Raaz...the_vampire

  • Work-from-home

Silent_lyf

Heart's Raaz
TM Star
Sep 20, 2013
4,932
2,021
713
sachi wohi Inspector Khan.........Dhokhebaaz Khan??????kya??jo last mein Sharma ko dhokha de deta hai;)
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Chapter 5 - Sakshi Rana

Ham Chail se bahar nikle hi the ke maine us din Sharma se milne ka apna irada badal diya. Aise achanak ek din uske darwaze par pahunch jana aur ek 20 saal purane case ke baare mein sawal karne lag jana mujhe kuchh theek nahi laga. Behtar yahi hota ke main usse ek baar pehle phone par baat kar leta aur appointment lekar jata. Aur usse milne jaane se pehle ek baar police files par nazar maar lena bhi shayad theek rehta.

"Ek kaam karo, vaapis Bungalow ki taraf hi le lo" Maine driver ko kaha toh usne gaadi vaapis guest house ki taraf ghuma di.

Us din maine aur kuchh nahi kiya. Ghar betha sochta raha ke kis jagah se shuruat ki jaaye. Jab kuchh aur nahi soojha toh yahi decide kiya ke filhal sabse behtar yahi hai ke Ravi Rana ke baare mein zyada se zyada pata kiya jaaye. Vo kis tarah ka aadmi tha, kiske saath uthta bethta tha, uske dost kaun tha, kya uski zindagi mein koi ladki thi vagerah vagerah. Uske saath jo kuchh bhi hua tha uska jawab 20 saal pehle ki uski zindagi mein hi kahin tha. Agar mujhe jaanna hai ke us raat vo ghar se gaya toh lauta kyun nahi toh uske liye mujhe pehle ye jaanna hoga ke us raaat se pehle ki uski zindagi kaisi thi.

Shaam dhalne lagi toh maine ek baar phir Kaali ka Tibba ki taraf jaane ka irada banaya. Mausam mein khaasi thandak thi isliye maine apni jacket pehni aur guest house se nikal kar paida hi mandir ki aur chal pada.

Main kuchh door hi gaya tha ke pichhe ke kisi ke aane ki aahat hui. Palat kar dekha toh Sakshi Rana jogging karti hui aa rahi thi.

"Tibbe ki taraf ja rahe ho?" Vo mere kareeb aakar ruki.

"Haan, socha mandir hi ho aaya jaaye. Mata ke saath saath doobte sooraj ka ek behtareen nazara bhi dekhne ko mil jaayega"

"Well you arent dressed for jogging so i cant ask you for that. Would you mind if i walk with you?

"Ismein mind karne wali koi baat hi nahi hai, ek se bhale do" Maine muskurate hue kaha.

Vo mere saath saath hi chalne lagi. Use dekh kar andaza laga pana mushkil tha par uski umar koi 30-35 ke beech rahi hogi aur vo ek behad khoobsurat aurat thi. Shareer par kahin naam-matra bhi charbi nahi aur use yun shaam ko pahadon par bhaagte dekh charbi ka na hona samajh aata tha. Lambe kaale baal jinhein usne us waqt samet kar joode ki tarah sar par baandha hua tha, badi badi kaali aankhen, gora chitta rang, takreeban 5"6 height, kasa hua jism, halka bhaari seena, patli si kamar. In short vo ek vaisi hi aurat thi jaisi ki aksar TV magazines mein models ke roop mein nazar aati hain.

"I can tell that you like what you see" Usne shayad meri nazar bhaanp li thi.

"Ji?" Main baukhlate hue bola.

"Its ok" Vo mere baukhlane par dil khol kar hasi "I am used to that and honestly, i quite like it"

"I am sorry" Main samajh gaya ke meri chori pakdi gayi. Use saath chalte hue main uper se neeche tak dekh raha tha aur vo samajh gayi thi.

"Nothing to be sorry about, i know i am pretty and i admire an admirer"

"Still, i am really sorry" Maine phir bhi maafi maangi.

"Its ok, you were nothing. You should see the drooling eyes of other people. You were only just checking me out"

"Well i wasnt really" Maine kaha. Ham dono dheemi chaal mein mandir ki taraf badh rahe the.

"What do you mean?"

"I wasnt really checking you out. What did catch my eye actually was how physically fit you are as opposed to other women of our country. I mean by this age, they are exact opposite of physically fit"

"Not only women though"

"Yeah true, even the middle aged men" Maine haami bhari.

"Well thanks for the compliment"

"So you have lived here all your life?"

"Yeah, Well most of it"

"And if you dont mind, may i ask what you do for living?"

"Ha ha ha" Vo meri baat sunkar phir has padi "Living is not a problem actually. With a rich family like mine, i could spend my life doing nothing. But if you meant my profession,then I am a doctor"

"A doctor?"

"Yeah, a physician"

"Well that explains your physical fitness. A doctor would certainly see that she remains fit and fine"

"Not true entirely. Half of the doctors these days have a belly sticking out with a cigarette in their mouths"

"I guess" Maine jawab diya "Agar aap bura na maanein toh ek baat puchh sakta hoon?"

"Zaroor"

"Why here?"

"What do you mean?"

"I mean you are a rich woman and a beautiful indeed. And on top of it, you are a doctor too. So why live here in such a small town?"

"Honestly i dont know, i guess it runs in the family. Ours is a family of people from the hills. Our generations have lived here and maybe that is why i like living here too. I mean i have been to cities, did my doctorate in London but i never quite felt comfortable there. Too loud and noisy for me i would say. Here on the other hand, i feel at peace"

"Interesting"

'Yeah i guess it is"

"Do you practice?"

"Yeah, in Shimla"

Baat karte karte ham dono Tibbe par bane mandir tak pahunch gaye.

"Kuchh aur bhi puchhna chahta tha main"

"Sure"

"Mrs. Rana ne bataya ke aapne unhein suggest kiya tha mera naam, for this job you know. Why?"



"What do you mean why? Kehti hui vo boundary wall ke paas ja khadi hui aur saamne doobte sooraj ko dekhti hui boli "Beautiful, isnt it?"

"It is indeed" Main bhi uske saath ja khada hua "Mere kehne ka matlab tha ke is kaam ke liye mera naam hi kyun? Paise ki koi kami nahi aapke ghar mein, aap is kaam ke liye koi achhe se achha aadmi chun sakti thi"

"Vahi toh kiya, achhe se achha aadmi hi chuna maine" Vo muskurati hui boli.

"Come on, I am serious"

"And so am i" Vo bhi meri baat sun sanjeeda ho gayi "Why do you feel you are any less than anyone else? Main kaafi arse se aapke kaam ko follow kar rahi hoon. I have read several of your articles, both in the newspaper and online. Aur jis tarah se aapne kayi aise cases ko expose kiya jinpar har koi give up kar chuka tha vo qabil-e-tareef hai"

"Thanks"

"Well you deserve every bit of the praise. And anyways, aapko toh khush hona chahiye ke maine aapka naam suggest kiya. I am pretty sure ke paise toh achhe khaase diye honge aunty ne"

"Yeah and that actually brings up another question. Jo ek baat main Mrs. Rana se bhi puchhna chah raha tha par kuchh theek sa nahi laga isliye chup reh gaya"

"Puchhiye"

"Why now?"

"Why now what?"

"I mean its 20 years that her son is missing and she herself is pretty sure ke he is not alive anymore. So why now? I mean 20 saal tak khamosh rehne ke baad ab achanak?"

"Kisne kaha ke 20 saal tak vo khamoshi thi?"

"No i mean unhone bataya ke pehle bhi koshish ki ja chuki hai par Ravi ka kahin kuchh pata nahi chala. Thats what surprised me actually. Ke ab itne waqt baad mujhe itne paise dekar phir usi raah par bhejna jahan se pehle koi bhi koi nateeja nikal kar nahi la saka? Main unse ye puchha chahta tha par phir laga ke vo kahin bura na maan jaayen"

"Wow, an investigator who is apprehensive of asking questions? Aap kabse is baare mein sochne lage ke aapke sawal ka kisi ko bura na lage?"

"Well actually jab saamne koi Mrs. Rana jaise aurat bethi ho aur itni badi family toh sochna padta hai"

"Aunty vaisi hain nahi jaisi aap soch rahe ho"

"Matlab?"

"Matlab ke vo padhi likhi hain, highly qualified hain, Foreign degree hai unke paas in business management par vo dil se aaj bhi ek hindustani seedhi saadi aurat hain, ek typical housewife you know"

"Main samjha nahi"

"Well you see hers and my uncle's was an arrange marriage. My uncle was a very dabang kism ke insaan. Har koi unse dabkar aur darkar rehta tha aur aisi hi aunty ke saath bhi hua. Ek toh unka thoda shy nature aur uper se mere uncle ka dabang kism ka nature toh vo zyada bolti nahi thi uncle ke saamne. Zyadatar baaton mein unki haan mein haan hi mila deti thi. Aur uper se all the unfortunate events added more to this nature of her's"

"Unfortunate events?"

"Yeah, didnt she tell you about her kids that were born before Ravi and Raj"

"Oh, that. Yeah she did"

"Well you after she was unable to give a health and alive kid to her husband toh vo thoda sa aur dab gayin. You know how our society is. Har koi chahta tha ke vo Rana khandaan ko ek chirag dein, ek beta jo vo nahi kar pa rahi thi toh quite obvious tha that she too somewhere in her heart started blaming herself. Jab in sabke bavajood bhi uncle ne unhein na chhoda, na sataya, na kuchh kaha aur unke saath usi pyaar se pesh aate rahe toh vo kahin dil mein unka ehsaan maanne lagi. She literally worshipped her husband you know"

"Ok"

"Phir Raj aur Ravi aaye aur sab sahi ho gaya. Raj mere uncle ka favourite tha aur aunty ki preference thodi Ravi ki taraf zyada thi"

"Yeah thats quite natural, hota hai aisa, parents picking one kid slightly more over the other"

"Uske baad phir Ravi gayab ho gaya aur vo bhi uncle se property ko lekar. Yun toh uncle ne use dhoondhne ki kaafi koshish ki par mujhe lagta hai ke aunty ke dil mein kahin ye baat rahi ke ye koshish vaisi nahi hui jaisi honi chahiye thi, you know with the intensity that should have been given to it. Par because of her loyalty towards her husband, she never questioned him"

"And now when he is no more, she is giving a try of her own. Apni ek aakhri koshish kar rahi hain, poori mehnat ke saath"

"Yes, she talked to me about it a few times. And recently jab aapne vo murder case expose kiya jise sab bhool chuke the toh maine ek din yun hi aapka naam suggest kar diya. Phir hamare family lawyer hain Mr. Mehta unse contact kiya gaya"

"And he provided more details about me"

"Correct, and here you are. Right on the case"

"Well i hope ke kuchh pata laga sakoon"

"I am sure you will"

Saamne sooraj dheere dheere ek bade ke pahad ke pichhe sar chhupane laga tha, jaise koi nayi naweli dulhan sharma kar ghoonghat mein apna chehra chhupa rahi ho. Pichhe mandir mein pujari ne shaam ki aarti ki taiyyariyan shuru kar di thi.

"I always feel at peace when i come here you know. Main aur Ravi aksar aaya karte the yahan par aur us waqt toh itna achha bhi nahi tha kuchh. Sirf ye purana sa ek mandir bana hua tha aur charron taraf ped. Ye naya mandir aur ye compound toh haal filhal mein hi banaya gaya hai"

"Aap aur Ravi?"

"Yeah, we were quite good friends you know. Bahut masti karte the ham log aapas mein"

"Aap aur Ravi?" Maine phir vahi baat dohrayi.

"Yeah, why?" Vo apne maathe par shikan daalte hue boli.

"You must be quite young then"

"No, i was as old as he was"

"Oh my god !!!" Maine hairat mein kaha "Really?"

"Oh i get it" Vo meri baat samajhte hue boli "How old did you think i was"

"Honestly, early thirties"

"Well thank you for the compliment par aapne meri umar takreeban 10 saal pichhe kar di. I am in my early forties. Main Ravi aur Raj same age group ke the. Main Ravi se sirf 2 mahine chhoti thi"

"Wow, its really hard to tell"

"Thanks again"

"Agar aap bura na maanein toh kya main aapse bhi kuchh sawal kar sakta hoon case ke mutaabik?"

"Zaroor, fire away"
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
"You know hamari zindagi mein kayi baatein aisi hoti hain jo ham apne gharwalo ke saath share karte hain par kabhi doston ko nahi bata sakte" Maine kehna shuru kiya "On the other hand, kayi saari baatein aisi hoti hain jo ham doston ko batate hain par ghrwalo ke saath share nahi kar sakte"

"I agree"

"If you ask my opinion, and this is based on the facts that i came across to in my professional life, zyadatar log apne gharwalo ke saath zyada close hote hain, immediate relatives you know, lagav aur mohabbat bhi gharwalo se hi zyada hota hai par baatein zyada share apne friends se karte hain. Ek insaan ke baare mein aksar uske gharwalo se zyada uske dost jaante hain"

"And you wanna ask me if i can tell you something about Ravi kyunki main uski relative aur dost dono thi" Vo meri baaton ka rukh samajhte hue mere sawal ka andaza laga kar boli.

"Exactly"

"Khaas toh kuchh main bhi nahi bata sakti except for the common stuff you know. Apne aap mein ek normal sa ladka tha Ravi aur kaafi tez bhi tha. Apne aas paas har kisi ko khush rakhne ki koshish karta tha. Aur ek baat thi jo ham teeno mein common thi"

"You mean Ravi, Raj and You?"

"Yeah. Aur vo ye ke ham teeno ko hi yahan pahadon mein rehna pasand tha. Jaise mujhe is jagah se lagaav hai vaisa hi lagaav un dono ko bhi tha"

"Aur yahi vajah hai ke beshumar daulat ke hote hue bhi Mr. Raj Rana yahin rehte hain"

"Yep. Main toh phir bhi apni studies ke liye yahan se bahar gayi thi par ye dono bhai toh padhe bhi yahin Dehradoon mein"

"Interesting"

"I know. Ham teeno bhai behen yahan bethkar plan banaya karte ke kahin nahi jaayenge, shaadi karne ke baad bhi yahin rahenge. Ye baat zyada meri taraf hoti thi kyunki vo toh ladke the par mujhe shaadi karke apni pati ke yahan jana tha. Main jana nahi chahti thi isliye apna dil behlane ke liye yahin bethkar kasam khaya karte ke ham log hamesha yahin rahenge"

"So did you ever marry?" Is sawal ka jawab vaise toh main janta tha par uske munh se sunna chahta tha.

"Yeah i did for a short while" Vo lambi saans chhodte hue boli "Things changed around here after Ravi disappeared you know. Pehle khushnuma mahaul hota tha par us incident ke baad se ajab khamoshi, manhoosiyat si chha gayi. Uncle thoda chide chide rehne lage aur aunty gumsum. Raj bhi apne aap mein reserved sa ho gaya. Mujhse bhi kabhi uski itni baat nahi hui uski Ravi ke baad, bas mamooli dua salam type. Ek lambe waqt tak Ravi ki talash jaari rahi aur is vajah se jaise baaki saari baatein, saare rishte bhula se diye gaye. Sabke dimaag par bas Ravi hi chhaya raha. Aur jab vo kahin nahi mila toh kisi ke dil mein gussa sa bhar gaya aur kisi ke dil mein dukh. Sab badal gaya uske baad. Jaise jaise din beet rahe the aur uska koi pata nahi chal raha tha, sabko jaise dil hi dil mein ye yakeen hota ja raha tha ke vo mar chuka hai"

"Aur aapko?"

