Muhabbat dasht-e-furqat mein

  • Work-from-home

RedRose64

Co Admin
Mar 15, 2007
42,742
28,183
1,313
Canada
Muhabbat dasht-e-furqat mein

Muhabbat dasht-e-furqat mein
bina rakht-e-safar chaltay kisi majzoob ke dil se nikalta
aik noha hai
muhabbat raaston ke jaal mein bhatka hua raahi
kisi ke baam pe thehra hua ik ajnabi chehra
muhabbat khuaab bun jaaey to taabeerein nahi miltein
muhabbat aik baarish hai
jo ik ik boond bun ke tun-mun mein jab utarti hai
sureelay saaz bajtay hain
anokhay baab khultay hain
muhabbat kerne waley to faseel-e-jaan ko daao per laga ke baat kertay hain
woh kaanto ki zameeno pe bhi nangay paaon chaltey hain
muhabbat aik sargoshi hai
kisi funkaar ke haathon se chirta bay-khudi ka raag
muhabbat baarishon ke mausam mein yaad ki kaaya
muhabbat jaltay-tuptay raaston per phailta saaya
muhabbat ik qaza bun ker bhi aati hai
kai logon ke jeewan mein
muhabbat marg-e-gul bhi hai
muhabbat yaas ki soorat
ik aisi piaas ki soorat
kabhi jo bujh nahi paati
muhabbat ik udaasi hai
bala ki khaamshi bhi hai
muhabbat
 
  • Like
Reactions: nrbhayo
Top