Imaan, ittehad ,tanzeem hmare Pakistan ki Bunyad (URDU Essay)

  • Work-from-home

Hoorain

*In search of Oyster Pearls*
VIP
Dec 31, 2009
108,467
40,710
1,313
A n3st!
"Wa,ta,simu bihablillahi jamiyan wala tafarraqu(suraH Alimran)"
"aur sab mil kar ALLAH ki rassi ko mazbuti se thaam lo aur tafraqe may mat parro”

Wo soch jo kisi imarat ki tameer may pehli ent ka kaam karey us imarat ki bunyad hay.Issi soch par us imarat key qayam ka inhesar hay.bunyad jitni mazboot ho imarat utni hi paydaar hoti hay.Pakistan ki imarat k qayam may jis soch ne awleen ent ka kaam anjaam diya wo hay.

“Eman,Itehad ,Tnazeem”

Pakistan ka matlab kia “La ILAHA ILLALAH”(NHI KOI SACHA MABOOD SIWAYE Allah K)
Pakistan ko hasil karne may issi naarey ki goonj har taraf sunayi di gai.Pakistan ko hasil karne ka maqsad tha k hum apne islami asoolun k mutabiq firqon may battey baghair aik ALLAH ki ibadat kar sakain aur Islami asoolun k mutabiq apni zindagi basar kar sakain Quaid e azam ne Pakistan ki aawam ko hamesha aik hi sabaq diiya.
Eman ,Etehad aur tanzeem jo k Pakistan ki bunyad hay


Aur jab tak ye bunyaad mazbut rhegi Pakistan ki imarat ko koi nuqsan nhi poancha sakta.yhi farmaan ALLAH tala ne Quran paak may khud 1400 saal pehle farmaya tha

“K tum sab ALLAH ki rassi ko mabooti se thaam lo aur firqon may mat batto”o

ALLAH ki rassi ko mazbuti se thaamne ka matlab k job hi amal kiya jaaye naik niyati se kiya jaaey aur ALLAH par kamil yaqeen rakha jaaey k ALLAH tala haq aur sach k saath hain aisse may kabhi bhi kahi bhi hmara emaan na dagmagaye.
Tafarqe may na parne ka matlab k sab islam k jhnadey talley mutehad ho jaaey aur kahi bhi kabhi bhi lsani,gagrafiyayi,ya syasi firqon may mat parrey.waqt chahey kitna hi mushkil q na ho safar kitna hi kathin q na ho, mutehad ho kar sab k sab aik seesa playi deewar ban jayain jisse koi na gira sakey.
Tanzeem ka matlab k na sirf apne mulk balkey khud pne liye bhi infiradi_o_ijtamayi tor par nazm_o_zabt paida kiy jaaey .kuch asool waza kiye jayain aur in asoolun par chal kar apni zindagi guzari jaaey.kahi bhi ye asool Islam k asoolun k khilaf nah on.aur sab mutifqa tor par in pea mal karain.jab tak hum in asoolun ,quaid e azam k is paigham par amal paira rahey hum bahaisiat aik mazbooot aur ba izzat qom k dunya k naqshey par ubhre hain.


Hmara Pakistan Islamia jamhuria Pakistan ,aik Islami ryasat hay islami ryasat qomi ittehad ka mazhar hoti hay islami ryasat may na to kisi fard ya tabqey se ziadti hoti hay aur na kisi se na insafi ki jaati hay lihaza adam yakjehti_o_ittehad ka sawal hi paida nhi hota balkey adl_o_insaaf k qayam ,jamhuri qadron k farogh aur mukammal mazhabi aazadi se muashra k afraad may qomi yakjehti_o_ittehad paida hota hay

Aaj Pkaistan tareekh k kis mor par hay?Pakistan ki imarat danwadol q hay Pakistan ka har fard ,awam,adliya Pakistan ki imarat ko bchane k liye qoli dawon may masroof_e_amal hain sab Pakistan ki girti hui imarat ko sahara daine k tag_o_do may masroof nazar aane k liye aik dusre ko ilzaam daine may waqt ka zya karte hain..

Sab khud sakhta firqon may bat gaye hain .ye firqa parasti na sirf mazhabi balkey qomi sata par bhi numaya hay.aaj sab “hum Pakistani” hain kehne ki bjaye “hum balochi”hum Pashto”,hum Punjabi”hum sindhi” k naarey lgate nazar aate hain.sab infiradi tor par ye samajtey hain k Pakistan ki girti hui imarat ka boujh sirf inhi k nazuk aur natawan kandhon par aa parra hay jisse koi sahar nhi sakta.aik baar ijtemayi fikar se ye sochne ki koshish nhi karte k pakitan ki imarat danwadol q hay,ye imarat q girne k qareeb hay bas imarat ko pakar kar kharrey hain kabhi dayain janib se jhatka lagta hay to ye imarat bayain janib lurhak jaati hay aur bayain janib waale dayain janib waalon ko mord_e_ilzaam thehraate hain yhi haal dayain janib waalon ka hay jab mukhalif simmat se jhatka lagta hay to apni janib boujh bharne par wo dayain janib waale bayain janib waalon ko latrna shuroo kar daite hain.kabhi ye dayain bayain janib waale khud ko firqon ki bjaye aik mulk ki aawam samajhne aur maira Pakistan taira Pakistan kehne ki bjaye hmara Pakistan keh kar ye sochne ki koshish nhi karte k aakhir kab tak wo is imarat ko thaame kharre rhain gaye aur kab tak thaam payain gaye?
Islami jamhuriya Pakistan ki awam hote hue hubal watni k barre barrey jazbati dawey karte hue kia hum ne kabhi ye socha k Pakistan ki imarat ki khasta haali kahi iski bunyadon may deemak lagne k bais to nhi?aisi konsi deemat chaat rhi hay hmare pyare watan ki bunyadon ko jis se is alishan imarat ki jarain andar hi adar kat rhi hain ?agar sab mutehad ho kar ijtem,ayi fikar k tehat sochne ki koshish karain to zarur jaan jayin gaye k is imarat ki bunyadain khokhli hoti jar hi hain is imarat ki bunyad jis par ab tak ye kharri hay “iman “ittehad”tanzeem” ko deemak chat rhi hay.na to hmara ALLAH par emaan mazboot hay aur na hi hum mutehad aur munazam qom ki haysiat liye hue hain.