"Main bhi sabse alag nahi thi. Kahin dil hi dil mein maine bhi ye baat accept kar li ke ya toh vo hamse koi rishta rakhna nahi chahta ya phir duniya se hi rishta khatam karke ek doosri duniya mein ja chuka hai"

"Did you marry someone from around here then?" Maine baat ka rukh phir se uski shaadi ki taraf moda.

"No, not from someone here. Us incident ka asar mujhpar bhi kaafi tha. Jahan pehle main yahan se jana nahi chahti thi vahin uske baad main yahan rehna nahi chahti thi so I married a Doctor from Mumbai"

"How long were you married?"

"A few years but it didnt work. Kabhi bani hi nahi uske saath. Shaadi ka nateeja divorce mein nikla aur main vaapis yahin aa gayi"

"Aur koi yahan jo Ravi ko janta ho, not from the family you know"

"Uska bas ek hi dost aur tha, Kanha"

"Kanha?"

"Haan yahan ke ek businessman ka beta tha"

"Tha?"

"Haan he is dead. He was found dead a few days after Ravi disappeared"

Ye case mein ek naya mod tha. Kisi ne bhi mujhe ba tak is baare mein nahi bataya tha.

"Pata chala kisne mara?"

"Nahi, case ki chhan-been ki gayi par kuchh pata nahi chala. Use goli maari gayi thi"

"Aur Ravi ke gayab hone ke kitne din baad ki baat hai ye?"

"Takreeban maheena bhar. Aur shayad Kanha ki maut ne bhi is yakeen ko sabke dil mein betha diya gaya ke Ravi bhi ab is duniya mein nahi raha"

"Were they close friends?"

"Oh they were the best friends. School aur college mein ek saath the, vo kehte hain na ke langotiya yaar. Vahi the dono"

"Ok"

"Ab 2 itne kareebi dost, ek lapata aur doosre ki laash ek mahine baad mili toh ye obvious tha ke jo kuchh bhi hua usmein dono hi involved the. Pehle toh sabko laga ke Ravi ne hi Kanha ko mara hai isliye bhaag gaya par phir dheere dheere ye baat galat saabit ho gayi"

"Vo kaise?"

"Exactly toh main bhi nahi jaanti par police investigation mein ye pata chala ke maheene bhar se Kanha khud bhi Ravi ko dhoondhne mein laga hua tha, usko khud bhi idea nahi tha ke Ravi kahan hai. Police ne usse bhi sawal jawab kiya par kuchh suraag nahi mila. Aur phir ek hafte baad use bhi maar diya gaya"

"Toh final assumption phir ye bana ke kisi ne pehle Ravi ko mara aur phir ek hafte baad Kanha ko? Aur jo bhi vajah thi aisa karne ki, usmein dono hi dost poori tarah involved the varna Kanha ko maarne ka koi matlab nahi tha?"

"Ya phir ye ke Ravi ke gayab hone ke baare mein Kanha ko koi baat pata chal gayi thi jisse ke kisi ko apne uper khatra mehsoos hua aur isliye Kanha ko bhi hamesha ke liye khamosh kar diya gaya."

"Aap Ravi se aakhri baar kab mili thi?"

"Uske gayab hone se koi 3-4 din pehle. Un dino kaafi pareshan sa rehne laga tha vo"

"Vajah?"

"Kabhi usne batayi hi nahi. Maine kayi baar puchha, aur Raj ne bhi par usne har baar ye kehkar taal diya ke aisa kuchh nahi hai and we both are imagining things"

"Unke batane ke siwa aapne kuchh aisa dekha ya suna ho jisko lekar vo itna pareshan the?"

"Nahi kuchh bhi. Jo bhi baat use pareshan kar rahi thi usne use hamse bakhubhi chhupa kar rakha. Mujhe toh uske gayab hone ke baad pata chala ke vo batwara chahta tha, usne toh kabhi ham par ye baat bhi nahi khulne di"

"You really believe ke vo batwara hi chahte the?"

"Samajh toh nahi aata ke vo aisa kyun chahta tha par is baat ko na maanne ki koi vajah bhi toh nahi. Yun toh sara business kaam vagerah tab vahi dekha karta tha, paisa uske haath mein khula tha balki yun kahiye ke sab kuchh usi ke haath mein tha. Aunty ne mujhe bataya tha ke Uncle toh kabhi usse kuchh puchhte tak nahi the ke kahan se kitna paisa aaya aur kahan gaya"

"Hmmm, interesting"

Tabhi pichhe mandir mein aarti shuru ho gayi aur main aur Sakshi bhi mandir ke andar chale gaye. Uske baad ham dono ke beech is mamle ko lekar koi baat nahi hui. Aarti ke baad ham idhar udhar ki baatein karte ghar aa gaye.

Raat ko dinner ke baad main sone hi ja raha tha ke mera phone baj utha. Maine phone utha kar dekha, call "Inspector Falana Falana" ki thi.

"Kaise hain Sir?" Maine phone uthaya toh doosri taraf se Negi ki aawaz aayi "Disturb toh nahi kiya"

"Nahi bilkul nahi, kuchh khaas kar bhi nahi raha tha main. Bataiye kaise yaad kiya"

"Sir vo files kahi thi na aapne, Ravi Rana wale case ki"

"Ji haan"

"Maine mangva li hain Sir"

"Already?" Mujhe taajjub hua ke usne itni jaldi kaam kar bhi diya. Abhi aaj dopahar hi toh mila tha main usse.

"Haan Sir vo aapke jaane ke baad hi maine Hawaldar ko Shimla ki taraf bhej diya, shaam tak vo lekar aa gaya"

"Well, that was quick. Thanks a lot"

"Ismein thanks ki kya baat hain sir, aap subah aakar files dekh lijiyega"

"Mera ek kaam kar sakte hain?"

"Ji zaroor, boliye"

"Kya vo files aap yahan guest house bhijva sakte hain, agar koi problem na ho toh. I would like to keep the files for a few days and see them aaram se. Aise ek baar nazar maarne par shayad koi baat nazar se nikal jaaye"

Main usse ek case ki police files mere paas chhodne ko keh raha tha, is baat par vo thoda jhijhka.

"Sir ...." Vo sochta hua bola.

"Koi problem hai toh main Mrs. Rana ko bolkar commissioner sahab ko phone kara deta hoon"

"Arrey nahi Sir, uski kya zaroorat hai. Main kal subah aakar de jaoonga" Commissioner ki baat par vo fauran bola.

"Aap kyun takleef karte hain, kisi ke haath bhijva dijiyega"

"Takleef ki koi baat nahi hai Sir. Is bahane aapse phir mulaqat bhi ho jaayegi"

"All right then, i will see you in the morning" Kehkar maine line disconnect kar di.

Maine aaj tak jitne bhi cases investigate kiye the, unmein kayi police wale mujhe aise bhi mile jinhone kaafi madad ki aur kayi aisi jinhone raaste mein sirf patthar hi adaye. Negi jis josh ke saath badh chadhkar meri madad karne par utawla tha, usse mujhe ehsaas hua ke usko apne saath lene ka mera faisla sahi tha.

Main sone hi laga tha ke cell ki ghanti phir baji. Maine phone utha kar dekha, ek message tha. Kamini ka.

"Kabhi nazar-e-inayat is taraf bhi kar liya kijiye"

Main message padhkar muskuraya aur jawab diya.

"Tu soyi nahi ab tak?"

Thodi der baad jawab aaya.

"Tum bhi toh nahi soye, kya kar rahe the?"

"Aise hi thoda kaam. Tu kya kar rahi thi?" Maine likh kar bheja.

"Tumhare baare mein soch rahi thi" Usne message aur uske saath ek kiss wala smiley bana kar bheja.

Vo mujhpar dil-o-jaan si fida thi, hamesha se thi. Shayad uski zindagi mein main akela hi mard tha jise usne is nazar se dekha tha. Uski deewangi ki had yahan tak thi ke usne mujhe ek baar ye tak keh diya tha ke agar koi mard uske kareeb aaya toh sirf main hi ho-unga. Agar main nahi toh saari zindagi vo kisi aur ko apna shareer chhune tak nahi degi.

Main janta tha ke mere bete ko ek maan ki talash hai. Vo hamesha apni Dadi ke saath nahi reh sakta. Meri maan boodhi ho chali thi aur der sawer unhein is duniya se chale jana tha, phir uske baad Vikram ka khyaal kaun rakhta. Kamini mere liye ek bahut achhi biwi aur Vikram ke liye ek achhi maan saabit ho sakti thi par jaane kyun hazar koshish ke baad bhi main use dekhne ka apna nazariya kabhi badal nahi saka.
Main bistar par leta, Kamini ko good night ka message kiya aur aankhen band karke sochne laga. Ye sab shuru hua tha us din jab hamare college mein ek nayi ladki aayi thi, Renuka Sinha.

Aate hi vo jaise college ke har ladke aur ladki ke liye ek topic ka charcha ban gayi. Saari ladkiyan usse jalti aur ladke uske aage pichhe chakkar lagate, ke kisi tarah vo ek nazar unhein dekh le. Iski vajah se uski had khoobsurati. Gora rang, medium height, patli si kamar, kaale lambe baal, badi badi aankhen aur is sab par vo jis tarah se apne aapko carry karti thi vo uske husn mein chaar chand laga deta tha. Vo chalti toh is tarah jaise sara zamana uske kadmon mein ho aur kisi se baat karti toh is tarah jaise uspar ehsaan kar rahi ho.

Students toh students, kuchh teachers bhi is taak mein rehte the ke shayad vo unse pat jaaye. Kya kunware, kya shaadi shuda, poora college jaise usi ke chakkar mein tha.

Aur vo chakkar mein padi toh mere. Ek aise insaan ke jo shayad poore college mein akela tha jise Renuka Sinha naam mein koi dilchaspi nahi thi.
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Chapter 6 : Start Of An Affair

Main aur Renuka ek hi class mein tha. Hamari class mein seating intezaam aisa nahi tha jaisa ke aksar schools aur colleges mein dekha jata hai, yaani ke ladkiyan saari class ke ek taraf aur ladke ek saath doosri taraf. School mein toh mere bhi aisa hi tha par college mein nahi. Yahan kisi ki koi decided seat nahi thi, jo jahan chahe beth jaaye. Aisa kuchh nahi tha ke ladke ek taraf aur ladkiyan ek taraf.

Renuka ko apni khoobsurati ka poora andaza tha aur vo iska poora fayda bhi uthati thi. Jahan ladkiyan use dekh dekh jalti kudhti rehti thi vahin Ladke uspar jaan chhidakte the aur uske ek ishara par kuchh bhi karne ko taiyyar the. Nateeja ye ke use kisi maharani ki tarah treat kiya jata tha. Ghar se koi na koi car leke pick karne jata aur phir izzat ke saath ghar chhoda bhi jata. Kisi se bhi vo sidhe munh baat nahi karti thi aur ladkiyon se toh bilkul bhi nahi. Uski har farmaish ko fauran poora kiya jata aur mujhe nai lagta ke college canteen mein kabhi usne paise khud diye honge. Use aur uske aas paas chakkar lagate ladkon ko dekh ek vo sher yaad aata tha,

Kuchh is tarah se aaj vo pehlu nasheen rahe,
Jab tak hamare saath rahe, ham nahi rahe,

Allah re chashm-e-yaar ki mojiz bayaniyan,
Har ek ko hai ghumaan ke mukhatib ham hi rahe ....

Jis din vo kisi se pyaar se do alfaaz bol leti us din toh jaise us ladke ke chaandi ho jaati. Poore college mein vo dhindhora peet-ta phirta ke Renuka ne aaj usse kya baat ki aur kis tarah se baat ki. Jo use ghar se lene jata ya use ghar chhod kar aata, uski kismet par college ka har ladka rashq kiya karta. Halat ye ho gayi thi ke agar vo chahti toh bina exam diye pass ho sakti thi, karna sirf ye tha ke uspar lattoo professors ko dekh kar bas muskura dena tha.

Is sabe bilkul vipreet main apne college mein bahut hi serious students mein aata tha. Main un logon mein se tha jo apne career ko bahut seriously lete the aur college sirf padhne jaya karte the. Main kabhi apni academic life mein top student nahi raha par koshish poori karta tha top students mein aane ki. Mujhe lagan thi kuchh karne ki, zindagi mein aage badhne ki aur yahi vajah thi ke main kabhi pyaar mohabbat ke chakkar mein Kamini ke saath bhi nahi pada jo ke ek bahut hi achhi ladki thi. Renuka jaisi ladki ke aage pichhe chakkar katna toh kahin mere khwaab aur khyaal mein bhi nahi tha.

Ek din main thoda upset tha aur college mein kaafi gumsum ek kone mein betha tha. Professor class mein aaya nahi isliye sab bethe ek doosre se baatein kar rahe the. Ladkiyan saari saath bethi jaane kya baat kar rahi thi par ek bas Renuka hi thi jo unse hatkar bethi thi, ladko ke beech. Class ke saare ladke use ghere bethe the aur use vahi maharani wala treatment diya ja raha tha. Yakeen toh mujhe poora tha ke ladkiyon mein bhi us waqt discussion ka topic Renuka hi thi.

Mere saamne table par ek pani ki bottle rakhi thi jo main aksar saath rakhta tha.

College mein hamari class 4th floor par thi aur peene ke pani ka intezaam sirf ground floor par tha yani ke agar pyaas lage toh 3 floors utar kar neeche aao aur phir chadh kar uper jao. Aksar ye hota tha ke neeche aakar pani peene ke baad 3 floor chadhne mein uper pahunchne tak phir pyaas lagne lagti thi jis vajah se kaafi students apne bag mein ek pani ki bottle laaya karte the. Kayi baar hamne college administration ke saamne is baat ko lekar halla machaya par pani ka intezaam kabhi nahi kiya gaya.

Us din sabse bekhabar main akela betha ek book mein uljha hua tha ke achanak Renuka ne meri taraf palat kar mujhse kaha.

"Hey You, whatever your name is"

Na toh maine kabhi usse baat ki thi aur na hi kabhi usne mujhse isliye mujhe laga ke kisi aur ko keh rahi hai. Main ansuna kar diya toh usne phir kaha.

"Hey You" Aur is baar thoda zor se kaha.

Maine palat kar uski taraf dekha.

"Ye pani ki bottle idhar lakar dena" Usne aisa kaha jaise main koi bandhua mazdoor hoon, uske baap ka ghulam. Main chid gaya aur use ignore karke phir apni book ki taraf dekhne laga.

"Pani ki bottle" Is baar usne aur zor se kaha toh fauran ek ladka uthkar meri taraf aane laga. Usne vaapis us ladke ko bethne ka ishara kiya toh vo aise betha jaise koi achha bachcha apni maan ka hukum maan raha ho.

