abhi to ishq mein

  • Work-from-home

RedRose64

Co Admin
Mar 15, 2007
42,742
28,182
1,313
Canada
abhi to ishq mein aisa bhi haal hona hai

abhi to ishq mein aisa bhi haal hona hai
k ashk rokna tum se mahaal hona hai

har aik lab pe hain meri wafa k afsaney
terey sitam ko abhi lazaval hona hai

tumhein khabar hi nahin tum to laut jao gey
tumharey hijr mein lamha bhi saal hona hai

hamari rooh per jab bhi azab utrein gey
tumhari yaad ko uss dil pe dhaal hona hai

har aik shaks chaley ga hamari rahon per
muhabbaton mein humein woh misaal hona hai

zamana jis k hum-o-paich mein ulajh jaye
hamari zaat ko aisa sawal hona hai

wasi yaqeen hia mujh ko woh laut aaye ga
ussey bhi apney kiye ka malaal hona hai
 
  • Like
Reactions: nrbhayo
Top