raaston ki marzi hai

  • Work-from-home

Dark

Darknes will Fall
VIP
Jun 21, 2007
28,885
12,579
1,313
be-zameen logon ko
bekarar aankho ko
bad-naseeb qadamo ko
jis tarah bhi le jaye
raaston ki marzi hai

be-nishaan jazeero par
bad-gumaan shehro mein
be-zuban musafir ko
jis tarah bhi bhatka dein
raaston ki marzi hai

rok dein ya badhne dein
thaam le ya girne dein
wasal ki lakeeron ko
tod dein ya milne dein
raaston ki marzi hai

ajnabi koi lakar humsafar bana de
saath chalne walon ki raakh bhi udda de
ya musaftein sari
khaak mein mila de
raaston ki marzi hai.
 
  • Like
Reactions: nrbhayo
Top