Har Aik Aik Se Yehi Pakar Ke Poochte Rahe

[*Sarlaa*]

Thaki thaki si aas hai, Yeh Dil buhat Udas hai
Koi to Dard Raas hai, Yeh Dil buhat Udas hai

Yeh to hai ya luta puta hua koi kheyal hai
Koi to aas pas hai, Yeh Dil buhat Udas hai

Har aik aik se yehi pakar ke poochte rahe
Kahan woh gham shanash hai, Yeh Dil buhat Udas hai

Kabhi kabhi to sonchte hain bas yahi kahe chalein
Keh dil buhat udas hai, Yeh Dil buhat Udas hai

Ajeeb tarah ke waswason mein ghir gayi hai zindagi
Umeed hai na aas hai, Yeh Dil buhat Udas hai

Na jaao jism par saje huye haseen lebas par
Badan to khush lebas hai, Yeh Dil buhat Udas hai