Dono janib rangbirangey phulon ki aik lambi qitar aur raahdari par andar ki taraf jaatey huye apni apni sargarmio may masruf Talba(students) ,,lambi,choti shirts,kuch scraf ,kuch dupatoon, Kuch muflers Liye huye larkian, chust jeans,dheeli shirts ,,kahi aasteenain charhaaye baal kaanton ki tara kharrey kiye huye larkey,,,aankhon pe chashmey tikaaye haathon may files aur laptops pakarey apne dehan may jaate huye aur talba k salam ka sar hila k jawab daite huye usatdza,,,
aaj 5 saal baad APne hi college ki Daakhli raahdari par kharre huye us ne maazi k kitne hi manazir ko yaad kartey huye haal k manazir ko parkha tha,,
Kuch bhi to nhi badla tha ,,,wo bhii to kabhi yhi mojud thi unka bhi to aisa hi group tha jo 3 larkey aur teen larkio par mushtamil tha ird gird groups may kharry students ko daikhtey huye apni aankhon may anokhi chamak aur honton par dilkash si muskurahat sajaye wo andar ki janib barhi...........
Nosherwan ne garri se nikalty hoe uske andaz me chupi bekhudi si mehsoos kr li thi tbhi wo bhi muskura k us pur shikwa imarat ko dekhne laga jo najany kb se soney(gold) ko tappa k, pighla k kundan bnane ka kam kr rahi thi or shayed yehi wajha thi k aj bhi iske taleemi mayar me koi kami nahi ai thi. Ird gird mojod tulba me se kuch heart se channd lamhat k lye ruk k us se kuch qadam k fasly pe aggy barhti hoi Minha ko or phr usko zarror dekhty. Ak bar phr uske lab khud hi muskura diye waqai kuch nai badla tha 5 saal pehle bhi jo Minha ko dekhta ak lamhe k lye zaroor thathak jata, lakn us me esa kya tha jo wo log usy dekhty hoe ak dosre ko kohni marty hoe kuch keh rahy thy……shayed ye bhi Minha ki hi rafaqat ka aijaz tha. Usne sar jhatak k apne qadmo ki rafter barhai or Minha tk pohanch gya “dekha me ne kaha tha na wahan ja kar tum mujhy bhool jao gi” muskurahat bhary lehjy me chera gya tha “bht bht shukria nosherwam” ye wo jumla tha jo wo ras ty bhar bolt ai thi usy. Jawb me usne bina kuch kahy uske sar pe halki si chit lagai or dono khilkhila k hans diye.
“Ye jahaz(aeroplan) q takhleeq kiye gye?” uski madham si awaz ubhri thi. Un panchon ne chonk kr uski taraf dekha, uski ankhen jhuki hone k bawajod bhi wo sb janty thy k uski ankhon me konsa dard hichkoly le raha ho ga. Benna ne uska hath tham lia “Minha phr koi bat hoi ha kya?” bht narmi se pocha tha. “nahi” lahjy me ak katiyat thi. “Minha us bechary ne to saholat k lye esi chez ijad ki thi usy kya……” Sana ne usy samjhana chaha tha lakn Minha ne uski bat kat di. “kesi sahulat Sana! Kya wo nai janta tha uski ijad ki istamal kr k kitne log millon dur ese jain ge k wapsi k sb darwazy band ho jain ge” hanuz nazar jhuki hoi thi lakn awaz ki nammi mehsos ho rahi thi phr nehayat karrb se usne Iqbal ki lafz dohraye:
Nosherwan ne bebassi se zain or faiz ko dekha. Khamoshi ki lehar un sb k bech akar ruk si gai thi. Bebassi k ye lamhy tawil ho jaty agr Ma’am saadia akar unhain agly hafty hone waly seminar k bary me hidayat na dene lagtin. Nosherwan ne usy chupky se ansu saff krty dekha or bht dukhi dil k sath ma’am ki batin sun’ny laga.
