Nazam Shayari Mera Intikhab ~chaya~

[Aks_]

Kuch safr-e-zeest bhi lamba tha,
Kuch ham bhi thora sust chaly,
Kuch ham hi apny dushman thy,
Kuch dushman ham ko boht mily,
Kuch ham manzil ko bhool gay,
Kuch rasty ham ko sakht mily,
Aur aaj ye apni halat hai,
Har simt andhera chaya hai,
Har simt hai chaayi veerani,
Har simat isi ka saya hai,
Is dasht main ham ny kya khoya,
Is raah main ham ny kia paya,
Jab main ny is par ghor kia,
To man main soch ka dip jala,
Ik aag si dil main bharrak uthi,
Aur aankh main pani bharr aaya..

 

[Aks_]

Bara dushwaar hota hai,
Zara sa faislaa karna,
Ke jeewan ki kahani ko,
Beyaan-be-zubani ko,
Kahan se yaad rakhna hai,
Kahan se bhool jana hai,
Kisey kitna batana hai,
Kis se kitna chupaana hai,
Kahan ro ro ke hasnaa hai,
Kahan hans hanss ke rona hai,
Kahan awaz deni hai,
Kahan khamosh rehna hai,
Kahan rasta badalna hai,
Kahan se laut jana hai,
Barra dushwaar hota hai…

 

[Aks_]

Mohabbat daayimi* hai,
Na chup sakti hai yeh,
Na dabb sakti hai yeh,
Chupaao gey isey gar tum,
To yeh izhaar se apne,
tumhe hairaan kar de gi,
Dabaao ge gar isey tum,
To yeh tanhai mein aa kar,
tumhe veeraan kar de gi,
Mohabbat daayimi hai, Saad!!…

 

[Aks_]

Dard kya hota hai,
samjhayenge phir kisi roz,
Aaj hume kush rehne do,
azeb zada ho jayenge phir kisi roz,
Zidh na karo phir woh dastaan sunne ki,
hum gham mein doob ke dikhayenge,
phir kisi roz,
“Hyder” yeh kaisi aarzo hai,
unki dard e hayath sunne ki,
kehdo aaj hum ji rahe hai,
mar ke dikhaye phir kisi roz.

 

[Aks_]

Woh tera ankh bhar kay mujhay dekhna,
Woh tera dekhna he kamal tha,
Meri justajo kay ahsas par,
Tera lamss bhi tu baymisal tha,
Meray saray jazboon ki dilkashi,
Teray ashiyan pay aa kay simat gai,
Gar main ruk na jata iss taraf,
Tu meri hasti pay pher zawal tha,
Teray husan ki sari tajaliyan,
Kaisy ho gayen mujh pay mahrban,
Meray zehan kay neha khanoo main,
Yehi chupa howa aik sawal tha,
Woh jo chaltay chaltay thy mil gaye,
Thy meri chahatoon kay silsalaye
Jo tera sang na milta mujhy,
Tu pher jena mera muhal tha.​

 

[Aks_]

Kitab E Zindagi main mainay
Kuch Rangh bharay thay Khuwabon Ke
Magar !
Na janay kaisi hawa chali k
Auraaq ulat’tay gay …. Aur
Fikr k haashaiy khinchtay hi chalay gay
Woh Alfaz …….
Jo khushi ka ehsas ban kar mehaknay lagtay thay
Un main say kuch !
Dhundhlay ho chalay
Aur kuch mit chalay
Ab qalam bhi saath nahi deta
K phir say wahi likhawat ho
K phir say wahi Sajhawat ho
lagta hay !
Ab to yeh sitrain sada khali hi rahain gi !​

 

[Aks_]

Dharkan dil ki taiz hui hai,
Palkain dekho, jhuk si gayi hain,
Hont gulabi laraz rahay hain,
Rangat tap kar surh hui hai,
Yeh kya tum ne mujhse kaha hai?
Tum meri ho..sirf meri ho,
Dil kehta hai tum se kahun main,
Meri samaat mein ras ghol’lo ,
Phir se tum izhar karo naa,
Tum ho meri…sirf meri ho,
Phir se kaho naa..​

 

[Aks_]

Batao naa
Jab jab shaam dhalay gi,
Dil main verani utray gi,
Ankhain bhar aein gi,
Dil dard ki surat dhal jaye ga,
Jab tu rasta badal jaye ga,
tu janaan….
Hum tanha ji na paien ge
Ya… mar jainge!!..​

 

[Aks_]

