Meri Hasaas Tabiyat Kaa Bura Ho Jis Ne

  • Work-from-home

*Sarlaa*

Moderator
VIP
Apr 16, 2013
17,846
7,109
363
32
Pakistan.. karachi
tuu ne vaise bhii mire dil se nikal jaana tha
mere lehje miri aavaaz meiN Dhal jaana tha

tere bas meiN bhii na the jo tire baais bhii na the
un masaail kaa bhii maiN ne tujhe hal jaana tha

ik maqaam aisaa bhii aaya mire biChhRe hue dost
maiN ne tujh ko bhii udaasi meiN Khalal jaana tha

meri hasaas tabiyat kaa bura ho jis ne
teri chup ko bhii tira radd-e-'amal jaana tha

kyuN maiN samjhaa tha tujhe tere 'ilaava koii
kyuN muqaddar ko muqaddar ka badal jaana tha?

tere hote bhii akela nahiiN ChhoRa Khud ko
tuu ne to haath ChuRaana tha, nikal jaana tha

yuuN hii kab maiN ne sanvaari thii tiri nok palak
maiN ne ai dost! tujhe apni ghazal jaana tha
 
  • Like
Reactions: intelligent086
Top