Mera Naam Hai Muhabbat..

[فہد]

Pholon Ne Muskura Ker Pocha

Kya Naam Hai Tera

Kyun Shokh Hai Tu

Kyun Bebaak Hai

Kis Ke Dil Ki Umang Hai

Kis Ke Seene Ki Saans Hai

Kis Dais Se Ayee Hai

Kis Ki Nigahon Ki Justuju Hai

Kis Ki Tamannaon Ki YaadGar Hai Tu?

Usne Ithla Kar Ghuror Se Kaha..

Taqaddus Se Meri Takhleeq Hoi

Sitaron Main Maine Parwarish Payee

Phoolon Se Rangeeni

Kaliyon Se Saans

Or Moseeqi Se Tarannum Liya

Main Har Zarre Or Puri Fiza Main Hon

Pakeezgi Meri Rooh Hai

Us Dil Ki Justuju Karti HOn

Jahan Sadaqat Ke Ujaale HO

Or Un Ujaalon Main Sharafat Ki Nigahen

Or Intizaar Ki Baanhe HO

Shokh Is Liye HOn

Ke Shayer Ke Dil Ki Awaaz Hon

Baibaak Is Liye Hon

Ke Husn Ke Andaaz Se Ashnaa HOn

Or Us Tamanna Ki YaadGar HOn

Jis Pe Parwano Ne Raakh HOna Seekha

Mera Naam Hai Muhabbat!!

Kainaat Ke Har Zarre Per Meri Hukmurani Hai...

 

[Nelly]

extra superb sharing
i just loved this poem
thanx for sharing fahadd​

 

[nrbhayo]

khoob..