"Pani ki bottle Dena" Usne phir kaha.

"Pani ki bottle chahiye?" Main bottle ka dhakkan kholta hua bola "Toh aakar khud lo"

Maine bhi jawab kaafi bad-tameezi se diya tha par jaane use kya soojha ke vo uthi aur chalti hui meri taraf aane lagi. Jab maine dekha ke vo aa rahi hai toh maine bottle apne munh se lagayi aur jab tak ke vo mere paas aati, tab tak main poori bottle khaali kar chuka tha.

"Bottle chahiye thi na?" Maine khaali bottle uski taraf badhayi "Ye lo aur jao pani bharke lao ground floor se"

Uski shakal aisi ho gayi jaise kisi ne abhi abhi use thappad maar diya ho. Ladko ke munh hairat se khule reh gaye aur saari ladkiyon ke chehre par aisi muskurahat pheli jaise un sabki shaadiyan tay ho gayi hon.

Us din main college ka hot topic ban gaya. Har koi yahi baat kar raha tha ke maine kaise Renuka ke saath bad-tameezi se baat ki. Saari ladkiyan aur kuchh ladke jinki taraf Renuka kabhi palat kar bhi nahi dekhti thi unke liye main hero ho gaya tha aur vo ladke jinke saath vo uthti bethti thi vo sab mujhe college ke bahar pakadne ki taiyyari kar rahe the taaki mujhe maza chakha saken.

Usi din main college ki canteen mein betha ek Red-Bull pi raha tha ke tabhi Renuka kuchh ladkon ke saath aayi. Mujhe akela Red-Bull pita dekh kar vo mujhe sunane ke liye zor se boli,

"Chhote bachche aisi cheeze nahi peete, doodh piyo doodh"

Main janta tha ke vo mujhe suna rahi hai. Ladkiyon ke saath main hamesha kaafi izzat se pesh aata tha aur takreeban college ki har vo ladki jo mujhe jaanti thi, mujhe pasand karti thi. Par Renuka ke akkhad mijaaz ki vajah se jaane mujhe kya soojha ke maine usse vo keh diya jo ke maine kabhi zindagi mein nahi socha tha ke main ek ladki se kahunga.

Main uski taraf palta aur uski aankhon mein dekha.

"Doodh?" Phir maine nazar jaan boojh kar is tarah se ke use bhi pata chal jaaye uske chehre se hata kar uski seene par laga di aur kaha "Aao pila do"


Us din toh jaise college mein hungama sa ho gaya tha. Jungle mein shayad aag bhi itni tezi se nahi phelti jitni tezi se mere Renika se is tarah pesh aane ki baat pheli.

Mujhe college ke baad kuchh aur kaam bhi the isliye main sidha ghar nahi aaya. Vo kaam niptaye, phir ek dost ke ghar gaya aur dinner bhi uske saathi hi kiya. Phir vahan se ek movie dekhne chale gaye aur uske baad maine apne dost ko ghar drop kar diya. Jab tak main apne ghar ki taraf rawana hua tab tak raat ka 1 baj chuka tha. Sadkon par gaadiyan kaafi kam ho gayi thi aur mere ghar ke aas paas toh jaise bilkul marghat sannata hi chhaya hua tha. Mere ghar se kuchh door hi achanak 3 gaadiyan meri bike ke aas paas aayi aur mujhe rukne par majboor kar diya.

Mere rukte hi gaadiyon se 9-10 ladke nikle. Unmein se main kisi ko bhi na toh janta tha aur na pehchanta tha. Par haan ek ladka tha jisne apne sar par jacket ka hood dala hua tha aur mujhe laga ke maine use apne college mein dekha hai. Main samajh gaya ke mujhe kyun roka gaya hai. Pata nahi vo kabse mera pichha kar rahe the aur mujhe kahin akele mein pakadne ka mauka dhoondh rahe the.

"Kyun be? Bada hero ban raha hai tu?" Ek ne kaha. Vo sab mujhe gher kar khade ho gaye the.

"Haan toh?" Maine rookhe se andaaz mein jawab diya.

"Toh ye ke kal tu Renuka se maafi maangega, samjha?"

"Kis baat ki?"

"Jo aaj kiya us baat ki"

"Aur na maangi toh?"

Usne meri baat ka jawab diye bina muskurate hue baaki saare ladkon ki taraf dekha aur phir pichhe khadi cars ki taraf. Maine uski nazar ka pichha kiya toh mujhe andaza hua ke main us waqt apni soch se zyada serious situation mein tha.

Jahan ham khade the vo jagah sunsaan si thi. Koi ikki dukki hi gaadi udhar se guzarti thi. Pichhe gaadiyon ke darwaze khule hue the aur andar rakhi hui hockey sticks mujhe nazar aa rahi thi.

Main janta tha ke samajhdari isi baat mein thi ke is waqt unki haan mein haan milata aur vahan se nikal leta. In sab maamlon mein kam main bhi koi kam nahi tha aur yahi vajah thi ke college ke ladkon mein se khud koi nahi aaya tha. Kyunki vo jaante the ke mujhe is tarah se yun akele mein pakadne ka matlab tha ke phir main un sabko baad mein ek ek karke akela pakadta. Jo vo yahan mere saath karte, baad mein main unke saath karta.

Par jaane kyun mujhe us waqt khud pichhe hatna bilkul bhi ganwara nahi hua.

"Chal abhi side ho" Maine bike ke aage khade ladke se kaha, "Na toh mere paas us bekaar cheez ke liye time hai jise tum Renuka Sinha kehte ho aur na hi tum jaise chalte phirte koode kachre ke liye time hai"

"To matlab tu maafi nahi maangega?"

"Sawal hi nahi uthta. Main apne ghar mein uske naam ki kutti tak na paalun"

Mera itna kehna hi tha ke usne achanak mera collar pakad liya. Uski is achanak harkat se main ekdam baukhla sa gaya aur isse pehle ke main khud hi kuchh soch pata, maine haath chhod diya aur uske chehre par ek zordar thappad maar diya.

Uske baad kya hua mujhe kuchh theek se yaad nahi. Bas itna pata tha ke meri motorcycle ek taraf giri padi aur main doosri taraf. Un saare ladkon ne mujhe gher rakha tha aur mujh par chaaro taraf se laatein pad rahi thi. Koi 10 - 15 minute tak jamkar meri kutaai ki gayi. Phir usi ladke ne jo ke mujhse baat kar raha tha mere baal pakad kar mujhe sidha khada kiya.

"Khada ho saale. Tujhe teri aukaat dikhata hoon" Vo mere baal pakde hue bola.

"Dikha le, aaj main akela hoon toh kar le apne dil ki. Par yaad rakhna, baari meri bhi aayegi. Tum mein se ek ek ka maine pocha na banaya toh kehna" Maine badi mushkil se kaha. Meri shirt phat chuki thi, munh se khoon beh raha tha aur shareer kayi jagahon par buri tarah se dard kar raha tha.

"Teri toh ... "Meri baat sunkar us ladke ne kaha aur vo ek baar phir mujh par chaalu ho gaya. Har taraf se mujh par vaar kiye ja rahe the aur main apne haathon se apna chehra bachane ki koshish kar raha tha.

"Munh kya chhupa raha hai saale ... "Us ladke ne kehte hue mere dono haath pakde aur mere chehre se hatane ki koshish ki. Maine thodi himmat jutaayi aur apne haath jhatak kar ek haath se uska collar pakda aur doosra haath uski gardan par jakad diya.

Mujhe yaad nahi kitni der tak par usne mujhse chhutne ki kaafi koshish ki thi. Vo jitni koshish karta main apni haath ki giraft uski gardan par utni hi kas deta. Uske gale ka agla hissa jise adams apple aur hindi mein tentua kehte hain meri mutthi mein tha aur main poora zor laga kar daba raha tha. Uski haalat kharab ho chali thi aur uske saath ke ladke bhi use meri pakad se chhutane ki nakam koshish kar rahe the.

Main khud bhi janta tha ke vo ladka us waqt mar sakta tha par main uska gala chhodne ko taiyyyar nahi tha. Jab aur kuchh bas nahi chala toh vo ladke car se hockey sticks utha laaye aur vo mujh par barsani shuru kar di, khaas taur se meri kalaiyon par taaki main us ladke ko chhod doon. Par hua iska ulta hi, vo jitna mujhe hockeys maarte main utni hi zor se us ladke ka gala dabane ki koshish karta. Ab sochta hoon toh aisa lagta hai jaise main us waqt use jaan se maarne ki koshsih hi kar raha tha.

Aur shayad khud use bhi ehsaas ho gaya tha ke main use jaan se maar doonga. Uski dono aankhen palat gayi thi aur vo jaise meri giraft mein jhoolne sa lag gaya tha. Badi koshish karke usne apne dono haath uthaye aur mere aage jod diye, jaise vinti kar raha ho ke main uska gala chhod doon.

Uske saathiyon ne jab dekha ke main uski jaan lene par utar aaya hoon aur lakh koshish ke baad bhi 8-9 ladke milkar use nahi chhuda paaye toh vo samajh gaye ke mamla murder ka banne wala tha. Tab tak us ladke ki aankhen poori tarah palat chuki thi aur munh se laar behne lagi thi. Ab aalam ye tha ke uske saathi mujhe marna chhod khade chup chap dekh rahe the aur vo mere aage haath jode bejaan se meri giraft mein jhool sa gaya tha. Us waqt ek tarah se maine uska gala pakad kar use khada kar rakha tha varna vo toh kabka gir chuka hota.

"Mar gaya ye, nikal yahan se" Kisi ek ladke ne kaha aur vo fauran apni gaadiyan lekar vahan se bhaag gaye.

Unke jaane ke baad maine uska gala chhoda aur vo fauran sadak par gir gaya. Ek pal ke liye toh mujhe bhi laga ke vo mar gaya hai par jab kuchh seconds baad vo khaansne laga toh main samajh gaya ke abhi zinda tha. Mujh par hockeys se kaafi vaar kiye gaye the. Khoon ab mere sar se bhi beh raha tha par gussa thanda nahi hua tha. Main abhi bhi use aur marna chahta tha par jaise hi aage ko badha chakkar khakar khud neeche gir pada aur behosh ho gaya.
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Mujhe hosh aaya toh main hospital mein tha aur mere bed ke paas hi meri maan bethi thi. Mujhe aankh kholta dekh vo fauran mere paas aayi.

"Shukr hai uperwale ka" Unhone mere sar par haath pherte hue kaha "Thehar main Doctor ko bula kar laati hoon"

Mere kuchh kehne se pehle hi vo kamre se bahar nikal gayi.

Maine lete lete hi apni halat ka jaayza liya. Shareer par kayi jagah pattiya chadhi hui thi aur dono arms kohni tak plaster mein thi. Ek haath mein drip lagi hui thi jisse hota glucose ya shayad kuchh aur mere shareer mein ja raha tha. Maine uthkar bethne ki koshish ki par fauran aisa laga jaise mere pattiyon mein bandhe sar mein hathode baj rahe hon aur maine sar phir takiya par rakh diya.

Apne shareer se nazar hata kar maine apne aas paas dekha. Us waqt main ek khaase bade kamre mein tha jo kisi 5 star hotel se kam nahi tha. Kamre ke beecho beech bichhe bed par main leta hua tha, dono taraf do tables thi jin par phool rakhe hue the. Thodi hi door khidki ke paas kisi living room ki tarah ek table aur uske 3 taraf sofas rakhe hue the aur deewar ke saath ek bada sa TV rakha hua tha. Kamre mein hi attached bathroom bhi tha.

Matlab saaf tha. Main ek kaafi mehenge kism ki hospital mein tha par kaise? Mere maan baap ki maali halat koi itni zabardast nahi thi ke vo is tarah ke hospital mein mera ilaaj afford kar sakte. Yahan ek kamre ke charges kisi 5 star hotel se zyada hi honge aur uper se Doctors ki fees aur dawaiyon ke kharche.

Apne parents ki jeb ke hisaab se toh mujhe AIIMS jaise kisi hospital ke General ward mein hona chahiye tha.

Main abhi soch hi raha tha ke kamre ka darwaza khula aur ek policewala andar daakhil hua.

"Abhi bahar aapki maan ko batate hue suna ke aapko hosh aa gaya hai, baaat kar sakte hain 2 min?" Vo mere bed ke nazdeek aata hua bola. Ek haath mein uske ek notebook thi aur doosre mein pen.

Main janta tha ke vo kya puchhne wala tha isliye haan mein sar hila diya.

"Bayaan lena tha aapka"

Maine phir haan mein sar hilaya.

"Aap jaante hain ke vo kaun the jinhone aapko us raat mara?"

Main nahi mein sar hila diya.

"Koi jana pehchana chehra?"

Maine phir inkaar mein sar hilaya.

"Kisi ke saath aapki dushmani jo aisa karna chahta ho? Haal filhal mein kisi se koi jhagda hua ho?"

Mere dimaag mein fauran Renuka ka naam aaya par gardan meri inkaar mein hi hili.

Vo policewala aage puchhna hi chah raha tha ke kamre ka darwaza phir khula aur meri maan ek nurse ke saath andar daakhil hui.

"Ye kya hai? Abhi use hosh aaya hi hai aur aap shuru ho gaye? 2 min chain ki saans toh lene do use, abhi Dr. ne dekha bhi nahi hai" Vo fauran policewale par phat padi.

"Maanji bayaan lena hai" Policewale ne kaha.

"Haan toh baad mein le lena, kahin bhaga thode hi ja raha hai vo. Kam se kam Dr. log ko dekh toh lene do ke uski halat kaisi hai"

"Aap abhi please bahar jaaiye. patient abhi coma se bahar aaya hi hai, its not the right time to question" Nurse ne kaha.

"COMA ????" Mere dimaag mein fauran ghantiyan baj uthi.

Policewale ke jaane be baad us Nurse ne mera muayna kiya. Ek torch jala kar meri aankhon mein jhanka toh kabhi mere munh mein, ek anguli utha kar mujhe uski taraf dekhne ka ishara kiya, kamre mein rakhi cheezon ke baare mein puchha ke kaun si cheez kya hai aur phir apne notepad mein kuchh likh kar bahar jaate hue mujhse boli,

"Aap abhi aaram kijiye, zyada stress nahi lena. Thodi der mein Doctor Khurana aapko dekhne aayenge"

"Kitna mara mere bachche ko" Nurse ke jaane ke baad meri maan mere sar par haath pherte hue boli "kaisa lag raha hai abhi?"

"Ye Nurse kya bol rahi thi?" Maine dheemi aawaz mein bola "Coma?"

"Haan, 4 din baad hosh aaya hai tujhe aaj" Kehte hue vo lagbhag ro hi padi "Kisne kiya ye, kaun the?"

"4 Din?" Main hairani se bola "Aur ye hospital?"

"Haan, bhala ho tere doston ka jo yahan itne achhe hospital mein leke aaye tujhe"

"Mere dost?" Meri samajh mein kuchh nahi aa raha tha. Mera koi dost itna ameer nahi tha jo is jagah ko afford kar sakta, actually toh mera dost koi tha hi nahi. Sirf jaan pehchan ke log the "Kaun dost?"