Wo 6 dost thy. Teen(3) larky, Nosherwan, zain, faiz…….. Zain or Faiz bhai thy jbky noshaewan unky chacha ka beta tha. Teen larkian Minha. Benna or Sana. Sana, Nosherwan ki behan thi or uski baat bachpan se hi zain se taay thi. Benna un sb ki tarhan shehr k namwar sanatkar ki beti thi jb k Minha un sb k khayal me kisi ghair maroof se khandan se thi. Deiger to ak hi school se hoty hoe ab ak hi college me aye thy islye ak dosre k khandanon se bhi waqif thy lakn Minha se unki dosti isi jamya me akar hoi this hayed wo us se dosti kbhi na krty lakn Nosherwan ne hi sb se pehly uski taraf dosti ka hath barhaya tha. Yahan ki teez tarrar, maghrib ki parwardah larkion me wo larki shuru din se hi ussy munfarid lagi thi. Saliky se dupata sar pe jmaye sadda se libas me jhuki ankhon wali us larki me kuch to khas tha jo sirf usy hi nahi balky bht se logon ko apni taraf khenchta tha. Wo jaan thi apne doston k is group ki. Har kisi se ak fasla rakhne wali Minha ki zindagi k bht se bheid wo panchon janty thy.
Pora majmma khamosh tha or ak narm si awaz hall ka ahatta kiye hoe thi “Qassor kis ka ha akhir? Un 45,000 (source:1) se zyed zehnon ka jo mawaky kam hone ki wajha se na chahty hoe bhi yahan se farar pe majboor han ya un walidain ka jo apna pait kaat kr apne bachy ko behtareen darsgah me sirf is lye bhejty han k wo aik din “BARA ADMI” ban k unke adhory khwab pory kary ga lakn pound or dollar ki makhsoos raqam bhejne wala wo barra addmi ye nahi janta k walidain ko asal me zarorat kya ha, ya is system ka jo sirf or sirf chino or chinnty raho pe amal pera ha. Mera sawal sirf itna ha zehen ki is tijaraat ka zimydar kon ha? Q hum apne bahtareen tulba ko farokht kiye jarahy han? Aggr wo watan e aziz me reh k hi iski behtari k lye apne dimagh sarrf Karin to q ye mulk tarraki nai kr sakta? Q un behtareen tulbah ko is mulk me esi koi kashish nazar nahi atti?” ak lamhy ka tawaquf hoa tha “Isi bary me shaye Iqbal keh gye hain:
Ap abhi zehni tijarat(brain drain) ke munkina fawaid bta rahy thy kya ap mere in sawalon ka jawab dain ge?” seminar k ikhtitam pe tulba ko mokka diya gya tha sawalat ka or wo bartaniya me alla ohdon ke affsaran ka panel nahi janta tha k business parhny wali ak sadda si larki itne narm lehjy me itne kattdar sawal kry gi. Minha janti thi jawab aiin baiin shaiin k ilawa kuch bhi nai ho ga tbhi apni nashist pe wapis beth gai thi Us k asatza ki tanbihi nazrin jammi thi uspe.
“Miss minha Shah apko itna pata hona chahye tha k is seminar k lye bht mushkil se waqt diya tha un hazrat ne humin. Itna ehsah to hona chahye tha apko k wo log mehmahn thy hamary?” Usky mazmoon ki sab se alla ustad us pe baras rahin thin “lakn ma’am me ne kuch ghalat nai kaha tha yehi to sb se bari wajha ha hmare taleemi nizam ki kharab hony ki hum apne behtareen zehen bahar k mulkon bech dete hain, to phr nakara or thakky hoe zehen hmary system me kahan tabdili la sakty hain?” usne apna muakif dohraya tha. “Me apko akhri bar tanbih kr rahi hu miss shah ap k walid se is muamly me bat krni pary gi agr wo is college k itne bary hammi na hoty to me apko abhi isi waqt nikal deti ab ap jaiye.” Apni HOD ki is bat ne bht dukh dia tha usy. Dil pe betahasha bojh lye wo bahar ai jahan wo panchon fikarmandi se uska intezar kr rahy thy. “Kya hoa Minha” zain ne pareshani se pocha. “Kuch nahi Ma’am mere baba se bat Karin gi ab” wo ro dene ko thi lakn sb k samne rone se hichkicha rahi thi. “oh to kya wo tumhain nikal den ge uni se?” sana bhi rohansi ho gai thi “pata nai, baba bhi aj kal pakistan aye hoe han shayed ma’am unhain college bula len” uski channd din pehly wali udasi ka matlb wo sb ab samjhy thy uske baba aye hoe han pakistan.
