Bazm-e-dushman

[Zee Leo]

Bazm-e-Dushman Mein Bulaatay Ho, Yeh Kya Kartey Ho,
Aur Phir Aankh Churaatay Ho, Yeh Kya Kartey Ho..

Baad Mere Koi Mujhsa Na Milega Tum Ko,
Khaak Mein Kis Ko Milaatay Ho, Yeh Kya Kartey Ho..

Cheentay Paani Ki Na Lo Neend Bhari Aankhon Per,
Sotay Fitnay Ko Jagatay Ho, Yeh Kya Kartey Ho..

Hum To Detay Nahin Kya Yeh Bhi Zabardasti Hai,
Cheen Kay Dil Liye Jaatay Ho, Yeh Kya Kartey Ho..

Ho Na Jaaye Kahin Daaman Ka Churhana Mushkil,
Mujh Ko Deewana Banatay Ho, Yeh Kya Kartey Ho..