Es se pehlay key ankh khul jaye,
A key honton se meri ankhon per,
Koi anmool khawab likh jao,
Mera chehra gulab likh jao,
Bad main a key apne hathon se,
Mera jeevan siraab likh jao..​

 

[Aks_]

Tumhe hum pyar karte hain
Sunoo janaa,
Bohat hi be-sukoni hai humari zaat main,
Bohat masrof rehna par raha hai,
Bohat se kaam hain,
Jo apne zimay ly rakhe hain,
Magar inhi sarey jhemilon main,
Tumhari yaad ka wo ak jugnoo’ab bhi chamkey tu,
Ye ankhain bheeg jati hain..​

 

[Aks_]

Main Rahguzar main khari hui hun,
Tumhari khater aari hui hun..
Dukhon se daman waseh hai mera,
Inhi main pal k bari hui hun..
Kesi ki mujh ko nahi hai parwa
Main terey dil main jori hui hun..​

 

[Aks_]

Tum bin jiya jaye kesey,
Kesey jiya jaye tum bin,
Sadiyon sey lambi hain ratirn,
Sadiyon sey lambey hoye din,
Ajao laot kar tum,
Ye dil keh raha hai, ajao laot kar tum,
Phir sham e tanhai jagi,
Phir yad tum aa rahey ho,
Phir jan nikalney lagi hai,
Phir mujhko tarpa rahey ho,
Is dil me yadon kay meley hain,
Tum bin bohat hum akeley hain,
Ajao laot kar tum ye dil keh raha hai,
Kya kya na socha tha me ney,
Kya kya na sapney sajaye,
Kya kya na chaha tha dil ney,
Kya kya na arman jagaye,
Is dil sey tofan guzartey hain,
Tum bin jeetey hain na martey hain,
Ajao laot kar tum ye dil keh raha hai,
Tum bin jiya jaye kesey.​

 

[Aks_]

Teray khayal,
Teray khuwab
Aur teri mohabbat,
Zuban pay ghazal,
Hathon main kitab
Aur teri mohabbat
Gumnam alfaz,
Talkh sawalaat, benaam tehrirain,
Adhoray jawabat,
Aur teri mohabbat
Thandi sehar, sard hawain
Urhtay badal, taiz ghtain
Aur teri mohabbat
Halki dhoop, sohana mosam
Bheegay pair, shafaf aasman
Aur teri mohabbat
Teri baatain, tanha raatain
Kabhi hijr, kabhi mulaqatain
Aur teri mohabbat
Dar o baam, dhalti sham
Kitab qalam, tera naam
Aur teri mohabbat
Phool titli, bhaag o bahaar
Gaata darya, jhoomti lehrain
Aur teri mohabbat
Chamakta chand, jagmag taaray
Awara jugnu, bheeghi shabnam
Aur teri mohabbat
Jaltay chiragh, urhta dhua’an
Tera intizar, wasl ka samaan
Aur teri mohabbat
Chupta suraj, halki barsaat
Dhanak k rang, tera saath
Aur teri mohabbat
Sarhaanay takya, bikhra bistar
Bechain karwatain, raat ka pehar
Aur teri mohabbat….

 

[Aks_]

Han suno dosto,
Jo bi dunya kahe,
Is ko parkhe bina, maan lena nahi
saari dunya ye kehti he,
Parbat pe charne ki nisbat utarna sehal he
Kis tarah maan len,
Tum ne dekha nahi,
Sarfarazi ki dhun me koi admi
Jab bulandi k raste pe chalta he to
Sans tak theek karne ko rukta nahi
Or isi shakhs ka,umar ki seeryo se utartey hue,
pao uthta nahi
Isi liye dosto!!!
Jo b duniya kahe,
Is ko parkhey bina,
Maan lena nahi,

 

[Aks_]

Mohabat kaisay mar jaye,
badan main jo khoon ki manind,
jo hai aik janoo ki manind,
subha aur sham kay hr pal main,
jo hai aik sakoon ki manind,
Mohabat kaisay mar jaye,
Woh rahti hai dua ban kar,
Woh chalti hai hawa ban kar,
Woh sumandar kay talatam main,
Machalti hai wafa ban kar,
Mohabat kaisay mar jaye,
Woh sansoon kay sath chalti hai,
Rang ban kar nikharti hai,
Ghata ban kay woh cha jaye,
Woh khushbo ban kay mahkati hai,
Mohabat kaisy mar jaye,
Woh ebadat meray rab say hai,
Tahajud kay saray sajdoon main,
Woh rafaqat hr aik shab say hai,
Woh laboon pay vird karti hai,
Mohabat kaisay mar jaye,
Mohabat mar nahi sakti..

