Hum-jins Agar Milay

[pink-rose]

Hum-jins ager miley na koi aasma'n per
Behtar hai khaak daliye aisi urraan per

​

Aaa ker gira tha aik parinda, lahoo main tar
Tasveer apni chorr gaya hai chattan per

Poocho samandron se kabhi khaak ka pata
Dekho hawa ka naqsh kabhi badbaan per

Yaaro,main is nazer ki bulandi ka kia keroon
saya bhi apna dekhta hoon aasmaan per

Malboos khush-numa hain mager jism khokley
Chilkey sajy hon jese phalon ki dukaan per


Haq baat aa k ruk si gayi thi kabhi shakeeb
chaaley parey hue hain abhi tak zubaan per​

 

[Waqar Hussain]

{(goodpost)}{(goodpost)}{(goodpost)}

 

[nrbhayo]

aala jee..