ab umer ke naqdi

  • Work-from-home

RedRose64

Co Admin
Mar 15, 2007
42,742
28,182
1,313
Canada
ab umer ke naqdi khatam huee

ab umer ke naqdi khatam huee
ab hum ko udhar kee hajat hai
hai koi jo sahookar bane?
hai koi jo dewan haar bane?
kuch saal,maheene din logo!
par sood biyaj ke bin logo!
haan. apne jaan ke khazane se
haan,umer ke toshakhane se

kia koi bhi sahookar nahi?
kia koi bhi dewanhaar nahi?
jab naam udhar ka aya hai
kion sab ne sar jhukaya hai
kuch kaam humein niptane hain
jinhain jaanne wale jane hain
kuch piyar dular ke dhandhe hain
kuch jag ke dosre phande hain

hum maangte nahi hazar baras
das paanch baras do chaar baras
haan,sood biyaj bhi de lain ge
haan aur khiraj bhi de lain ge
asan bane,dushwar bane
par koi to dewanhaar bane

tum kaun,tumhara naam hai kia?
kuch hum se tum ko kaam hai kia?
kion iss majmae main aye ho?
kuch mangit ho?kuch laye ho?

ye karobaar ke bateein hain
yeh nakad udhar ke baatein hain
hum beythe hain kashkol liey
sab umer ke nakdi khatam liey
ger sher ke rishte aye ho
tab samjho jald judaye hai

ab geet gya sangeet gya
haan sher ka mausam beet gya
ab patghad aye paat girain
kuch subah giran ,kuch raat girain
ye apne yaar purane hain
ek umer se hum ko jane hain
in sab ke paas hai maal buhat
haan umer ke mahosaal buhat
in sab ko hum ne bulaya hai
aur jholi ko pheylaya hai
tum jao un se baat karo
hum na tum se mulakat karein

kia paanch baras?
kia umer apne ke paanch baras?
tum jaan ke hatheyle laye ho?
kia pagal ho ? kia soadaye ho?
jab umer ka akhair ata hai
her din sadiyan ban jata hai

jeene ke hawas he nirale hai
hai kaun jo iss se khale hai
kia maut se pehle marna hai?tum ko to buhat kuch kerna hai
phir tum ho humhare kaun bhala
haan tum se humhara kia rishta?
kia sood biyaj ka lalach hai??

kisse aur khiraj ka lalach hai?tum sohne ho manmohni ho
tum ja ker poore umer jiyo
ye panch baras, ye chaar baras
chin jayein to lagain hazar baras

sab dost gyey sab yaar gye
they jitne sahookar gye
bas ek ye naare beythe hai!
ye kaun hai?kia hai? kaise hai?
haan umer humhe darkar bhi hai!
haan jeene se humhe piyar bhi ha
 
  • Like
Reactions: nrbhayo
Top