"Arrey tere college ke ladke, sabne paise milkar jama kiye aur tujhe yahan leke aaye. Aur ek ladki bhi thi"

"Ladki?"

"Haan idhar bahar hi bethi hai abhi bhi, thehar main bula kar laati hoon"

Maan ek baar phir bahar gayi aur is baar jab darwaza khula toh main hairani se dekhta reh gaya. Darwaze par maan ke saath Renuka khadi thi.

"Kaise ho tum?" Vo andar aate hue boli. Main jawab mein kuchh keh na saka. Bas gusse aur hairani se use dekhta raha. Is ladki ki himmat dekho, meri ye halat bana kar khud hi yahan khadi hai. Mujhe aisa laga jaise vo mera mazak sa uda rahi thi, apni superiority ka ehsaas dila rahi thi.

"Tum dono baat karo, main kuchh khaane ka puchhke aati hoon tere liye" Kehte hue Maan hamein akela chhod kar chali gayi.

"Yahan kya kar rahi ho tum?" Unke jaate hi main fauran Renuka se bola.

"Tumhare bills pay kar rahi hoon" Vo mere bed ke paas rakhe chair par bethte hue boli "How are you feeling now?"

"Tumhari himmat kaise hui yahan aane ki?"

"Tum sabke saath hi aise pesh aate ho ya main special hoon?"

"Special? Mere liye tum koi nahi ho"

"I know, toh matlab ke tum sabke saath hi aise ladte rehte ho jaise mere saath, kisi se dhang se baat nahi karte"

"Dhang se baat? Tumse 2 bol bole the maine aur nateeja ye nikla ke 4 din se yahan behosh pada hoon. Vaise jaan sakta hoon ke mujhpar itni meharbaani kisliye"

"Meharbaani?"

"Haan, khud meri ye halat banva kar yahan itni achhi jagah ilaaj karana? Kya jata rahi ho? Chhota dikha rahi ho mujhe?"

"Tumhein lagta hai maine karvaya ye sab?" Use meri baat ka bura laga aur mere kareeb aate hue vo boli.

Lagta nahi hai" Maine munh banate hue kaha "Pata hai mujhe ke tumhari hi kartoot hai ye"

"Mera ismein koi haath nahi hai, samjhe" Vo bhi thoda chidte hue boli.

"Toh vo ladke kya yun us raat mujhe maarte hue tumhare naam ki mala jap rahe the? Itna bevakoof hoon nahi main jitna tum samajh rahi ho. Vo na bhi lete tumhara naam toh apne aap hi samajh aane wali baat ki meri us din ki harkat ka badla le rahi thi tum"

"Wah, ek toh bhalai karo aur uper se taane bhi suno" Vo mere bed ke paas ek kursi khinchte hue beth gayi.

"Exactly, agar tumne nahi karvaya ye sab toh bhalai kyun kar rahi ho? Is meharbani ki 2 hi vajah hi sakti hain, ya toh tum is baat se dar rahi ho ke main police ke aage kya munh kholunga ya phir tumhara guilt tumhein is baat ke liye force kar raha hai. Jahan tak mera khyaal hai tum shayad police ke dar se yahan maujood ho, guilt ki vajah se nahi"

"Sar pe chot lagi hai na tumhare isliye dimaag kuchh zyada hi chal raha hai tumhara. Jahan tak police ki baat hai toh tum chahe jo gala phado, mujhe koi farak nahi padta. Main ye keh rahi hoon ke maine ye sab nahi karvaya par maine ye nahi kaha ke ye meri vajah se nahi hua"

"Kya matlab?"

"Matlab ye ke tum sahi ho, ye sab us din meri tumhari kaha suni ki vajah se hua tha, yaani meri vajah se hua tha par maine nahi karvaya. Maine unmein se kisi bhi ladke se nahi kaha tha ke jakar tumhare saath maar peet karein, main aisa kuchh nahi chahti thi"

"Oh, par ...." Maine kehna chaha toh usne haath ke ishare se rok diya.

"Baat khatam karne do mujhe. Tum pehle ladke nahi ho jo mere saath aise pesh aaya hai. Aadat hai mujhe aur aisi baaton ko ignore karna maine bahut pehle seekh liya tha. Jis kisi ko bhi main ghaas nahi daalti vo khij kar aise hi baat karta hai mujhse, mujhe neecha dikhane ki koshish mein"

"Toh tumhein lagta hai ke ...." Main phir bola toh usne phir chup kara diya.

"Us din ke incident ke baad main toh ghar jaake lambi taanke so gayi thi. Tumhare pichhe ladke bhejna toh door ki baat hai maine toh socha tak nahi tha us baare mein par vo ladke khud hi bero banne chal diye. Unhein laga ke yun tumhare saath maar peet karke unhein shayad meri taango ke beech aane ka mauka mil jaayega"

Usne jis bebaaki se ye baat kahi thi vo dekhkar mera munh khula ka khula reh gaya. Zyada ladkiyon ko main janta nahi tha aur jinko jaanta tha vo bechari badi shareef sidhi saadi type ladkiyan thi. Kisi ladki se is tarah ki baat sunne ka mere ye pehla mauka tha.

"But anyways ... "Usne apni baat jaari rakhi "Maine jo kiya, i mean tumhara ilaaj vagerah yahan par karvana, vo kisi darr ki vajah se nahi tha, mujhe bura lag raha tha isliye"

"Oh" Main itna hi keh saka.

Vo koi aur aadha pauna ghanta mere saath rahi aur ham idhar udhar ki baatein karte rahe. Tab mujhe pehli baar ehsaas hua ke vo utni buri thi nahi jitni ke main samajh raha tha. Andar se vo bhi bas ek aam si ladki thi, bas showbaazi karne ki aadat zara zyada thi.

"Theek hai na yaar ...." Vo haste hue boli thi "I am good looking and i know that. Mujhe pata hai ke main shakal soorat se achhi hoon toh koi paap thode hi hai. Agar dikkat hai meri khoobsurati se toh jao kar do Bhagwan pe case, unhone banaya hai mujhe aisa. I know how to carry myself and i do that. Duniya ki kaun si aurat aisi hai jo make up nahi lagati chehre par, ya achhi nahi dikhna chahti, sab chahti hai toh maine kiya toh kaun sa paap kiya. College aati hoon toh saali saari ladkiyan aise kilasti hain mujhse jaise maine unke khasam bhaga rakhe hon"

Uski is baat par main zor se has pada.

"Haan yaar, kehti hain ke main ladkon mein hi ghusi rehti hoon. Ladki koi baat karti hi nahi mujhse toh main kya karun"

"I am sorry for being rude that day" Baaton baaton mein maine kaha.

"And i am sorry ke meri vajah se tumhare saath aisa hua ..." Usne muskura kar jawab diya.

Tabhi kamre mein meri maan aa gayi aur unke pichhe pichhe Kamini thi. Meri maan ke haath mein ek tray thi jismein kuchh ande aur ek glass doodh tha.

"Le kuchh kha le ...." Vo meri table par tray rakhti hui boli.

"Ise abhi 4 din baad hosh aaya hai, kuchh khilane se pehle ek baar Dr. se check kar lijiye aap" Renuka meri maan se boli.

"Arrey 4 din se bhookha pada tha, khilane par kaisi rok tok. Khaayega nahi toh achha kaise hoga?"

"Aunty Phir bhi aap ek baar Dr. se check kar leti toh theek rehta"

Usne kaha toh meri maan soch mein pad gayi.

"Thehar main puchhke aati hoon us nurse se" Aur vo phir kamre se bahar nikal gayi. Ab kamre mein main Renuka aur Kamini reh gaye.

"Kaisi ho?" Maine Kamini se puchha.

"Meri chhodo, how are you feeling now?"

"As if i have just been hit by a train ..." Maine muskura kar jawab diya.

"Chhi, aisa nahi kehte" Vo mere bed ke paas aakar khadi ho gayi.

"Achha chalo main chalti hoon" Kehkar Renuka uth khadi hui "Tum aaram karo, main kal dekhne aaoongi"

"Thanks for everything" Maine usse kaha.

"You are very welcome. Take care" Kehkar vo apna purse utha kar chal di.

"Kuchh kha nahi sakte, magar doodh toh pi hi sakte ho?" Kamini ne kaha.

"Nahi inhein Glass se doodh pina pasand nahi hai" Renuka jaate jaate palti aur kehkar hasti hui darwaze se nikal gayi. Main janta tha ke uska ishara meri kis baat ki taraf tha aur muskura utha.

"Kya matlab tha iska?" Uske jaane ke baad Kamini boli.

"Kuchh nahi, never mind her. pagal hai" Maine haskar kaha.

"Ye kyun itni meharbaan ho rahi hai tum par?"

"Kyun tumhein jalan ho rahi hai?" Main uske chehre ko gaur se dekhta hua bola.

"Haan bilkul ho rahi hai. Zabardasti chipak kyun rahi hai itna ye, ye ehsaan jatane ka matlab kya hai"

"Ab chhodo bhi use, achhe khaase hospital mein ilaaj ho raha hai mera, kya problem hai. Hone do jaise ho raha hai"

"Bachkar rehna isse, iske jaisi ghar basati nahi, sirf ghar ujaadti hain"

Us din bhale hi Kamini ne ye baat jalan mein laparwahi se kahi thi par ab sochta hoon ke kya mujhe us din uski baat sun leni chahiye thi? Kya usne jo kaha vo sach tha? Aaj Renuka ke marne ke itne waqt baad bhi Jab bhi maun uske baare mein sochta hoon toh vo din yaad aa jata jab mere paas vo phone call aaya tha, har baar mere kaano mein us phone par kahe gaye vo shabd goonjne lagte hain.

"Aapki biwi ne suicide kar liya hai"
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Chapter 7 - Inspector Sharma


Negi meri ummeed se kahin zyada utsukt nikla meri madad karne ke liye. Agle din main subah sokar utha hi tha ke vo mere darwaze par police files ke saath aa khada hua.

"Subah savere?" Maine darwaza khola aur muskuarte hue usse bola.

"Vo actually ye files main kal raat ghar hi le gaya tha, abhi police station ki taraf ja raha tha toh socha ke aapko deta chalun"

"Thanks" Main darwaze se hata taake vo andar aa sake "Thanks so much. Chaai?"

"Haan kyun nahi" Usne fauran haan bol di aur andar aa gaya.

Maine kettle se 2 cups mein chaai daali aur ek cup uske haath mein thamaya.

"Kya lagta hai aapko Sir?"

"Matlab?"

"Matlab kya hua hoga 20 saal pehle? Kahan gayad hue honge Ravi Sahab is tarah ke koi nishan tak nahi mila?"

"I am just getting started, too early to jump to any conclusion"

"Haan sahi keh rahe hai. Kuchh log toh ismein bhoot pret ka haath bhi maante hain"

"Bhoot pret? Unhein Ravi mein kya dilchaspi ho sakti hai?"

"Aap toh jaante hi hain ke log kis tarah ki baatein karte hain. Jitne munh utni baatein aur utni hi atkalein"

"Yeah i guess you are right"

"Kuchh toh yahan tak kehte hain Bade sahab ne hi apne bete ko mara tha"

"You mean Ravi's father, Mr. Rana?"

"Ji haan. Ye bhi baat hai kayi jagah ke khud hi apne bete ko mara unhone aur ek jhootha police case karva diya logon ko dikhane ke liye"

"Aisa maanne ki koi vajah?"

"Pata nahi Sir, main toh suni sunayi baatein bata raha hoon aapko. Us waqt aur jaane aisi kitni baatein udi hongi"

"Hmmmm. Aapko mera ek kaam aur karna hoga"

"Haanji kahiye"

"Mr. Sharma ka phone number kahin se available kara dijiye please"

"Haan ho jaayega. Main puchhta hoon ek do logon se, kisi na kisi ke paas toh hoga hi nahi toh records mein mil jaayega"

"Thank you, i appreciate it"

Vo thodi der aur mere saath betha aur idhar udhar ki baatein karta raha. Uske jaane ke baad maine ek cup mein apne liye chaai aur daali aur police files dekhne laga.

Ravi Rana ek bahut hi dilchasp kism ka aadmi tha. Pehalvani ka shauk tha aur paas ke hi ek akhade mein rozana uska aana jana tha. Iske alawa use gaane ka bhi shauk tha aur guitar and tabla bakhubi baja leta tha. Kisi Rehmat Ali School Of Music se usne classical indian music ki training li hui thi aur apne school aur college ke kayi concerts mein start attraction vahi hota tha. Yahan ke ek local mein aksar uske articles chhapa karte the aur wildlife photography ka shauk bhi Bhai ne paal rakha tha.

In short agar kaha jaaye toh vo kaafi creative kism ka aadmi tha par in sab baaton mein jo baat mujhe sabse atpati lagi vo ye thi ke doston ke naam par koi bhi aisa nahi tha jise uska kareebi kaha ja sake sivaay Kanha ke. Is tarah ke log aksar kaafi extroverts type ke hote the aur logon mein badi jaan pehchan hoti hai. Dosti agar na bhi ho toh unke followers kaafi hote hain. Aise log jo is tarah ki personality ko dekh kar inspire hote hain aur koshish karte hain ke us insaan ke baare mein zyada se zyada jaan saken.

Par Ravi ke saath aisa nahi tha. Vo jaise apne aap mein ek bahut badi mystery hi tha. Gayab hone se pehle uski dincharya akhade se shuru hoti aur phir sara din vo apne baap ka kaam sambhala karta. In sabse agar time nikalta toh apne music, writing aur photography ke shauk poore karta par har kaam akele. Aksar dekhne mein aata hai ke is tarah ka khula paisa agar haath mein ho toh ameer baap ki aulad aksar bigdi hui nikalti hai. Sharab, shabab, nasha aur na jaane aise kitne tarah ke shauk saath lag jaate hain aur zyadatar waqt doston ke saath ayyashi mein hi guzarta hai par Ravi ke saath aisa nahi tha. Na toh use is tarah ke galat koi shauk the aur na hi bahut zyada logon mein uska uthna bethna.

Police reports ke hisaab se pichhle kuchh din se unke aur Ravi ke beech jaaydad ko lekar anban chal rahi thi. Ravi batwara chahta tha taaki uske hisse ki jaaydad use naam kar di jaaye. Files mein yahan tak likha hua tha ke vo apne hisse ki jaaydad bechkar kisi foreign country mein shift hona chahta tha aur Mr. Rana uske khilaff the.

Us shaam bhi baap aur bete ke beech is baat ko lekar anban hui aur Ravi paon patakta hua ghar se nikal gaya aur phir lautkar nahi aaya. Case ke investigating officer Mr. Sharma the. Kayi logon ke bayaan initial FIR ke saath file mein the jinmein se kayi naamon se main vaakif tha aur kuchh naye the. Mr. and Mrs. Rana, Mr. Pratap Rana, Sakshi Rana, Raj Rana, Liyaqat aur Kanha, ye saare naam main pehle bhi sun chuka tha par inke alawa aur kayi aise logon ke bayaan darj the jinka naam maine pehle nahi suna tha.

Sabse important baat jo reports mein maine dekhi vo ye thi ke us waqt yahan chalne wali Bus Service ke logon se baat ki gayi thi.

