Din ko mis’maar huey raat ko taameer huey,
Khwaab hi khwaab faqat rooh ki jageer huey,
Umar bhar likhtay rahy phir bhi warq saada raha,
Janay kya lafz thay jo humse na tehreer huey,
Ye alag dukh hai ke hain tere dukhon se azaad,
Ye alag qaid hai hum kyun nahi zanjeer huey,
Deeda-o-dil me tere aks ki tashkeel se hum,
Dhool se phool huey, rang se tasveer huey,
Kuch nhi yad ke shab raqs ki mehfil me “MEER”…
Hum juda kis se huey kis se baghal-geer huay
