Ahmed Faraz Ghazal Mujmuaa!

[AnadiL]

Nazar bujhi to karishmay bhi roz O shab ke gaye
K ab talak nahi aaye haiN log jabb ke gaye


Sunegaa koun teri bewafaaiyoN ke gilay
Yahi hai rasm-E-zamana to ham bhi ab ke gaye


Magar kissi ne hamaiN ham safar nahi jaanaa
Yeh aur baat K ham saath saath sab ke gaye


Ab aaye ho to yahaaN kya hai dekhnay ke liye
Ye shahr kab se hai weeraN wo log kab ke gaye


Giraftaa dil thay, magar houslaa na haaraa tha
Giraftaa dil haiN magar housslay bhi ab ke gaye


Tum apni shamm’a tamanna ko ro rahe ho ‘Faraz’
In aaNdhiyoN meN to pyare charaGh sab ke gaye

 

[AnadiL]

Kahaniyan na suno aas paas logoN Ki
Ke mera shaher hai basti udaas logoN Ki


Na koi samt na manzil so Qaafila kaisa
RawaaN hai bheeR faqat be-Qayas logoN Ki



Kisi se pooch hi lete wafa ke baab meN hum
Kami nahiN thi zamaanaa-shanaas logoN Ki



MuhabbatoN ka safar khatm to nahiN hota
Baja K dosti aayi na raas logoN Ki



HamaiN bhi apne Kayi dost yaad aate haiN
Kabhi jo baat chale na-sipaas logoN Ki



Karo na apni bala-noshion Ke yuun charchay
K is se aur bhi barhti hai pyaas logoN Ki



MaiN aany wale ZamaanoN se dar raha huN ‘Faraz’
K maiN ne dekhi haiN aaNkheN udaas logoN Ki

 

[AnadiL]

Abr O baraaN hi na thay bahr ki yorish maiN shareek


Dukh to ye hai k hai mallah bhi sazish maiN shareek


Ta hamain tark E ta’alluq ka bahut ranj na ho


Aao tum ko bhi karaiN ham isi koshish maiN shareek


Ik to wo jism tilismaat ka ghar lagtaa hai


Us pe hai niyyat E khaiyaat bhi poshish maiN shareek


Saari khalqat chali aati hai ussay daikhne ko


Kya karay dil bhi k duniya hai sifarish maiN shareek


Itna sharmindah na kar apnay gunahgaroN ko


Ae khuda tu bhi raha hai meri khaahish maiN shareek


Lafz ko phool banana to karishma hai Faraz!


Ho na ho koi to hai teri nigaarish maiN shareek

 

[Ahmad-Hasan]

oye break pe pair rkhooooooooooooooo

 

[AnadiL]

Na tera qurb na baadaa hai kya kiya jaaye
phr aaj dukh bhi zyaadaa hai kya kiya jaaye


HamaiN bhi arz-E-tamanna ka Dhub nahi aataa
Mizaaj-E-yaar bhi saadaa hai kya kiya jaaye


Kuch apnay dost bhi tarkash badosh phirtay haiN
Kuch apna dil bhi kushaadaa hai kya kiya jaaye


Voh mehrbaaN hai magar dil ki hirs bhi kum ho
Talb, karam se zyaadaa hai kya kiya jaaye


Na us se trk-E-ta’alluQ ki baat kar paayeN
Na hamdami ka eraadaa hai kya kiya jaaye


Saluk-E-yaar se dil doobney laga hai Faraz
Magar ye mehfi-E-a’adaa hai kya kiya jaaye

 

[AnadiL]

oye break pe pair rkhooooooooooooooo

kiun

 

[AnadiL]

Tujhse bichhaR ke ham bhii muqaddar ke ho gaye
Phir jo bhii dar mila hai usii dar ke ho gaye


Phir yuN huaa ke Ghair ko dil se lagaa liyaa
Andar vo nafrateN thiiN ke baahar ke ho gaye


Kyaa log the ke jaan se baRh kar aziiz the
Ab dil se mahv naam bhii aksar ke ho gaye


Ai yaad-e-yaar tujh se kareN kyaa shikaayateN
Ai dard-E-hijr hum bhii to pat_thar ke ho gaye


Samjhaa rahe the mujh ko sabhii nasehaan-E-shahr
Phir raftaa raftaa Khud usii kaafir ke ho gaye


Ab ke na intizaar kareN chaaragar kaa ham
Ab ke gaye to kuu-E-sitamgar ke ho gaye


Rote ho ek jaziira-E-jaaN ko “Faraz” tum
Dekho to kitne shahr samandar ke ho gaye

 

[Ahmad-Hasan]

kiun

ek dum se sari nahi prhi jati

 

[AnadiL]

Sab log liye sang-E-malaamat nikal aaye


Kis shahr meN ham ahal-E-muhabbat nikal aaye


Ab dil kii tamannaa hai to ai kaash yahii ho


AaNsuu kii jagah aaNkh se hasarat nikal aaye


Har ghar kaa diyaa gul na karo tum K na jaane


Kis baam se Khurashiid-E-Qayaamat nikal aaye


Jo dar_paa-E-pindaar haiN un qatl_gahoN se


JaaN deke bhii samajho K salaamat nikal aaye


Ae ham_nafaso kuchh to kaho ahad-E-sitam kii


Ek harf se mumkin hai hikaayat nikal aaye


Yaaro mujhe masaluub karo tum K mere baad


Shaayad K tumhaaraa qad-O-qaamat nikal aaye

 

[AnadiL]

ek dum se sari nahi prhi jati

Dheere Dheere parhna na aap

 

[Ahmad-Hasan]

kiya signature mara hy boss

 

[Ahmad-Hasan]

