"Farishte se Behtar Hai Insan Ban'na,
Magar Is main Lagati Hai Mehnat Ziada"
[SHADOW=5]AS SALAM ALAIKUM[/SHADOW]
Allah Buzurg o Bartar ne Insan ki takhleeq me bahut sari baaten munfarid rakhi hain.Isi infiradiyat ki bina wo auro se afzal aur Ashraful makhlooqat kehlaya
Jahan Khuda ne insan ko dusri makhluqat par tarjeeh di,auron se afzaltareen banaya,wahin usko ek nayab nemat AQAL jaisi shaye bhi ata ki aur sahib e samjh bana kar usko zindagi k safar me khud mukhtar kiya..Usko Hosh o Danaayi k zever se arasta kiya aur ilm ki roshni se ashna kiya.usko ikhlaqiyat ka dars dekar tarz e zindagi k usool bataye.Isi Aqal k bina achayi aur burayi se roshnas karwaya aur isi insan k liye be bahaa nematen utaarin aur un nemato k istemal ka saleeqa bhi ata kiya
Isi Aqal ki bina insan ko sha'ur ki manzil ata ki aur isi sha'ur k zarye neki aur badi ke rasta ta tayun karna bataya
Lekin...lekin isi insan ne aqal o sha'ur ki nemat to leli magar Khuda k bataye hue Raste p chalna chor diya...apni alag raah ekhtiyar ki,isi Aqal k bina isne achayi p amal karne k bajaye insaniayt ko nukhsan pahuncahna shuru kiya..Apne aql o ilm k zarye hi usne Allah ki banayi hui dunia ko tabah karna shuru kardiya,Qudrat k nizam ko tahesh nahes kardiya
[SHADOW=5]bas k dushwar hai har kam ka asan hona
Aadmi ko bhi mayasar nahi insaan hona
[/SHADOW]
Jahan insan ne Usool e Qudrat ki khilafwarzi ki wahin p tabahi ka rasta apne liye ekhtyar kiya
Insan ki rehbari k liye Allah ne apne haadi apne paighambar bheje takay insaniyat ko hidayat mile lekin insan ne apne hathon khud apni barbadi ka tayyun kiya aur iski tabahi k raste par chalte hue wo itna magan hai k wo khud apne Khaliq ko bhool chuka hai....
Aaao hum sab milkar ye Duaa mangen k
Aye Allah is Tabahi se,is ghalat raste se humko panah de
Aye Allah Jo Tera Rasta hai uspar Qayam rahne ki hume Taufeeq ata ho
Aye Allah hum wo kaam hargiz na karen jiske karne se insaniyat ki tauheen o sharmindagi ho
Aye Allah Sabse Azeem,Sabse zyada rahem karnewale humare Raah ka tayyun karde Aur hume usi raaste par chala jis raaste par Tu chahta hai.............Ameennnnnnnn...Ya Rabb ul Alamaeen
[SHADOW=6]BAHAAR[/SHADOW]
..(i guess)