Chail ek bahut hi chhot sa kasba hai aur 20 saal toh main khud bhi andaza laga sakta tha ke yahan ka mahaul kaisa raha hoga. Investigation ke dauran Chail mein maujood kisi hotel mein Ravi ne us raat check in nahi kiya tha. Baarish us shaam bahut tez thi aur agar vo ghar nahi aaya toh kahin na kahin toh raat zaroor guzari hogi par na toh report ke mutaabik vo apne kisi dost ya rishtedaar ke yahan pahuncha aur na hi kisi hotel mein check in kiya.

Us waqt Chail ki Bus Service limited thi aur yahan se Himachala Roadways ki kuchh buses Shimla ki taraf jaati thi aur Chandigarh ki aur. Us shaam Ravi ke ghar se nikalne ke baad Chail se kul milakar 3 buses gayi thi par Ravi unmein se kisi mein nahi betha aur na hi uske baad agle kuchh din tak kisi aur bus mein. Kufri, Shimla aur Solan Chail ke paas hi base hue towns hai par paidal chalkar jaane layak distance nahi hai, khaas taur se ek barsaati shaam mein to ye mumkin tha ke Ravi ne kisi se lift li ho. Is baat ko madde nazar rakhte hue agle kuchh din tak har newspaper mein ad di gayi par koi aisa saamne nahi aaya jisne Ravi ko us raat lift di ho. Investigation ke hisaab se Chail ke 100 kms ke radius mein jo bhi hotel ya guest house tha har kisi se puchha gaya par Ravi ne kahin check in nahi kiya.

In short agar kaha jaaye toh vo aise gayab hua jaise gadhe ke sar se seeng.

Maine baaki logon ke bayan par nazar daalni shuru ki. Sabse pehle meri nazar padi Ravi ke eklaute dost Kanha ke bayan par.

Jo ek cheez mujhe Kanha ke bayaan mein sabse ajeeb lagi vo ye thi ke jahan ek taraf mujhe ab tak ye bataya gaya tha ke gayab hone se pehle Ravi kaafi pareshan tha vahin Kanha ke bayaan ke mutaabik aisi koi baat nahi thi. Ravi gayab hone ke din tak bilkul theek tha aur use Kanha ko aisi koi baat nahi kahi thi jisse aisa lage ke vo ghar chhod kar jaane ke plan mein tha.

Kanha ne apne bayaan mein kaha tha ke Ravi jis din gayab hua us din dopahar ko vo Kahna ke ghar aaya tha. Dono kisi kaam se Solan gaye aur phir uske baad Ravi Kanha ko uske ghar chhod kar apne ghar chala gaya. Un dono ka us shaam Shimla ki taraf jaane ka irada tha magar mausam ke biagd ne ke karan vo plan unhone agle din ke liye post-pone kar diya.

Kanha ke hisaab se Ravi na toh kisi baat ko lekar pareshan tha aur na hi uski us dauran kisi se koi an-ban thi jo koi usko nuksaan pahunchana chahta. Vo toh balki agle din usne saath Shimla jakar use uske janamdin ke liye kapde dilvana chahta tha.
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Ek baat saaf ho chali thi. Jab tak main is case se jude har insaan se baat nahi kar leta tab tak kuchh bhi saaf taur par mere palle nahi padne wala tha. Aur is case ki jo mere hisaab se sabse mazboot kadi thi vo tha Ravi ka bhai Raj jisse ki ab tak meri mulaqat nahi ho paayi thi. Kanha ke alawa Ravi sirf apne bhai ke kareeb tha toh mumkin tha ke Raj se koi aisi baat pata chal sake jo ab tak saamne na aayi ho.

Maine uthkar ek cup chaai aur banayi aur TV on kar liya. Thoda waqt hi beeta tha ke mere phone ki ghanti baj uthi, call Kamini ki thi.

"Kaisi hai Kameeni?" Maine haste hue kaha.

"Shut up" Doosri taraf se uski aawaz aayi "Mera naam bigadna band karo"

"Sahi sochke naam rakha uncle aunty ne tera. Personality se suit karta hai teri"

"Haan haan maine toh bada tumhare khet se bhains chura li na jo main Kamini se Kameeni ho gayi"

"Bhains kya tera bas chale toh tu mujhe hi chura le jaaaye"

"Irada toh kabse yahi hai par tum haath kahan aate ho?"

"Aur aaoonga bhi nahi tere haath mein, koi aur dhoondh le apne liye. Subah subah meri yaad kaise aa gayi?"

"Kuchh soch rahi thi"

"Wow ... ye toh breaking news hai. Tu soch rahi thi?"

"Shut up, main soch rahi thi ke office se kuchh din ke liye leave le loon"

"Kyun, kahin jaane ka irada hai?"

"Haan"

"Kahan?"

"Soch rahi thi vahin tumhare saath aa jaati hoon. Thoda vacation type ho jaayega mere liye, kaafi bore ho gayi hoon is monotonous life se"

"Yahan aake mere saath rahegi?"

"Haan kyun, problem hai tumhein?"

"Mujhe toh koi problem nahi hai par soch le, darr nahi lagega?"

"Kis baat ka darr?"

"Ek akele ghar mein ek jawan ladka, tu ek jawan ladki?"

"Ohhhh, Ke kahin tum kuchh ulta sidha na karo mere saath, mera fayda uthane ki koshish na karo?"

"You never know" Maine has kar kaha.

"Jaaneman tum ek baar bas ishara toh karo, tumhein toh saara faayda dene ko main khud kabse taiyyar bethi hoon. Tum faayda uthane wale bano toh sahi"

"Bakwaas na kar" Ab jhepne ke baari meri thi "Seriously bol rahi hai tu yahan aane ka?"

"Haan"

"Kya karegi, main saara din case ke chakkar mein yahan vahan dhakke khata phirunga aur tu akeli bore hogi"

"Bore kyun hone lagi akeli, tumhare saath kuchh dhakke main bhi kha loongi. Isi bahane main jagah bhi dekh loongi aur tum soch lena ke tumhein ek assistant mil gayi"

"Marzi hai teri"

"Theek hai, main office se leave lekar batati hoon tumhein"

Usse baat karke maine phone rakha hi tha ke ghanti phir baji. Is baar call Inspector Falana Falana ki thi.

"Haan Negi Sir" Maine call receive ki.

"Sir vo Sharma ji ka number mil gaya"

"Itni jaldi?" Maine hairat mein kahan aur phir dil hi dil mein socha "Man, this guys is really going out of his way toh help me"

"Haan vo maine apne ek jaankaar ko phone kiya aur by chance number unke paas hi mil gaya"

"I cant tell you how thankful i am to you for all this help"

"Arrey koi baat nahi Sir, isi bahane thoda bahut shayad aapke kaam karne ka style main bhi seekh loon"

Usse number lekar maine fauran hi Sharma ka number ghuma diya. Number landline ka tha, ghanti baji aur ek aurat ne phone uthaya.

"Kaun chahiye?" Phone uthate hi sidha sawal daag diya gaya.

"Ji main Sharma ...." Maine kehna shuru hi kiya tha ke baat kaat di gayi.

"Kaun Sharma?"

"Matlab?"

"Matlab Kaun Sharma?"

"Ji Surya Prakash Sharma" Maine Sharma ka poora naam bola.

"Vo toh hamara Saahib Hai. Tumhara bhi naam Surya Prakash Sharma hai?"

"Ji nahi"

"Abhi toh tum bola"

"Kya bola?"

"Ke tum Sharma"

"Nahi main toh keh raha tha ke mujhe Sharma ji se baat karni hai"

"Haan toh aisa bolo na phir"

"Haan toh main bol toh raha tha par aapne ..."

"Saahib abhi ghar pe nahi hai"

Aur phone rakh diya. Maine phir number ghumaya.

"Kaun Chahiye?" Phir phone uthate hi sawal daga gaya.

"Ji Sharma ji kab aayenge?"

"Pata nahi"

"Ek mesage de sakti hain?"

"Tum kaun?"

Maine apna naam bataya.

"Kya message dena hai?"

"Ek number deta hoon, unhein kahiyega ke mujhe is number pe call kar lein please"

"Theek hai, number kya hai?"

"98..." Maine apna mobile number batana shuru kiya.

"Haan" Us aurat ne number likhna shuru kiya.

"96"

"98 ..."

"Haan, 98"

"98 ..."

"96"

"Abhi toh bole 98"

"Haan uske baad 96"

"96 ... 98 ke baad 96"

"Haan, 94"

"96 ke 94?"

"Arrey pehle 96 uske baad 94"

"Pehle toh 98 bole aap"

"Haan pehle 98 aur baad mein 96"

"Aur abhi bole ke baad mein 94?"

"Arrey pehle 98 aur baad mein 94, iske beech mein 96"

"Ab ye beech wala kahan se aaya, abhi toh aap bole ke pehla wala aur baad wala ..."

"You know what, maine phone kar loonga khud baad mein" Aur maine phone rakh diya.
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Maine phone rakha hi tha ke darwaze par knock hua. Bahar Mrs. Rana ka ek naukar khada hua tha.

"Aapko Memsahab ne yaad kiya hai"

"Theek hai, tum chalo main aata hoon"

Takreeban 15 min baad main ek baar phir Mrs. Rana ki library mein betha hua chaai pi raha tha.

"Kaisi lagi jagah?"

"Ji jagah toh kaafi khoobsurat hai" Maine muskurate hue jawab diya.

"I know it is too early but maine socha ke ek baar puchh loon ke kuchh progress hui ho ya kuchh aur madad aapko hamari taraf se chahiye ho?"

"You were right, too early to report any progress. Asal mein sach kahun toh main toh abhi kitaab ka index hi dekh raha hoon, abhi tak toh kitaab padhni shuru bhi nahi ki"

"No worries, take your time"

"And actually since you bought it up, kuchh madad main soch raha tha ke aapki taraf se mil jaati toh"

"Haan zaroor. Aapke kehne par maine commissioner sahab ko phone kar diya tha and he promised that local police will assist you in any way they can"

"Oh yes, thanks for that. Vo files mujhe mil bhi gayin actually and i am going through those right now. Main asal mein kuchh aur bhi puchhna chah raha tha"

"Anything"

"I would like to go through with any of Ravi's belongings from 20 years ago, if you still have any"

"Oh i have all of them. Actually uske jaane ke baad maine uska kamra lock karva diya tha aur aaj bhi vo vaisa hi hai jaisa ke 20 saal pehle Ravi chhod gaya tha. Har cheez vahin rakhi hai jahan usne rakh chhodi thi. Hafte mein ek baar ham kamra khulva kar saaf kara dete hain par uski har cheez aaj bhi usi kamre mein hi hai"

"Aisa karne ki koi khaas vajah?"

"Ek maan ki aakhri ummeed samajh lijiye ke uska beta ek na ek din uske paas laut aayega" Unhone udaas si aawaz mein kaha.

"I am sorry, i shouldnt have asked that"

"That is all right" Kehte hue unhone apni side ka drawer khola "Here, this is the key to Ravi's room. Main Liyaqat ko bol doongi ke vo aapko kamra dikha de"

"Anyone else has a key?"

"No, this is the only key to his room"

"Thanks" Kehte hue main chaabi apni jeb mein rakh li "I actually had something else on my mind too"

"Sure"

"I would like to take a look at your financial statements from 20 years ago, back when Ravi was taking care of things"
Vo meri baat sunkar chup ho gayi aur phir thodi der baad boli.

"What do you have in mind?"

"Anything, your bank statements, financial transactions reports, income, expenses and most of all, Ravi's personnal account"

"Ravi's account? That was closed long ago"

"I am sure we can pull a complete history of that account before it was closed from the bank"

Vo phir chup gayi

"Kabse kab tak?"

"Ravi ke gayab hone ki date se exactly 5 saal pehle ke complete records"

"Thats gonna take some time"

"Understood"

"Ok, i will get it to you as soon as i can"

"Thank you"

"Aur kuchh?"

"Nahi filhal ke liye itna hi, case mein progress ki report main writing mein aapko deta rahunga"

"Ok. Filhal Liyaqat ko hamne kuchh kaam se bheja hua hai, vo aaye toh main use bolke aapko Ravi ka kamra dikhva doongi"
Mrs. Rana se milkar main apne kamre mein pahuncha. Ek cup chaai banayi aur phir police records par nazar daalne laga. Thodi der baad mere cell ki ghanti baji.

"Is number se mujhe ek phone aaya tha" Maine call receive ki toh doosri taraf se mardana aawaz aayi "Aur message chhoda gaya tha ke main palat kar call karun"

Maine bina number dekhe hi call receive kar li isliye ye baat sunkar cell kaan se hataya aur number par nazar daali. Call Sharma ke number se thi.

"Mr. Sharma?"

"Ji haan"

"Sir asal mein mujhe aapka number yahan ke local police station se mila" Kehte hue maine apna naam bataya "Main apna number chhodna chah raha tha par call shayad aapki maid ne receive ki thi aur unhein number likhte hue thoda confusion ho raha tha isliye maine socha ke baad mein dobara khud call kar loonga"

"Haan vo thoda aisi hi hai. Number nahi likha par bataya ke mere liye phone aaya tha. Mere phone ki call list mein aapka number mil gaya mujhe. Kahiye"

"Mujhe asal mein aapse ek case ke silsile mein baat karni thi"

"Case ke silsile mein?"

"Ji haan, 20 saal purana ek case"

"Ravi Rana case?"

"Ji haan"

"Aap journalist hain?"

"Ji haan"

"Main journalists se baat nahi karta"

"Sir ek min, phone mat rakhiyega please" Mujhe laga ke vo phone kaatne wala hai toh maine fauran kaha "Main journalist zaroor hoon par aapse baat kisi newspaper story ke liye nahi karna chahta"

"Toh phir?"

"Ji mujhe Mrs. Bela Rana ne hire kiya hai, kind of as a personnal investigator. Ye pata karne ke liye ke 20 saal pehle Mr. Ravi Rana ke saath kya hua tha"

"Kya naam bataya aapne apna?"

Maine apna naam dohraya.

"Naam kuchh suna suna lag raha hai"

"Ji mere columns aksar chhpate rehte hain, investigative journalism"

"Achha haan, kahin aap vahi janab toh nahi jinka vo ek Himachal ministry mein jo land scan hua tha uspar ek article chhapa tha?" Usne mere ek 3 saal purane articles ko yaad karte hue kaha. Is article mein maine Himachal land ko lekar ek scam expose kiya tha. Kaafi uper tak log us article ke baad court mein aa khade hue the jiski vajah se mera article kaafi famous bhi hua tha.

"Ji haan vo main hi hoon"

"Kaafi achha likha tha aapne aur uski vajah se ham policewalo ki naak mein kaafi dam bhi hua tha"

"For that i am sorry sir"

"Arrey sorry ki kya baat hai, achha kaam kiya tha aapne vo. Kahiye kya baat karna chahte hain"

"Sir agar possible ho toh main milna chahunga"

"Haan zaroor, kahiye kab?"

"Main asal mein Chail mein hi hoon. Agar aap free hon toh aaj shaam hi mil lete hain"

Wade ke mutaabik us din shaam 5 baje main Sharma ke saath uske ghar mein betha chaai pi raha tha.