 

[Aks_]

Woh jo deep ankhoon main jal rahay,
Unhay ashqi ka pegham do,
Mujhay apnay laboon pay sambhal lo,
Apni har dua ko mera naam doo.
Main chaloon tu too meray sath ho,
Mujhay thamay jo woh tera hath ho,
Meray sar ka bany tu saibaan,
Meri har khoshi ko maqam do.
Meri rooh ko khud main utar lo,
Meri har nazar say khumar lo,
Jo mujhay sametay teri bahon main,
Meri bay khudi ko woh jam do,
Meri chahatoon ka bharam rakho,
Mujhay apni ankhoon main band rakho,
Bay chain rakhy jo mujhy raat bhar,
Meri khawaheshoon ko woh sham doo..

 

[Aks_]

Ik umar ke baad us ko dekha,
Aankhon mein sawaal they hazaaron,
Honton pe magar wohi tabasum,
Chehrey pe likhi huyi udaasi,
Lehjey mein magar balaa ka thehrao,
Awaaz main goonjti judai,
Baanhen thi magar wisaal-e-samaan,
Simtti huyi baazuyon mein,
Taa’der mein sochti rahi thi,
Kis abr-e-gurez paa ki tarah,
Main kis shajar se katt gayi thi,
Kis chaaon ko tark kar diya tha,
Main us ke galey lagi huyi thi,
Woh ponchh raha tha mere aansu,
Lekin barri dair ho chuki thi..

 

[Aks_]

Kaho kese guzarti hai,
Tumhari zindagi, paagal,
Suna hai, ab to eid’en bhi,
Woh pehli si nahin karty,
Kisi ke ghar nahin jatey,
Kisi se bhi nahin miltey,
Kisi ki ek nahin suntey,
Kisi se kuch nahin kehtey,
Na koi gift lete ho,
Na koi gift dete ho,
Kabhi khul kar na hanstey ho,
Kabhi khul kar na rotey ho,
Bohat bekal bohat upset,
Bohat bechain hotey ho,
Suna hai chaand raton mein,
Bohat be’mood dikhtey ho,
Woh kaghaz phaarr dete ho,
Kisi ke wastey jin per,
Bohat se sher likhtey ho,
Na jeetey ho na martey ho,
Suno yeh zindagi pagal,
Bassar kis tarah kartey ho,
Kaho, kesi guzarti hai?

 

[Aks_]

Mohabbat ke samandar mein,
Utarney se zara pehley,
Tumhein yeh sochna hoga,
Mohabbat aik sehraa hai,
Jahaan paaon barhaaney se,
Qadam chup chaap jaltey hain,
Mohabbat aesi dunya hai,
Ke is main jis taraf jayen,
Koi rasta nahin milta,
Mohabbat aankh ka aansu,
Yeh palkon per chamakti hai,
Mohabbat aag jesi hai,
Yeh seeno’n mein sulagti hai,
Mohabbat phool jesi hai,
Judaa ho shaakh se jab yeh,
Bikharti toot jati hai,
Mohabbat ki fizaaon mein,
Mohabbat ki hawaaon mein,
Hamesha dard milta hai,
Mohabbat ke samandar mein,
Utarney se zara pehle,
Tumhe yeh sochna ho ga..

 

[Aks_]

Jaane kya baat hai kyon tum se mohabbat hai mujhe,
Chaand suraj se sitaron se haseen lagte ho,
Zindgani ki bahaaron se haseen lagte ho,
Aesa kya hai ke hazaaron se haseen lagte ho,
Jaane kya baat hai kyon tum se mohabbat hai mujhe,
Dil ki har baat to hum tum se nahin keh saktey,
Tum juda hum se raho yeh bhi nahin seh saktey,
Chorr kar door tum ko kahin door nahin reh sakte,
Jaane kya baat hai kyon tum se mohabbat hai mujhe,
Mil gaye tum to mujhe pyaar ka ehsaas mila,
Khil gaye hont tumhare to mera dil bhi khila,
Tumhi ho meri barson ki duaaon ka silaa,
Jaane kya baat hai kyon tum se mohabbat hai mujhe,
Meri dharrkan ho meri saans ho awaaz ho tum,
Sab se jo mene chupaya hai woh ik raaz ho tum,
Sach to yeh hai ke meri jaan ho humraaz ho tum..