Sirf yhi waja hay k aaj har koi bila jhijhak hum par ungli uthata hay ,khud hum apne watan ki khaamio aur kamzorio ko ginwane may sargaram amal nazar aate hain…

Kabhi nhi sochte k in khaamoion ki waja kahi na kahi khud hum hain…


Koi aur to nhi hay pas_e_khanjar aazmayi
Hum hi qatal ho rhe hain,hum hi qatal kar rhe hain


Kabhi koshish nhi karte k guft o shaneed se aage bhar kar bhi koi amli pash qadmi ki jaaye.Inqlaab ka sumandar bahane k liye bhi pehli bood pehle qatre ki zarurat hay. Hamain apne aap may apni awam may qomi ittehad k jazbey ko ubharne ki zarurat hay.

Jis tara qayam-e-pakistan k liye alama iqbal aur Quaid e azam ne aik qomi jazba hmare aba_o_ijdad may ubhara.aur Pakistan k qayam jaisa moujza dunya ki tareekh may jagmgaya..

Aaj hamain ussi jazbey ussi moujzey ki zarurat hay.pakistan ki imarat ko pakarne ki koshish may halkaan hone ki bjaye uski bunyadon may laggi deemak ka khatma karain uski bunyadon ko phir se mazboot bnane ki koshish ki jaaey..

Agar hum aise hi chaar soobun may battey hue naarey lgaate rhain gaye.to ye dolti hui amarat kabhi apna tawazun barqrar nhi rakh sakey gi aur apni tmam tar bunyadon,quaid e azam aura lama iqbal ki tmam tar khwabon aur hmare aba o ijdad ki tmam tar qurbanio samait zameen bos ho jaaeygi..

Fard qaim rabt_E_millat se hay tanha kuch nhi
Mouj hay darya may aur bairoon_e_darya kuch nhi


Hmara Pakistan islami jamhuria Pakistan hay yh waqt hay k islami iqdaar ko quran o hadees ki roshni aur uswa_e_husna key roshan aayna may daikhain.phir inki zya paashion se apni bikhri hui tareekh k abwab ki sheeraza bandi karain. Aaj agar umat_e_muslima aap(PBUH) ki taleemat_o_hidayat par amal paira ho kar aik dosre ki izzat o takreem shuroo karain aur mutehd ho jayain to har qisam ki paichidgiyan jinho ne poori qom ko pareshan kar rakha hay khudbakhud hal ho jayaingi.
Tab hmara Pakistan phir se aik mazboot ,aalishan aur mufarid qom,millat ki haysiat se dunya k naqshey par ubhreyga INSHA ALLAH aur har taraf yhi naara hoga yhi paigham hoga
Emaan ,ittehad,tanzeem hmare Pakistan ki bunyaad


Tan k koi hmare watan ki bunyadoon par burri nazar daalne se pehle is arz_e_paak ki athara karor aabadi ko daikh ley aur apne iradon ko is ittehad k saamen kamzor pa kar dubara buri nazar na daal sakkey. Q k jin qomon may emaan ,ittehad aur tanzeem jaise aosaaf paye jayain unki madad khud ALLAH TALA farmate hain
Ye lamha_e_fikrya hay haath par haath dhar k nhi baithna apnea mal_o_aqwal may hum aahangi paida karni hay aur mutehad ho kar apne watan ko uska khoya hua waqarr wapis dilana hay k is halat k zumedaar bhi hum hi thay.


Ya rab dil_e_muslim ko wo zinda tamanna de
Jo qalb ko garma dey jo rooh ko tarpa dey


(aameen)

([email protected])
 
Last edited:

Qawareer

میرا خدا ہر روز مجھے نئی خوشیاں دیتا ہے
VIP
Sep 1, 2010
22,663
10,941
1,113
sum Ameen
splendid.......:-bd
topic k sath khasa insaf kia hai ap ne..!
ap likhti raha kren..salahitain hain ap ne sis
 
  • Like
Reactions: hoorain

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
Uffff{(no1)} Kitni baar kaha hai ke aise threads ke links mujhe VM kardiya karo, u nahi sudrogi....

khair bohot hi achi tarah se likha hai aur samjhaya hai Hoor u ne....MashaALLAh great efforts....
 
  • Like
Reactions: hoorain

Hoorain

*In search of Oyster Pearls*
VIP
Dec 31, 2009
108,467
40,710
1,313
A n3st!
Uffff{(no1)} Kitni baar kaha hai ke aise threads ke links mujhe VM kardiya karo, u nahi sudrogi....

khair bohot hi achi tarah se likha hai aur samjhaya hai Hoor u ne....MashaALLAh great efforts....
ooopsh oh sorry meko likhna itna mushkil nhi lagta jitna mushkil VM karna lagta hay :p]

Thanx for liking :)
 
Top