"Har policewale ki life mein shayad ek case aisa aata hai jo saari zindagi uske dimag se utarta nahi. Yun toh crimes aur criminals ke beech hamari life guzar jaati hai par kabhi kabhi koi mamla aisa aa jata hai ke uske baad chahe jitne bhi cases handle kare koi, vo ek case kabhi bhule nahi bhulta" Sharma mere saamne betha keh raha tha.

"Aur aapke liye vo case Ravi Rana ki gumshudgi ka tha"

"Aapko koi idea nahi hai ke kitni jhak maari hai maine is case ke pichhe, aur police station mein bethkar hi nahi balki yahan apne ghar mein akele mein behkar. Meri baahon mein meri biwi hoti thi aur dimag mera Ravi Rana ko dhoondh raha hota tha. Par hazar koshishon ke bavajood main use dhoondh nahi saka. Dhoondhna toh chhodiye, main toh ye tak pata nahi laga paya ke uske saath aakhir hua kya tha. Us shaam jab vo ghar se nikla toh gaya kahan aakhir"

"Police files mein aapki reports padhi hain maine kuchh"

"Ji?"

"Police files"

"Vo aapne kahan dekh li?"

"Is waqt mere paas hi hain"

Vo ek lamhe ke liye hairat mein pad gaya par phir agle hi pal muskura utha.

"Of course, aap Ranas ke liye ek case investigate kar rahe hain. Police files aapke paas hona toh bahut maamuli si baat hai. Meri baat maniye toh chhod dijiye ye case"

"Aisa kyun?"

"Apni nazar mein aap girne se bach jaayenge"

"Main samjha nahi ....."

"Aapko kya lagta hai, aaj jab main us case ke baare mein sochta hoon toh garv mehsoos hota hai mujhe? Nahi bilkul nahi. Sharmindagi hoti hai ke itni koshishon ke baad main vo case suljha nahi paya. Aapko kya pata ke un dino jab vo case mujhse lekar CBI ko saunp diya gaya toh kis qadar naam uchhla tha mera department mein"

"I can only imagine"

"Is case mein kuchh nahi rakha hai Sahab. Vo mar chuka hai aur yahin kahin pahadon ke beech Jungle mein dafn hai. 20 saal ho chuke hain is baat ko, ab toh haddiyan bhi gal gayi hongi uski"

"CBI ko case mein kuchh pata chala ho?"

"Unhein kahan se pata chalega. Shehar se kuchh suit boot mein aadmi bula lene se case solve nahi ho jaya karta. Main yahin ka rehne wala hoon, saari zindagi yahin raha hoon, yahan ke logon ko pehchanta hoon. Jab mujhe hi kuchh samajh nahi aaya toh CBI walo ko kya khaak samajh aata. Vo bhi bas usi information ke aas paas jhak maarte rahe jitni maine ikatthi ki thi aur uske baad thak haarkar case close kar diya gaya"

"Aapne abhi kaha ke Ravi mar chuka hai, aisa maanne ki koi khaas vajah"

"Vajah sirf ye hai ke Chail se bahar vo nikla nahi aur yahan kahin hamein mila nahi toh saaf si baat hai ke zinda bacha hi nahi"

"Haan maine padha tha police report mein ke aapne yahan ke bus drivers, taxi drivers, hotels har jagah pata kiya tha"

"Yahin nahi balki Chandigarh aur Delhi tak photos bhijva di thi hotels mein ke agar ye aadmi check in kare toh fauran khabar ki jaaye. Par kaise check in karta vo jabki vo toh yahan se nikla hi nahi bahar"

"Aapko lagta hai ke Kanha ka murder bhi isi case se related tha?"

"Of course related tha. 2 pakke dost, ek gayab ho jata hai aur doosra mahine bhar baad maar diya jata hai. Saaf si baat hai ke related hi tha"

"Aapka apna kya nazariya hai ke kya hua hoga, i mean vo sab nahi jo aapne police report mein likha par is sabse hatkar"

"Dekhiye Ravi ke saath kya hua iske aas paas toh maine apna koi nazariya bana hi nahi paya. Rahi Kanha ki baat toh use toh Ravi ke gharwalo ne hi maara"

"Ranas ne?"

"Ji haan"

"Aisa kyun?"

"Kyunki unhein lagta tha ke Ravi ki gumshudgi ke pichhe Kanha ka haath tha"

"Aisa lagne ki koi khaas vajah?"

"Vo akele hi nahi the jinhein aisa lagta tha. Shuru shuru mein toh ham policewalo ka bhi yahi andaza tha. Kanha poori tarah shak ke daayre mein tha"

"Toh aapko lagta hai ke isi baat ke chalte Ravi ke gharwalo ne Kanha ko marva diya"

"Bilkul"

"Agar aisa hai toh is baat ko toh phir bhi nakara nahi ja sakta ke ho sakta hai Kanha ne hi Ravi ko gayab karaya ho aur ab jabki vo mar chuka hai toh vo raaz bhi usi ke saath chala gaya"

"Bilkul sahi"

"Mr. Sharma aap mujhe kuchh aisi baat bata sakte hon jo aapke dimag mein khatak rahi ho? Kisi vajah se aapne use investigate na kiya ho aur agar kiya ho toh poori tarah samajh na aayi ho?"

"Kyun kar rahe hain aap ye?" Vo ajeeb si nigahon se mujhe dekhta bola.

"Ji?"

"Ye case, kya vajah hai ke aap yahan pahadon mein 20 saal pehle gayab hue ek aadmi ko dhoondhte phir rahe hain?"

"Aisi baaton ki vajah aksar ek hi hua karti hai Sir, paisa" Maine saaf saafi jawab diya.

"Naam kaafi suna tha aapka" Sharma ne Buiscuits ki ek plate meri taraf badhate hue kaha.

"Policewalo ke beech aksar main ek popular topic toh hoon magar not in good lines"

"Haan ab aap kaam hi aisa karte hain ke policewale sab bevakoof lagne lagte hain"

Uski baat ke jawab mein main sirf muskura kar reh gaya.

"Kanha ke baap se baat kijiye"

"Ji?"

"Ravi ke gayab hone ki bahut khushi thi use. Ek din jab main Kanha se puchhne uske ghar gaya toh Buddha bahut khush tha ke Ravi gayab ho gaya. Keh raha tha ke uska beta bigadne se bach gaya varna Ravi ki galat sohbat mein uska beta kisi kaam ka nahi raha tha. Us waqt maine use kuredne ki koshish ki kyunkki Ravi kaafi sidha sachcha sa dikhta tha par Buddha ne kuchh ugla nahi. Mujhe shak tha ke Ravi aur Kanha kisi illegal kaam mein involved the jiske baare mein Kanha ka baap janta tha par kabhi kisi ko kuchh bataya nahi. Ab suna hai ke vo mar raha hai, pata nahi kuchh ajeeb si bimari hai use jo andar hi andar se khaaye ja rahi hai. Aap baat kijiye, shayad marta hua aadmi sach bol jaaye aur aapki madad ho jaaye"
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
"Aapne baat karne ki koshish nahi ki?"

"Maine? Vo Kanha ke baap se?"

"Ji haan"

"Main ab ek retired police officer hoon Sahab, ab kis haq se baat puchhta phirunga. Aur uper se jis case ne aaj se 20 saal pehle meri mitti paleet ki thi, mere record mein kala dhabba ban gaya, ab mera koi irada nahi hai ke phir usi case ke panne palatna shuru karun"

"Kisi aur ko bhi toh bata sakte the?"

"Matlab kisi policewale ko?"

"Ji haan"

"Haan bataya tha, policewalo ko bhi aur CBI ko bhi. Aapne shayad police reports poori padhi nahi hain varna unmein bhi aapko ye baat darj milti. Maine likha tha ke Kanha ke baap par mujhe shak hai ke vo information with-hold kar raha hai. CBI walo ne bhi jakar usse puchha tha par buddha tas se mas nahi hua"

"Jaisa aapne mujhe bataya abhi, police mein bataya ke shayad ab koi aur usse jakar baat karne mein interested ho?"

"Kaisi baat kar rahe hain aap" Vo hasta hua bola "Yahan filhal cases ki files badhti ja rahi hain, unhein solve karne ka time nahi hai kisi ke paas. 20 saal purane case mein ab kaun magazmaari karega. Vo toh aap chale aaye phir se gade murder ukhadne toh bata raha hoon"

"Mujhe itne paise roz mile toh main saari zindagi kabristan mein gade murder ukhadne mein guzaar doonga" Maine bhi haskar jawab diya.

"Aap kya janab koi bhi"

"Aur koi aisi baat jo mujhe police files mein na mile?"

"Ek baat hai toh jo mere dimag mein atki rahi par kabhi mujhe samajh nahi aayi"

"Kya?"

"Un dino Ravi akela hi nahi tha jo yahan se gayab hua tha"

"Kya matlab?"

"Ek ladki aur gayab hui thi"

"Jis din Ravi gaya us din?"

"Nahi, usse ek hafta pehle?"

"Kaun?"

"Yahin ke ek kisaan ki beti. Chail se koi ek kilometre door ek chhota sa gaon hai, gaon kya bas kuchh ghar hain. Usi gaon ki thi"

"Uska bhi kuchh pata nahi chala?"

"Nahi. Sunanda naam tha ladki ka, yahi koi 25-26 ke aas paas rahi hogi. Ek din subah ghar se nikli aur lautkar aayi nahi"

"Police mein report?"

"Haan FIR hui thi par kabhi dhyaan hi nahi diya gaya us case ki taraf. File yun hi padi dhool khaati rahi aur ek din policewale us file ko bhool gaye aur us ladki ki maan apni beti ko"

"Aisa kyun?"

"2 vajah thi.Ek toh ye ke uske ek hafte baad hi Ravi gayab ho gaya. Aur kyunki vo ek bahut bade baap ki aulaad tha toh uska itna halla macha ke har koi bas usi ko dhoondhta phirne laga. Us case ke chakkar mein us waqt saare case chhote pad gaye"

"Aur doosri vajah?"

"Doosri vajah us ladki ki badnami"

"Matlab?"

"Sach kya hai pata nahi par har koi kehta tha ke maan beti dono hi dhandha karti thi"

"You mean ...."

"Yes, jism ka dhandha. Prostitution"

"Toh ek prostitute ko dhoondhne ke liye kaun magaz-maari kare..."

"Bilkul. Ek bahut lambe arse tak Ravi ke case ne aag pakdi rahi aur jab vo aag thandi hui tab tak naye cases ka ek pulinda lag chuka tha jo ek sabki nazar mein ek dhandha karne wali ko dhoondhne se zyada zaroori the"

"Vo case bhi aapke paas tha?"

"Haan par 3-4 din ke liye. Uske gayab hone ek do din baad FIR darj hui, maine puchh-taachh shuru hi ki thi ke Ravi gayab ho gaya aur mujhe vo case assign kar diya gaya. Jab vo case khatam hua toh main itna be-izzat ho chuka tha ke mujhe headquarters mein ek desk job pakda di gayi"

"Desk job?"

"Of course. Himachal police ke liye bahut sharmindgi ki baat thi ke vo ek case ko solve nahi kar paaye aur case CBI ko saunpa pada. Bas us sharmindgi ka saara badla mujhse nikala gaya. Ganeemat thi ke meri naukri nahi gayi aur mujhe sirf ek table ke pichhe le jakar betha diya gaya aur retirement tak vahin bethaye rakha gaya"

"Aapko lagta tha ke ye dono cases connected the?"

"Pata nahi, kabhi samajh hi nahi aaya"

"Phir bhi, agar aapko lag raha tha ke ye cases connected hain toh aapne Ravi ko dhoondhte hue Sunanda wale case mein bhi toh investigate kiya hoga"

"Mazak kar rahe hain aap? Agar main kisi ke aage munh bhi kholta toh yahi samjha jata ke main Rana khandaan ka naam ek prostitute ke saath jod raha hoon"

"So you never looked into it?"

"I did. Chori chhupe kuchh aisa dhoondhne ki koshish ki jo in dono cases ko aapas mein jod sake"

"And did you find anything?"

"Nope, nothing at all. Vo apni zindagi mein kya thi main nahi janta par jo kuchh bhi thi, ek din ghar se gayi toh lauti nahi. Theek Ravi ki tarah par in dono cases ka kahin door door se bhi mujhe koi connection nahi mila"

"Is ladki ka address de sakte hain mujhe?"

"Address kya hai, gaon ka aur uski maan ka naam bataye deta hoon aapko. 5-6 gharon ka gaon hai, jaake puchhiyega toh koi bhi bata dega ghar aapko"

Sharma ki umar yahi koi 50 ke aas paas rahi hogi aur dikhne mein vo policewala kam ek Army officer zyada lagta tha. Chust jism, robdar chehra, badi badi moonchein, gora rang, use dekh kar hi kaha ja sakta tha ke apni jawani ke dino mein vo kaafi khoobsurat aadmi raha hoga.

"Ek baat bataiye Sharma ji, off the record"

"Puchhiye"
"I mean main janta hoon ke ye case kabhi solve nahi hua par aap is par investigate karne wale pehle police officer the, first one to look into things after it happened"

"Aur aap jaanna chahte hain ke off the record mujhe kya lagta hai ke kya hua hoga"

"Right"

"Dekhiye aise cases mein theory toh har kisi ko hoti hai aur usually investigate karne wala apni kisi theory ke basis par hi investigation ko aage badhata hai"

"Aapki theory kya thi?"

"Kayi thi actually"

"Jaise ke?"

"Pehli theory toh meri ye thi ke Ravi kisi baat par ghar se naraz hokar chala gaya hai aur kuchh time baad laut aayega"

"Jo ke actually galat saabit hui"

"Ye toh case ke shuruati ek do din mein hi galat saabit ho gayi thi. Doosri theory ye thi ke uska kidnap hua"

"Ye wali bhi aur ek do din baad galat ho gayi hogi"

"Right. aur is dauran jaise jaise main investigate karta raha vaise vaise kayi saari theories bani aur bigad gayi. End mein jab mujhse ye case liya gaya toh mujhe kahin dil mein ye yakeen ho chala tha ke Ravi ko maara Kahna ne tha aur is baat ka badla lene ke liye Kanha ka kaam Ravi ke baap ne kar diya"

"Aapne baat ki kisi se is baare mein?"

"Mr. Rana se toh baat karne ka sawal hi paida nahi hota tha. Agar main unpar ye ilzaam lagane jaata ke unhone Kanha ko maara toh sabse pehle toh meri police ki naukri jaati aur uske baad shayad main bhi yahin kahin pahadon mein mara pada milta"

"Kaafi dabaav hai Rana khandaan ka yahan is ilaake mein" Maine muksurate hue kaha.

"Ab toh phir bhi thoda kam ho gaya hai par aaj se 20-30 saal pehle tak toh yahan ke Raja hua karte the ye log, Betaaj Baadshah. Rana Khandaan ki marzi ke bina toh yahan patta bhi nahi hilta tha. Kya police aur kya politician, sab inhi ke apne aadmi the"

"Hmmmmm" Main bas itna hi keh saka.

