Aaj Ka Intikhaab............!!

[Kavi]

تم بھی بالوں میں لئے برف چلے آئے ہو
میں بھی اک شکوہِ تاخیر لئے پھرتا ہوں​

 

[Kavi]

اُس نے زنجیر مِرے پاؤں میں دُہری کر دی
!میں نے پوچھا تھا کہ دیوار سے آگے کیا ہے​

 

[Kavi]

یہ کوہِ خواب ہے جو رات بھر فِضاؤں میں
کِسی کی یاد کا لاوا اُگلتا رہتا ہے​

 

[Kavi]

میں وہ مجبورِ اَنا ہُوں کہ جِسے رونے کو
کوئی کاندھا بھی اگر دے تو بُرا لگتا ہے
​

 

[Kavi]

ایک دم ایسے دھڑکتا ہے تِرے واسطے دل
جیسے دروازہ بجاتے ہیں پریشانی میں​

 

[Kavi]

جانے اُس شخص کو یہ کیسا ہُنر آتا ہے
رات ہوتی ھے تو آنکھوں میں اُتر آتا ہے​

 

[Kavi]

جھوٹ کہتے ہیں کہ آواز لگا سکتا ہے
ڈوبنے والا فقط ہاتھ ہِلا سکتا ہے
اور پھر چھوڑ گیا وہ جو کہا کرتا تھا
کون بدبخت تجھے چھوڑ کے جا سکتا ہے
​