ke baraabar nahiin mile
pardes jaa rahe ho to sab dekhate chalo
mumkin hai vaapas aao to ye ghar nahiin mile
[DOUBLEPOST=1341852038][/DOUBLEPOST]
safar kii had hai vahaa.N tak ke kuchh nishaan rahe
chale chalo ke jahaaN tak ye aasmaan rahe
ye kyaa uThaaye qadam aur aa ga_ii manzil
mazaa to jab hai ke pairon me.n kuchh thakan rahe
vo shaKhs mujh ko koi jaal_saaz lagataa hai
tum us ko dost samajhate ho phir bhii dhyaan rahe
mujhe zamiin kii geharaaiion ne daab liyaa
main chaahataa thaa mere sar pe aasmaan rahe
ab apane biich maraasim nahii.n adaavat hai
magar ye baat hamaare hii darmiyaan rahe
magar sitaaro.n kii fasle.n ugaa sakaa na koii
merii zamiin pe kitane hii aasmaan rahe
vo ek savaal hai phir us kaa saamanaa hogaa
duaa karo ke salaamat merii zabaan rahe
[DOUBLEPOST=1341852117][/DOUBLEPOST]
shahar me.n Dhuu.ND rahaa huuN ke sahaaraa de de
ko_ii haatim jo mere haath me.n kaasaa de de
pe.D sab nange faqiiro.n kii tarah sahame hai.n
kis se ummiid ye kii jaaye ki saayaa de de
vaqt kii sangzanii noch gaii saare naqush
ab vo aaiinaa kahaa.N jo meraa cheharaa de de
dushmano.n kii bhii koii baat to sach ho jaaye
aa mere dost kisii din mujhe dhokaa de de
mai.n bahut jald hii ghar lauT ke aa jaaungaa
merii tanhaaii yahaaN kuchh dinon peharaa de de
Duub jaanaa hii muqadar hai to behatar varanaa
tuune patavaar jo chhiinii hai to tinkaa de de
jis ne qataron kaa bhii mohataaj kiyaa mujh ko
vo agar josh men aa jaaye to dariyaa de de
tum ko "Rahat" kii tabiiyat kaa nahiin andaazaa
vo bikhaarii hai magar maa.Ngo to duniyaa de de