"Haan Kanha ne Ravi ko mara ho, is par maine zaroor maine investigate karne ki koshish ki thi par zyada aage badh nahi paya kyunki uske baad case mere haath se lekar CBI ko saunp diya gaya"

"Aur jahan tak mujhe lagta hai ke aapko kuchh aisa mila apni investigation mein jiski vajah se aapko lagta hai ke Kanha ne Ravi ko maara tha"

"Zaroor mila. Mera khyaal tha ke Kanha Ravi ko blackmail kar raha tha"

"Blackmail?"

"Ji haan. Un dino private aur multinational banks ka toh kahin naamo nishan hi nahi tha India mein. Le deke Bank ke naam par sabko SBI hi yaad aata tha, State Bank Of India"

"True"

"Toh yahan ke SBI ka manager mera bachpan ka dost tha"

"Aur uske zariye aapne Ravi ke bank accounts ka data nikalvaya"

"Right. Ek baat bataiye, is case ko solve karne ke kitne paise mil rahe hain aapko?"

"I am not really comfortable sharing that information" Maine haste hue kaha.

"Chaliye koi nahi. Zyada se zyada kitna ho sakta hai, 1 Crore, 2 Crore?"

"Nahi itna bhi nahi hai. Par is andaaz se aap bata rahe hain usse main ye andaza laga raha hoon ke Ravi ke bank account se ek bahut badi rakam ki transaction aapko mili"

"Right. Gayab hone se pehle ek saal ke andar andar Ravi ne Kanha ko 15 Crore Rupees diye the?"

"Wow" Mera aankhen hairat se khuli reh gayi.

"Aisa hi kuchh mujhe bhi laga tha. Aaj bhi 15 crore kisi ko mil jaayen toh zindagi bhar use kaam karne ki zaroorat na pade par aaj se 20 saal pehle 15 Crore ki keemat kya rahi hogi aap khud samajh sakte hain. Jis baat ne mere shak ko sabse zyada badhava diya vo ye thi ke Kanha ko us ek saal se pehle Ravi ne kabhi koi paisa nahi diya tha par achanak us aakhri ek saal mein laakhon ke cheque Kanha ke naam par kaate gaye. Aur doosri baat ye ke itni badi rakam milne ke baad bhi Kanha ke paas vo paisa kahin dikhai nahi diya tha. Vo tab bhi apne baap ke saath apne purane ghar mein rehta tha aur ek Bajaj Chetak scooter par ghoomta rehta tha. Uski zindagi mein toh chhodiye, Kanha ke marne ke baad bhi is paise ke kya hua koi nahi jaanta. Uska baap aaj bhi usi purane ghar mein dam tod raha hai"

"Uske baap se puchha tha aapne?"

"Nahi directly toh nahi puchha, indirectly hi puchha tha par vo vahi ratta lagata raha ke Ravi ne uske bete ko bigada aur Ravi hi Kanha ki maut ka zimmedar tha"

"Ye paise wali baat toh Ravi ke gharwalo ko bhi pata chali hogi uske jaane ke baad. Unhone kuchh kaha?"

"Hamse toh nahi aur ye doosri vajah hai ke maine aakhir theory ye banayi ke Kanha ko Ravi ke baap ne mara"

"Kyunki itni badi rakam gayab hone ke baad vo pakka Kanha se puchhne gaye honge ke paisa kahan hai"

"Right. Aur yahi baat Kanha ki maut ki vajah bani. Itni badi rakam involve hone ki sirf 2 hi baatein ho sakti hai. Ek vajah toh ye ke Kanha ko Ravi ke baare mein kuchh aisa pata chal gaya tha jisko lekar usne Ravi ko blackmail karna shuru kar diya tha"

"Aur kyunki vo uska eklauta aur sabse achha dost tha toh aisa hone ke chances zyada hain. Ye bhi mumkin hai ke use khud Ravi ne hi kuchh bata diya ho, apna dost jaankar"

"Right. Aur doosri vajah ye ke vo dono hi kahin kisi illegal kaam mein involved the jo aakhir mein unki maut ki vajah bana. Ravi kisi vajah se khud saamne na aakar Kanha ke zariye un paiso ki transactions kar raha tha. Par mujhe lagta hai ke mera pehle wala andaza sahi hai"

"Ke Kana Ravi se vo paise nikalva raha tha?"

"Right. Is case ke solve na hone ki sirf vajah hai Sahab, Rana khandaan ka rutba. Jo koi bhi is case ko investigate kar raha tha bahut soch soch kar raha tha, including me, is dar se ke kahin Rana Khandaan ke naam par koi keechad na ulajh jaaye. Sawal soch soch kar puchhe ja rahe the, kisi par bhi haath daalne se pehle Rana Khandaan ki ijazat leni pad rahi thi. Ravi ko dhoondhne se zyada is baat par dhyaan diya ja raha tha ke jo bhi raaz tha uski gumshudgi ke pichhe, vo raaz hi rahe"
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Agle din subah subah hi mujhe ek naukar ke zariye ye pata chal gaya tha ke Rajinder Rana kal raat vaapis aa gaya tha. Raj is case ki ek bahut hi important kadi tha aur main uska intezaar bhi kar raha tha ke vo aaye toh baat karun.

Par sabse bada sawal ye tha ke uski mere yahan hone par kya reaction hogi? Mujhe yahan uski maan ne bulaya tha par ab tak main ye nahi janta tha mujhe hire karne ke pichhe sirf Mrs. Rana ka hi irada tha ya ismein Raj ki bhi marzi shaamil thi. Vo ek bahtu bada aami tha aur main yun usse munh utha kar milne bhi nahi ja sakta tha. Isi ke chalte main yahi behtar samjha ke pehle uski maan se mila jaaye aur unhi ke zariye Raj se.

Main apni khidki ke paas khada case ke baare mein soch hi raha tha ke darwaze par knock hua. Bahar Liyaqat khada tha.

"Bolo ...."

"Madam ne bheja hai, boli ke aapko kaam hai"

"Kaam?"

"Haan vo Ravi Sahab ka kamra dekhna chahte the aap"

"Achha haan, bolo kab"

"Abhi dikha sakta hoon"

"Ek baat batao, ye Ravi ke kamre ko dikhana ke baare mein aisa kyun kaha ja raha hai jaise hamein kahin door jana hai? Rehta toh vo bhi ghar mein hi hoga na?"

"Nahi"

"Matlab?"

"Matlab vo udhar aage thoda ek cottage mein rehte the?"

"Vo apne parents se alag rehta tha?"

"Ghar ke pichhe hi ekdam pahad ke chhor par ek guest house bana hua hai. Vo jagah Ravi Sahab ko badi pasand thi isliye unhone apna kamra vahin shit kar liya"

"Kitni door hai?"

"Ghar ke pichhe ki taraf koi 200 metre ki doori par"

"Theek hai chalo"

Main chalne hi laga tha ke phir kichh soch kar apna irada badal diya. Behtar yahi tha ke main Raj se pehle baat kar leta. Ho sakta hai mera yahan hona uski marzi ke khilaff ho. Aur agar aisa hua toh mera uske bhai ke kamre mein yun thaak jhaank karna use bilkul pasand nahi aayega.

"Ek kaam karte hain, shaam ko dekhte hain"

"Theek hai" Kehkar vo vaapis laut gaya.

Maine abhi darwaza lock kiya hi tha ke mere cell ki ghanti baji. Call Inspector falana falana ki thi.

"Negi Sahab, kaise hain?"

"Sir koi ladki dhoondh rahi hai aapko yahan"

"Kya?"

"Ye idhar taxi stand ke paas, aapka naam lekar taxi walo se puchhti phir rahi thi ke is naam ka koi rehta hai Ranas ke guest house mein"

"Kaun thi?"

"Pata nahi. Main toh yahan khada chaai pi raha tha, aapka naam lekar palta toh vo ek taxi mein beth kar ja chuki thi"

"Dekhne mein kaisi thi?"

Usne mujhe huliya bataya.

"Achha vo, theek hai janta hoon use"

"Theek hai sir, maine socha ke bata doon aapko. Vo taxi mein bethkar shayad aapke guest house ki taraf hi aa rahi hai"

'Theek hai, thanks"

"Achha sir case mein kuchh pata chala?"

"Nahi kuchh bhi khaas nahi, vaise thoda time hoga aapke paas?"

"Chhote se town mein posted hoon sir, sara din time hi time rehta hai. Bataiye"

Maine use us gaon ka naam bataya jo mujhe Inspector Sharma ne bataya tha, jahan ke uske mutaabik Sunanda aur uski maan rehte the.

"Haan janta hoon Sir, idhar paas mein hi hai ek chhota sa gaon"

"Mujhe jaha hai vahan, soch raha tha ke agar aap saath chal lete toh"

"Case ke baare mein hi baat karni hai kisi se?"

"Ji haan"

"Bataiye kab chalna hai?"

"Main soch raha tha ke ....." Main baat poori kar bhi nahi paya tha ke darwaze par knock hua.

"Negi Sir main aapko thodi der mein phone karta hoon" Kehkat maine phone rakha aur darwaza khola. Bahar Kamini khadi thi.

"Surprise" Mere darwaza kholte hi vo chillayi.

"Tu yahan itni jaldi?" Maine muskurate hue kaha.

"Yaar itni dull reaction? Zara toh khush ho jao mere surprise pe"

"Surprise thodi der pehle tha"

"Matlab?"

"Abhi tu taxi stand par mera naam liye puchhti phir rahi thi na, vahan se kisi ne phone karke bata diya tha mujhe ke koi ladki mujhe puchh
rahi hai vahan"

"Aur tumhein samajh aa gaya vo main hoon?"

"Is huliye ki duniya mein koi aur ho bhi nahi sakti?"

"Shit yaar" Vo andar aayi aur sofe par apna bag phenkte hue boli "Surprise ki band baja di"
 
  • Like
Reactions: monimona_1990

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Thanx a lot aapka tahe dil se Shukriya ji@monimona_1990

Shukar hai ab tak aapko story pasand aayi
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Chapter 8 - Rajinder Rana


Rajinder Rana koi 45 ke aas paas ka ek aam si shakal soorat ka aadmi tha. Lamba kad, medium built, gora rang, sar par chhote baal aur chehre par ghani moonchh. Jis ek baat ka andaz use dekh kar hi ho jata tha vo ye thi ke uske paas beshumar daulat hai. Uske har andaaz mein daulat jhalakti thi. Gale mein sone ki chain, anguliyon mein anguthiyan, ek kaan mein sone ki baali, mehenge suit. Maine ya nahi kehta ke ye sab ek medium class aadmi ke paas nahi hota par Raj ke andaaz mein hi kuchh aisa tha ke paisa uski baaton se jhalakta tha.
Main aur Kamini bethe baatein kar rahe the ke darwaze par knock hua. Darwaza khola toh bahar phir Liyaqat hi khada tha.

"Madam yaad kar rahi hain aapko"

"Theek hai chalo tum, main aata hoon 15 min mein"

Liyaqat ke jaane ke baad maine apni chhoti si diary aur pen uthaya aur aaine mein apni shakal dekhi.

"Assignment lene ja rahe ho?" Mujhe dekh Kamini boli.

"Matlab?"

"Matlab taiyyar toh aise ho rahe ho kagaz kalam uthake jaise koi bachcha school ja raha ho"

"Shut up, tu fresh ho ja. Main aata hoon abhi"

"Fresh hi hoon main, main kaun sa Delhi se yahan paidal aayi hoon"

"Haan vaise aayi kaise hai tu?"

"Volvo, Shimla tak aur vahan se Taxi"

"Batana toh chahiye tha na aane se pehle"

"Bataya toh tha kal"

"Tune ye bataya tha ke tu soch rahi hai aur apne office mein baat karke mujhe inform kar degi"

"Vo toh main isliye keh rahi thi because i wanted to take a feel ke tum chahte bhi ho ya nahi ke main aaoon. Chhutti toh maine pehle hi le rakhi thi. Agar kal tum kehte ke mere aane se problem hai toh main na aati. Tumne kaha aa sakti hoon toh surprise dene chali aayi"

"It was a nice surprise indeed" Maine haste hue kaha "Kitchen mein doodh vagerah rakha hai agar chaai banani ho toh. Udhar diary mein kitchen ki extension likhi hui hai, phone karke mangva lena kuchh khane ke liye"

Kamini ko hidayat dekar main Mrs. Rana se milne unke study room pahuncha. Jaisa ke mujhe andesha bhi tha, Raj vahan pehle se hi maujood tha.

"Aaiye" Mrs. Rana ne mujhe sofe ki taraf ishara karte hue kaha "I dont believe you have ever met my son Raj"

"No i have not" Maine aage badhte hue Raj se haath milaya " Its a pleasure meeting you sir"

"And as i have already told you, Raj is a mute. Ye bol aur sun nahi sakta but that should not be a problem. He can read lips. Jo bhi baat main aur aap karenge, Raj hamare lips ko read karta hua andaza laga lega"

"Sure" Maine sofe par beth gaya.

Raj mere saamne wale sofe par betha tha aur jis andaaz mein vo mujhe dekh raha tha usse ye andaza laga pana mushkil tha ke vo us waqt mere baare mein kya soch raha hai, par haan mere baare mein hi soch raha hai is baat ka mujhe poora yakeen tha.

"Raj he is the same person i told you about over the phone. He will be investigating the disappearance of your brother" Mrs. Rana ne Raj se kaha.

Jawab mein Raj ne haath ke ishare se apni maan se kuchh kaha.

"Raj, we have gone over this. Please dont start this again"

Unhone mujhe nahi bataya ke Raj ne kya kaha tha par jis andaaz mein jawab diya tha usse mujhe ye samajh aa gaya ke Raj ko mera yahan hona pasand nahi tha.

"Raj has just come back from London. He goes there for his medical appointments"

"Yes" Maine muskurate hue kaha "I remember you telling me that"

"Apne Ravi ka kamra dekha, hamne Liyqaqt ko subah hi keh diya tha ke aapko le jakar dikha de"

"Ji vo subah aaya tha par tab maine uske saath gaya nahi. Honestly mujhe pata toh chal gaya tha ke Mr. Raj Rana aa gaye hain toh maine socha ke main inse bhi mil loon ek baar pehle. Just to ensure that he has no objection in me being here"

"Of course Raj has no objection" Jawab Mrs, Rana ne diya, Raj ne kuchh nahi kaha. Chehre ke bhaav tak nahi badle.

"Thats great, because I might need your help in investigating this" Is baar baat maine sidhi Raj se hi kahi par usne phir bhi koi jawab nahi diya.

"Anything came up? Anything new?" Mrs. Rana ne sawal kiya.

"Nahi not yet, filhal toh abhi information hi gather kar raha hoon. Kanha ke baare mein pata chala mujhe"

Mera itna kehna hi tha ke Raj ne buri si shakal banayi, apni maan ko haath ke ishare se kuchh kaha aur uthkar kamre se bahar chala gaya.

"I am sorry" Mrs. Rana kuchh der tak usko darwaze se bahar jata dekhti rahi aur phir palat kar mujhse boli "Kanha is not really a favourite topic in this household"

"Oh i am sorry about that, I didnt know. Jahan tak maine suna tha vo Ravi ke kaafi kareeb tha"

"They were best friends which Ravi's father never approved of"

"Any reason?"

