nam wali muhamad-qalmi nam nazeer akbar abadi-1735
urdu ky mashhoor awami shair-aazad taba aur mutawakal mizaaj
urdu shairy main 1 nay tarz k mojid
Dunia main baadshah hai so wo hai aadmi
aur mufkiso gada hai so hai wo bhi aadmi
zardar be nawa haiso hai wo bhi aadmi
naimat jo kha raha hai so hai wo bhi aadmi
tukdy chaba raha hai so hai wo bhi aadmi
masjid bhi aadmi ne banai hai yan miyan
banty hain aadmi he immam aur khutba khuwan
padhty hain aadmi he Quraa aur namaz yan
aur aadmi he un ki churaty hain jutian
jo in ko tadta hai so hai wobhi aadmi
yan aadmi naqib ho boly hai bar bar
aur aadmi he piyady hain aur aadmi sawar
huqa, surahe , jutian doden baghal main maar
kandhy pe rakh k palki aadmi hain kahar
aur is main jo chadha hai so hai wo bhi aadmi
bethy hain aadmi he dukanen lagalaga
kehta hai koi lo koi kehta hai la ry la
aur aadmi he phirty hain rakh sir pe khwancha
kis kis trha wy bechen hain chizen bana bana
aur mol ly raha hai so hai wo bhi aadmi
ashraf ta kaminy se ly shaah ta wazeer
hain aadmi he sahib e izzat bhi aur haqeer
yan aadmi mureed hai aur aadmi he peer
achha bhi aadmi he dikhata hai ay nazeer
aur sab se jo bura hai so hai wo bhi aadmi