“Mujhy mere baba se nafrrat ha, me kbhi ye mulk chor k unke pass nahi jau gi yehi unki saza ha” ye or ese kai jumly wo waqtan fawaqtan apne baap k bary me kehti rehti thi. Jahazon se nafrat krne ki asal wajha bhi yehi thi bachpan me use lagta jahaz achy nai hoty mere baba ko dur to le gye han lakn wapis lana bhol gye. Shaoour ki manzil tayy krty hoe usne apni maa ko har muamly me tanha paya tha tbhi uski apne baap se naffrat barhti chali gai thi. Is muamly me koi daliil uske dil ko nahi badal saki. Rozgar to yahan bhi mill sakta tha mehnat to yahan reh k bhi ho sakti thi kya zaroori tha wo humin chor k maghrib chaly jaty. Me kbhi unke pas nahi jau gi. Jb me apni umer k 18 barras unke baghair guzar sakti hu to wo bhi ab mere baghair rahin ge bas.
Mehez 4 barras ki thi wo jb usky walid usy or uski walida ko choor k rozgar k silsily me bartaniya chaly gye thy. Phr wo har 2 saal k baad 15 dinno k lye un se milne aty. Wo pori tarhan unse manus bhi nahi ho patti thi k wo wapis chaly jaty. Bachpan se baap ki kammi ka addi hone k bajaye usne nafrat krni shuru kr di thi unse. Lakn ye koi nai janta tha k wo kitna tarasti ha apne baap k lye jb sab saheliyan apne walid ki bat krtin jb sb mukhtalif mokon pe diye gye tahaif dekhatin. Esa nai tha k uske walid uske hawaly se koi bhi eham din bhool jaty har bar uski salgirah k din ak khubsurat sa tohfa uske jagne se pehly uska muntazir hota. Lakn wo apni peshani pe us pyar bhary lamms ko tarasti jo uske walid ki tarf uska haq tha. Bepanah asaishon ki farahmi usko nai behla saki wo mizaj ki ajizana thi usy pyar hi chahye tha. Jo fikr e muash n usy cheen lia tha or ab sb kuch muhaya hone k bawajod wo apne baap se kassdan fasla kiye hoe thi. Shayed wo unhe wo sb louta rahi thi jis ka beij unho ne khud boya tha.
“Hye Allahji! Kis ki garri ha ye?” Benna k chillany pe hi wo sb mutawajha hoe thy. Halky surmaie se rang ki Prado sb ki nigahon ka markaz bany rahdari pe chalti arahi thi. Wo sb bhi dekhny lagy “Koi naye ustad e mohtaram hon ge” Zain ne andaza lagaya. “Nai yar! Agr esa hota to usatza k lye hi makhsos ahhaty me jaty na is taraf q arahy hain” faiz kahan pechy rehne wala tha. Is doran prado unke aiin samne akar ruki or Minha ko usme se nikalty dekh k sb k andazy ghalat sabit hogye. “arrrryyyyyyyy” Un sb ki heart ka jawab hath hila k diya usne. Abhi wo isi bat se nai sambhle thy k ak or heart ka jhatka garri se baramad hoti dosri shaksiyat ko dekh k laga tha “Muhammad Jawad Shah” jin k bary me akhbarat ya rasail me hi parha tha Mulk k mashoor sanatkar jin k naam pe kai idarry chal rahy thy. Khud is jamya ko har saal bhari immdad dene walon me sar e fehrist thy.
To Minha shah, jawad Shah ki betti thi. Wo sb un dono ko markazi dafttar ki janib barhty hoe dekhne lagy.
Takreeban teis(30) minute bad Minha ki ammad hoi thi “baba ka ak or ehsan, kuch nai kahin gi ab HOD mujhy” Berukhi se kehty hoe wo un sb k darmiyan a bethi. “Miss Minha Shah dukhtar jawad Shah apne kbhi is raaz ko hum pe ashikar q nai kiya” Nosherwan hi sb se pehly bola tha. “mujhy kya pata tha tum logon ko nai pata” berukhi qabil e deed thi. Wo sb sar patakh kr rah gye.