Rahi Nagufta Mere Dil Mein Dastan Meri

  • Work-from-home

*Sarlaa*

Moderator
VIP
Apr 16, 2013
17,846
7,109
363
32
Pakistan.. karachi
rahi nagufta mere dil mein dastan meri
na is dayar mein samajha koi zaban meri
barang-e-saut-e-jaras tujh se dur hun tanaha
khabar nahi hai tujhe aah karavan meri
usi se dur raha asl-e-mudda jo tha
gai ye umr-e-aziz aah rayagan meri
tere firaq mein jaise khayal muflis ka
gai hai fikr-e-pareshan kahan kahan meri
diya dikhai mujhe to usi ka jalva “meer”
padi jahan mein ja kar nazar jahan meri
 
Top