Aaj mainey tera aakhiri khat bhi jalaa diya

  • Work-from-home

Dark

Darknes will Fall
VIP
Jun 21, 2007
28,885
12,579
1,313
Khoon se rangeen deewar-o-dar banaa diya
Zara sa haath mainey zakhmon se utthaa diya


Teri yaadon ne dastak jab bhi dil pe di
Aik aah bhar lee aik aansoo bahaa diya


Cheekh-te hain dil ke chhalle naam-e-marham pe
rog kaisey tumney ye dil ko lagaa diya


Phir bhi deta hai tum hi ko dil duaayen
mana ke tuney mujhey khaak mein milaa diya


Baitha hoon jaise lutt gaya ho dilli ka taaj
aaj mainey tera aakhiri khat bhi jalaa diya


Woh chehre ko duppatte mein chhuppaye chal diye
"Shool" ka ek shair mainey kya sunaa diya
 
  • Like
Reactions: nrbhayo
Top