Chaannd taaroan mein roshni bhi thi--
saamne tum thei zindagi bhi thi--
khil uthei phool dil ke seh'raa mein--
khushk aankhoan mein woh nami bhi thi--
aik cheh'raa nihaa'n tha cheh're mein
shor mein ghar'q khaamoshi bhi thi--
ham ne bechaa na thaa zameer abhi
unki sansoan mein barhami bhi thi--
kab woh kis baat par khafaa ho jaaye
was'l ki raat be-kali bhi thi--
na liyaa jam ghair ke haathon
go qayaamat ki tashnagi bhi thi--
woh na the jab hawaas par "fahmi"
in fazaaon mein dilkashi bhi thi--