sitaaraa apanii bhii taabindagii na dekh sakaa

  • Work-from-home

noshi_pk

Newbie
Feb 6, 2010
1,494
1,551
0
30
sitaaraa apanii bhii taabindagii na dekh sakaa
vo dhundh thii ki ye manzar koii na dekh sakaa
talaash karate huye uNgaliyaaN jalaa Daaliin
vo tiiragii thii ki mai.n shama bhii na dekh sakaa
milaa thaa shaam mujhe ik bujhaa huaa suuraj
main us ke baad phir raushanii na dekh sakaa
jo rabt baaqii the sab qataa kar liye us ne
vo meharabaaN merii bechaaragii na dekh sakaa
nigaah viase to baam-e-falak ko chhuu aa_ii
main jis zamiin pe khaRaa thaa vahii na dekh sakaa
vahii hai aa_iinaaKhaanaa vahii hai.n tasviire.n
main umr bhar koii suurat naii na dekh sakaa
tamaam shahar men vo diidaavar huaa mashahuur
vo apanii naak se aage kabhii na dekh sakaa
 
  • Like
Reactions: nrbhayo
Top