Dheere Dheere parhna na aap

dhery dhery tb prhain gy jb sans lo gi ab ktni b dhery prahain u se fast to nahi prh skta

 

[AnadiL]

Gaisu-E-shaam meN aik sitaaraa aik khyaal
Dil meN liye phirte haiN tumharaa aik khyaal


Baam-E-falak par sooraj,chaaNd, sitaara tha
Ham ne beyaaz-E-dil pe utaaraa aik khyaal


Kabhi to un ko bhi dekho, jin logoN ne
Umr gaNwaai aur saNwaaraa aik khyaal


Yaad k shahr k shor se kaale kosoN door
Dasht-E-faraamoshi se pukaaraa aik khyaal


YuN bhi hua hai dil k muqaabil duniya thi
Phir bhi na haaraa phir bhi na haaraa aik khyaal


Mujh par zarb paRi to khalqat ne dekha
Meri bajaaye paaraa paaraa aik khyaal


Aik musaafat, aik udaasii, aik ‘Faraz’
Aik tamannaa, aik sharaaraa, aik khyaal

 

[AnadiL]

Main mar mita to wo samjha ye inteha thi meri
Usay khabar hi na thii, khaak kimiya thi meri

MaiN chup hua to wo samjha k baat khatam hui
Phir us k baad to aawaaz ja ba ja thi meri

Jo taa’na zan tha meri poshish E dardidaa par
Usi ke dosh pay rak_khi houi qaba thi meri

MaiN us ko yaad karuN bhi to yaad ata nahiN
MaiN us ko bhool gaya huN, yahi saza thi meri

Shikast de gaya apna Ghoroor hi us ko
Wagarna us k muqabil basaat kya thi meri

KahiN dimaGh kahiN dil kahiN badan hi badan
Har ek se dosti yaari juda juda thi meri

Koi bhi koo E muhabbat say phir nahin guzra
To shahr E ishq maiN kya akhri sada thi meri

Jo ab ghamand say Sar ko uThaaye phirti hai
Isi tarah ki to makhlooq khaak E pa thi meri

Har aik shair na tha dar khor E qaseeda dost
Aur us say tab’ae E rawaaN khub aashna thi meri

MaiN usko dekhta rahta tha hairatoN se ‘Faraz’
Ye zindagi se ta’aaruf ki ibtedaa thi meri

 

[AnadiL]

Avval avval ki dosti hai abhi
Ek Ghazal hai K ho rahi hai abhi

MaiN bhi shahr-E-wafa meN nau-vaarid
Wo bhi ruk ruk ke chal rahi hai abhi

MaiN bhi aisa kahaN ka zood-shanaas
Wo bhi , lagta hai , sochti hai abhi

Dil ki waaraftagi hai apni jagah
Phir bhi kuch ehteyaat si hai abhi

Gar-cheh pehle sa ijtenaab nahiN
Phir bhi kam kam sapurdagi hai abhi

Khud-kalaami meN kab ye nash_sha tha
Jis tarah ru-ba-ru koi hai abhi

QurbateN laakh khoobsoorat hoN
DooriyoN meN bhi dil-kashi hai abhi

Raat kis maah-wash ki chaahat meN
ShabnamistaaN saja rahi hai abhi

MaiN bhi kis vaadi-e-khayaal mein tha
Barf si dil pe gir rahi hai abhi

Zindagi koo-E-na-muraadi se
Kisko muR muR k dekhti hai abhi

Is qadar khiNch gayi hai jaaN ki kamaaN
Aisa lagta hai TooTti hai abhi

Kaisa mausam hai kuchh nahiN khulta
BooNda baNdi thi, dhoop bhi hai abhi

Aisa lagta hai khalvat-E-jaaN meN
Wo jo ik shakhs tha wohi hai abhi

MuddateN ho gayeeN ‘FARAZ’ magar
Wo jo deewaangi k thi, hai abhi

 

[AnadiL]

Chalo K kuchaa-E-Dildar chal ke dekhtay haiN
Kisay kisay hai ya aazaar chal ke dekhtay haiN


Suna hai aisa masihaa kahiN say aayaa hai
K us ko shahr k beemaar chal ke dekhtay haiN


Hum apnay but ko , ZuleKha leye hai Yusuf ko
Hai kon rounaq-E-baazaar chal ke dekhtay haiN


Suna hai dair-O-haram maiN wo ab nahi milta
So abke us ko sar-E-dar chal ke dekhtay haiN


Us aek shaKHs ko dekho to aaNkh bharti nahi
us aek shaKHs ko har bar chal ke dekhtay haiN


Wo meray ghar ka karay qasd jab to saaye say
Kayee qadam dar-O-deewar chal ke dekhtay haiN


‘Faraz’ aseer hai us ka K woh Faraz ka hai
Hai koun kis ka griftaar? chal ke dekhtay haiN

 

[AnadiL]

kiya signature mara hy boss

thnku

 

[Ahmad-Hasan]

welcome

 

[Ahmad-Hasan]

کروں نہ یاد مگر کس طرح بھلاؤں اسے
غزل بہانہ کروں اور گنگناؤں اسے

وہ خار خار ہے شاخِ گلاب کی مانند
میں زخم زخم ہوں پھر بھی گلے لگاؤں اسے

یہ لوگ تذکرے کرتے ہیں اپنے لوگوں كے
میں کس سے بات کروں اور کہاں سے لاؤں اسے

وہی جو دولتِ دل ہے وہی جو راحتِ جاں
تمہاری بات پہ اے ناصحو گنواؤں اسے

جو ہم سفر سرِ منزل بچھڑ رہا ہے فراز
عجب نہیں کہ اگر یاد بھی نہ آؤں اسے

احمد فراز

 

[Bird-Of-Paradise]

wah wah.............. nice