"Status symbol. Mera pati ka maanna tha ke Ravi ko apne barabar ke logon mein dosti karni chahiye, gareeb mazdoor logon se nahi"

"But Ravi still was friends with Kanha"

"Yes he was indeed. He didnt listen. His father always thought ke Kanha Ravi ke saath sirf paiso ki vajah se hota hai"

"Did Ravi lend him any cash?"

'A large amount as a matter of fact"

"Rs. 15 crores?" Maine sidha hi sawal kiya.

"How did you know that?" Vo chaunkte hue boli.

"Madam shayad aap bhool rahi hain ke aapne mujhe hire hi isliye kiya hai kyunki main ye chhoti chhoti baatein khod kar nikal sakta hoon"

"Yes" Vo meri baat sunkar muskura uthi "I indeed forgot that for a moment that you are the great investigative journalist and thats why you were hired for this job"

"And to answer your question, i had been asking around and that is how i found out. Ek baat aur ma'm, aur shayad aapko meri baat ka bura bhi lage, par usually jab main koi case investigate karta hoon toh aksar log mujhe jawab is shart par dete hain ke unka naam nahi liya jaayega and i honor my word"

"Anynymity clause"

"Exactly"

"Fair enough. Coming back to the topic, ji haan. Ravi ke gayab hone ke baad hamein pata chala ke usne Kanha ko ek saal ke andar andar 15 crore diye the aur aaj tak nahi pata ke us paise ka hua kya aakhir"

"And since we are on the topic, main aapko ye bhi bata doon ke kayi logon ka ye bhi maanna hai ke iske chalte hi aapke pati yani Mr. Rana ne Kanha ki jaan li"

"Kayi logon ka kya, i am sure ke police ka bhi yahi maanna raha hoga"

"Aur aapka kya maanna tha?"

"You are asking a woman if she thinks her husband was a murderer?"

"Perhaps"

"Well the answer is no. Mere pati bhale kaise bhi par ek murderer nahi the. He could never take anyone's life"

Mrs. Rana se milkar main vaapis guest house mein aaya toh Kamini ne khaane ka full intezaam kiya hua tha.

"Abhi toh lunch ka time nahi hua?" Maine table par rakhe hue khane ki taraf dekhte hue kaha.

"I was hungry, socha shayad tum bhi mere saath aaj thoda jaldi khana pasand karoge?"

"Why not? Haath dhoke aata hoon"

Ham dono khaane ki table par bethe toh Kamini ne ek plate mere saamne rakhi aur sabzi parosne lagi.

"Rehne de bas" Main uske haath se spoon leta hua bola "Itna seva na kar meri"

"Seva ka mauka tumne abhi diya kahan hai" Usne meri taraf dekhte hue aankh maari "Ek baar kehke toh dekho"

"Tu kya besharmi ka koi course kar rahi hai?"

"Jo apna ho usse kya sharam aur kya besharmi?" Vo thoda sa serious hote hue boli.

Ek pal ke liye mujhe samajh nahi aaya ke kya kahun par phir topic change karna hi theek laga.

"Meri assistant banne ki baat kar rahi thi na tu?"

"Nahi baat toh tumhari biwi banne ki kar rahi thi par chalo vo baad mein sahi, filhal assistant hi ban jaati hoon"

"Toh chal khana khatam kar fatafat. Phir chalte hain investigate karne"

Bahar mausam kharab hota nazar aa raha tha. Subah aasman mein dhoop khili hui thi par ab chaaro taraf ghane badal chha rahe the. Ham dono khana khatam karke guest house se nikle aur us jagah par aaye jahan ke Liyaqat ke hisaab se Ravi rehta tha.

Vo jagah Ranas ke bungalow ke pichhe koi 200 metre door thi. Pahad ke bilkul kone par ek 2 kamro ka chhota sa cottage type guest house bana hua tha, jo ke actually mujhe laga ke guest house hi ho sakta tha kyunki ghar se thoda hatke tha par ye bhi mumkin tha ke shayad kisi servant vagerah ke liye banvaya gaya ho. Cottage pahad ke bilkul kone par tha aur uske pichhe sidha gehri khaayi thi aur door tak pahad hi pahad nazar aate the.

"Ye vo jagah hai jahan vo insaan rehta tha jise ke main dhoondh raha hoon"

"Ravi?"

"Haan"

"Use ham yahan dhoondh rahe hain? Yahan hota toh ab tak mil gaya hota" Vo haste hue boli.

"Shut up, yahan ham kuchh aisa dhoondh rahe hain jisse ki use dhoondhne mein koi madad mile"

"Oh, par ye toh locked hai" Vo darwaze par tange mote se taale ko pakadte hue boli.

"Chaabi hai mere paas" Kehte hue maine taala khola aur darwaze ko dhakela.

Purane zamane ke bade bhaari darwazon jaisa vo darwaza halki si aawaz ke saath khulta chala gaya.
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
Jis tarah se charmarate hue darwaza khula tha usse mujhe laga tha ke koi hindi horror films ki tarah ek darawna sa kamra hoga. Bahut purana, dhool chadha hua par aisa hua nahi.

Darwaza ek dining room mein khula jahan har cheez ekdam saaf suthri aur saleeke se rakhi hui thi.

"Yahan abhi bhi koi rehta hai kya?" Kamini ne andar dekhte hue sawal kiya.

"Nahi, information ke hisaab se toh yahan Ravi ke gayab hone ke baad ab tak koi nahi raha"

"Matlab 20 saal se yahan koi nahi raha?"

"Nahi"

"Kamal hain, aur ek tum ho. Tum kisi ghar mein 20 minute ruk jao toh isse zyada gandgi phela dete ho"

"Yeah right" Maine chidne wale andaaz mein jawab diya. Ham dono ab bhi darwaze par hi khade hue the.

"Kya dhoondh rahe hain ham yahan?"

"Kuchh bhi aisa jo Ravi ki gumshudgi ki taraf kuchh ishara karta ho"

"I am not getting in there" Vo andar jhaanke hue boli.

"Wat do you mean?"

"20 saal se koi nahi raha yahan aur maine suna hai ek aise khaali gharon mein hi bhoot pret baste hain"

'Yahan sirf ek hi bhoot hai aur vo hai tu, chal andar" Main uska haath pakad kar apne saath andar khinch laya.

"Pakka koi safai karta hoga yahan" Vo andar aakar chaaron taraf dekhti hui boli.

"Oh really? Mujhe toh lagta tha ke is kamre ko hi kaafi saaf safai ka khyaal hai isliye khud hi saaf ho jata hai"

Meri baat sunkar usne jeebh nikal kar mujhe chidhaya aur phir ghoom kar kamre ka jaayza lene lagi.

"So where do we start?"

"Tu yahan dekh" Maine saamne rakhi ek table ki taraf ishare karte hue kaha "Main doosre kamre mein dekhta hoon"

"Tumhein nahi lagta ke ye kaam hamse pehle policewalo ne bhi kiya hoga?"

"Haan kiya toh hoga"

"Toh agar kuchh hota yahan toh unhein mil jata ya ho sakta hai ke mila ho aur vo le gaye hon"

"Mumkin toh hai par agar hamare desh ke policwale itne samajhdaar hote toh mere paas kaam hi nahi hota"

"Haan ye bhi sahi baat hai, toh shuru karte hain"

Jahan Ravi rehta tha vo bhi bilkul usi tarah ka guest house tha jismein main rehta tha. Ek bada sa dining hall tha jiske ek taraf kitchen bana hua tha aur khaane ke liye ek table rakhi thi. Doosri tarah living room bana hua tha jahan par bethke ke liye sofe aur saamne ek bada sa purane zamane ka TV rakha hua tha. Living room ke paas hi ek darwaza balcony mein khula tha jahan se saamne poori vaadi nazar aati thi.
Living room se lagta hua hi Ravi ka bedroom tha. Kamini ne us living room ki chhan been shuru ki aur main bedroom mein daakhil ho gaya.

Mrs. Bela ke hisaab se is kamre mein kuchh bhi badla nahi gaya tha. Har cheez vahin thi jahan Ravi ne rakhi thi aur aisa hi kuchh dikhai bhi de raha tha. Bed oar ek towel pada hua tha, theek usi andaaz mein jaise ke koi bathroom se nikal kar bed ki taraf towel uchhal deta ho. Kuchh kapde yahan vahan bikhre pade the, jotton par ab bhi dhool chadhi hui thi aur dressing table ke saamne rakhe ek comb mein ab bhi kuchh baal uljhe hue the.

Hairat ki baat sirf ye thi ke sirf Ravi ki istemaal ki hui cheezen maili thi, jaise ki uske joote, uski ek pehni hui trouser jo bed par padi thi, uske joote, magar baaki saari cheezen bahut hi saleeke se saaf ki gayi thi.

Main thodi der tak yun hi uski tables aur kamre ki cheezon mein uljha raha par kuchh bhi kaam ki cheez haath nahi aayi.

Kuchh der kamre mein dhoondhne ke baad mera dhyaan uski almari ki taraf gaya. Maine almari kholi toh usmein sirf kapde hi tange hue the, baaki kahin aur kuchh bhi nahi tha. Maine kapde hata kar unke pichhe dekha ke shayad kuchh rakha dikh jaaye par vahan kuchh nahi tha, sirf hanger mein kuchh shirts, trousers, coats aur kurte pajame tange hue the.

Almari mein kuchh nahi mila toh maine hanger mein tange kapdo ko phir seedha kiya aur almari band karne hi laga tha ke meri nazar kuchh chamaki hui cheez par padi. Jab main kamre mein daakhil hua tha toh band hone ki vajah se ek ajeeb si smell kamre mein bas gayi thi, jaisi ki aksar band kamro mein hoti hai. Isi vajah se maine kamre mein lagi ek khidki khol di thi taake smell nikal jaaye. Bahar aasman mein halki dhoop nikal aayi thi jo ke khidki se hoti kamre ke andar aa rahi thi aur almari ke nichle hisse mein pad rahi thi.

Maine jhuk kar neeche ki taraf gaur se dekha toh vo ek behad chhoti si chaabi thi jo ke dhoop ki vajah se chamak rahi thi.

Maine chaabi utha kar dekha. Vo itni chhoti thi ke kisi kamre ke lock ki toh ho hi nahi sakti thi aur shayad isi vajah se kabhi kisi ki nazar uspar nahi padi thi. Agar vo dhoop ki vajah se chamki na hoti toh shayad main bhi na dekh pata. Maine chaabhi utha kar ek baar ulat pular kar dekha aur phir chaaro taraf kamre mein nazar daudayi, vo tala dhoondhne ke liye jismein ke ye chaabhi fit hoti thi.

"Mila kuchh?" Main khada kamre mein nazar dauda hi raha tha ke Kamini darwaze se andar daakhil hui.

"Haan?" Main uski aawaz sunkar chaunka.

"Udhar kuchh nahi hai, i mean actually kuchh nahi hai. Table ki drawers sab khaali padi hain aur drawing room mein bas sab ghar mein zaroorat ki cheezen hi hain"

"Ok" Main uski baat sunkar apni jagah se hila aur kamre mein tehalta hua koi aisa lock dhoondhne laga jismei ki ye chaabi fir hoti ho.

"TUmhein mila kuchh?" Kamini ne mujhe yun dhoondhte dekha toh puchha.

Jawab mein maine use vo chaabi dikhayi.

"What is this? A Key" Vo mere kareeb aayi aur chaabi apne haath mein lekar dekhne lagi.

"Yep, a small one"

"Where did you find it?"

"In the almirah, neech giri padi thi almirah ke andar"

"And what are we looking for now? The lock that this key opens?"

"Yep"

"Isnt that being a little too optimistic?"

"How do you mean?"

"I mean tumhein ye chaabi neeche giri padi mili, it could be a key to any lock anywhere. And it could be the key to a lock that dont exist anymore. I mean aise hi koi chaabi ho sakti hai ye, zaroori toh nahi ke kaam ki ho"

"Nahi bilkul zaroori nahi hai par mera kaam aisa hi hai. Aksar aisi hi chhoti chhoti cheezen jo log nazar andaz kar dete hain mujhe anjaam tak le jaati hai. Agar chaabi is kamre mein hai toh chances hain ke lock bhi ho sakta hai. Looking at they key, ye kisi darwaze ki toh ho nahi sakti, right?"

"Right"

"Ye kisi chhote se drawer, locker ya kisi box ki chaabi hai"

"All right" Usne kaha aur khud bhi mere saath kamre mein kuchh aisa dhoondhne lagi jismein vo chaabi fit ho sake. Aadhe ghante ki mashakkat ke baad hamare haath kuchh nahi aaya.

"Tumne ek baat notice ki?" Achanak Kamini ne mujhse kaha.

"Kya?"

"Is jagah ko dekh kar lagta nahi ke yahan koi rehta tha?"

"Matlab?"

"Matlab ke saari cheezen hain toh yahan par kya tumne dikhai diya ke bas zaroorat bhar ki hi hai. I mean everything is in limitation. Kapde bhi bas thode se hi hain, kahin koi bag nahi hai, koi aisi cheez nahi jo aap ek ladke ke kamre mein paane ki ummeed kar sakte hain, except for this guitar"

"Yeah i noticed that too aur is baat ka ek hi matlab ho sakta hai"

"Kya?"

"Ke Ravi iske alawa aur kahin bhi reh raha tha"

"Kahin aur?"

"Yep, aur mere hisaab se vo jagah main bungalow ke andar hai. Uska main room ghar ke andar hi tha, is jagah ko vo as secondar accomodation use kar raha tha, to be alone for a while, aur jahan tak mera khyaal hai vo yahan bethkar shayad ye guitar vagerah practice karta hoga, away from any disturbance"

"Yep, i agree"

"I will need to ask Mrs. Rana about his other room"

"Yeah, maybe there we can find a lock which this key fits in" Kamini chaabi ki taraf dekhti hui boli.

"Maybe, or maybe not"

"Wait a minute" Kamini chaabi ko gaur se dekhti hui boli.

"What?"

"See this" Usne chaabi meri taraf badhayi, "Is taraf, yahan dekho"

Maine gaur se dekha. Chhoti aur purani hone ke karan chaabi par se vo number halke mit se gaye the jiski vajah se pehle meri nazar nahi padi thi par jab gaur se dekha toh uspar likha 73 number saaf dikhai diya.

"What do you think it means?"

"Means this key is a part of a series and so would the lock be. A place where are a lot of lockers or boxes"

"Bank?"

"Yep"

Tab hi darwaze par aahat hui. Hamne palat kar dekha toh guest house ke bahar ke darwaze par Liyaqat khada tha.

"vo maine ghar ka darwaze khula dekha toh check karne chala aaya tha"

"Nahi it was just us" Main Ravi ke kamre se nika kar living room mein aaya "Ek baat bataiye"

"Ji puchhiye"

"Ravi iske alawa bhi kahin rehta tha?"

"Ji rehte toh yahin the par unka sara saman unke ghar ke andar wale kamre mein tha. Yahan toh vo bas zaroorat bhar ka saman hi rakhte the"
 
Top