ji oo mery shaira, khush ker dita
tery warga hoor koe nae TM tay
U r gr8 man Waqar
I salute ur Honety
tery warga hoor koe nae TM tay
U r gr8 man Waqar
I salute ur Honety
Mera mazmoon tm k naam hai aap please ise contest main shamil kijeye.
TM AUR MAIN
Assalam o alaikum
26-dec-2009 ko main apne net pe betha aik aisi website dhoond raha tha jis me main dost bana sakoon bar bar google pakistani best forum de raha tha k achanak meri nazrain aik forum k aage ruk gai, jis ka naam tafreeh mela(tm) tha, main foren hi wahan register ho gaya aur posting kerna shuru ker di main us waqt forum pe nahi samajhta tha k ye forum hoti kya cheez hai?
bas her waqt tezi se post kerta rehta aur sochta k forum main zyada post kerne wala hi mod ya admin hota hai.
zyada posts ki hawas me main kisi ka thread perhe bina nice post hi likhta rehta tha, kyun k main sochta k kisi ko kyan pata chale ga, mager aik din meri baat tariq hameed bhai se hui, hum donon gup shap lagate rahe phir baaton baaton main tariq hameed bhai ne kaha k waqas aap please thread ko pehle perha karain phir comments diya karain, is se aap ko khasi knowledge hasil hogi, ye sun ker mujhe zara si shermindagi bhi mehsoos hui, mere guman main bhi na tha k tariq bhai is qader sharp detective niklain ge.
lihaza maine threads bhi perhna shuru ker diya to maloom para k tm sirf fun k liye nahi bana balke is se hamain bohot si achi maloomat bhi hasil ho sakti hai, threads main dilchaspi ki waja se maine tm k tamam k section ka jayaza lena shuru kiya to mujhe aik section urdu adab khasa khamosh aur khali dikha mujhe ye baat bilkul bhi achi nahi lagi kyun k aik teraf to mera is section se lagao tha aur doosri taraf main is section main bohot experience kerna chahta tha to is baare main maine direct tm k administrator DON se krakht lehje main kaha k mujhe ye sab bohot bura laga,
maine socha k shayad DON mujhe bane ker de ga mager unhon ne mujhe appriciate kiya aur poocha k ager aap k paas is section ki durustgi k liye koi idea ho to hamain batain main ye sun ker bohot khush hua aur DON se kaha k wo urdu section ki taraf se contests start ker de unhon ne kaha k ager aap handle kerna chahte hain to ker sakte hain is k liye aap REDROSE se baat karain wo aap ki help kare gi.
REDROSE to meri miss hain, un se bohot kuch seekha contest start chalae sab ka sab unhon ne hi sikhaya.
tm main maine bohot se dost banaye jin main saviou se to meri bohot khoob jami un k saath kafi baatain ki.
main phir mukammal tor per tm ko samajh gaya tha hansi mazak, aur bohot se thread lagai, phir tm main modiration k liye applie kiya to mujhe up coming staff member ki hesiyat se chance diya gaya mager maine us waqt us zimedari ko theek terhan se nahi nibhaya aur isi wajah se mujhe aik din shock laga jab REDROSE ne kafi ghusse bhare andaz main mujhe pm kiya k aap se bohot si umeedain wabasta theen mager un per poori terhan nahi utre aap ki perfomace ko dekh ker hum aap ko modirator nahi bana sakte.
ghalti meri thi mager us waqt main jazbati hogaya aur ghusse ki wajah se tm ko chor diya main sochta tha k tm main mere saath bohot zyadti hui hai is baare main maine SAVIOU bhai se yahoo pe bohot lambi baat ki maine un se ye bhi kaha k tm main mere threads ko ahmiyat nahi di jati jabke mere threads bohot ache hote hain.
SAVIOU bhsi ka ALLAH bhala kare unhon ne mujhe bohot samjhaya k dekho sab tumhe pasand kerte hain tumhare threads ko bhi like kerte hain mager tum is waqt modiration na milne ki waja se ghusse main ho. mager maine un ki aik bhi na suni aur main sach kahoon to us waqt main TARIQ bhai & ADI & PARI se jalne laga tha un ko bura samajhne laga, mujhe ghussa is cheez ka bhi tha k sab award milte hain akhir mujhe kyun nahi mila, main bhi award ka haqdar hoon, log meri taraf kyun tawajja nahi dete ye soch soch ker akhir main mujhe ye lagne laga k shayad tm wale mujhe kuch nahi samajhte isi liye maine dil main ye thaan li k ab kabhi wapas tm nahi jaoun ga, isi wajah se main tm ko chor gaya.
INTERVAL
phir kuch din main doosri websites serch kerta raha phir 2 aur 3 maheenon k baad jab main wapas aya to bohot se members change ho chuke the aur bohot se new members dekhne ko mile, maine socha is baar sab mujhe ignore karain ge kyun k jo kuch maine kiya wo theek nahi, mujhe apni ghalti ka bhi ahsas tha k mujhe modiration ki waja is terhan afsurdah nahi hona chahiye tha.
mager jab main phir se posting shuru ki to tamam old members ne mujhe bohot sulook k saath khush aamdeed kaha aur to aur active member jin ko main nahi janta tha unhon ne mujh se poocha Waqas bhai aap kahan chale gaye the.
mujhe taajub hua aur maine use poocha?
janab aap ko kese pata chala to unhon ne jawab diya k waqas bhai maine aap k threads search kiye to hi pata chala.
isi terhan main tm walon k pyar ko dekh ker ahista ahista tm ki taraf wapsi ki mager is bar main naye andaz k saath wapas aya kyun k teen char maheenon main meri life main kafi had tak change aya tha is change ki waja se maine tm main apne purane moj masti wale threads tm movie maker, tm ka ghusse wala member, etc, ko chor ker aise threads lagane ki sochi jis se sab ko faida pohonche jis se kisi ko kuch ilm hasil ho isi cheez ko mad-e-nazer rakhte hue maine baat cheet main theads lagai aur phir akhir aik silsila shuru kiya Behes-o-mubahisa, jo ab bhi chal raha hai.
to janab ye wo dastan thi jo mujh per tm main beeti maine tm se bohot kuch seekha aur bohot ache members se dosti hui like family members, mujhe to ab is terhan lagne laga hai k tm ka male member mera bhai aur femaile member meri behen hai, ab mujhe kisi se koi gila nahi shikwa nahi main jis halat main hoon bohot khush hoon filhal main mod ki applie nahi ker raha, main tm k un tamam members se jis main tariq bhai, hansmukh bhai, redrose, msc, yourks, db, pari, nelli, sara, aur sab se apni badsulooki ki maafi mangta hoon, plz mujhe maaf kerdain maine aap sab k baare main ghalat socha.
REQUEST
Aur aik aap sab se guzarish hai wo ye k please aap zara baat cheet main kuch ache aur ilmi threads lagain jo koi kisi baat pe confuse ho wo share kare is se kafi had tak baatain insan samajhta hai, discussion main bohot takat hoti hai is se hum bohot si baatain seekhte hain, aap log funny threads ko bhi visit karain mager mere kehne ka matlab hai k aap logon ne funny section main bohot zyada waqt de diya hai, ye bhi aik wajah hai jis ki wajah se hamara tm 5 years ka hogaya hai mager aaj bhi us active members ki tadad bohot kam hain us ki wajah ye hai tm k members forum k ahem section pe itna dihan nahi dete specialy baat cheet section, yahan threads to bohot lagte hain per aaj kal baat cheet thread main bhi sirf hallagulla aur moj masti chai hai bohot kam hi thread milte hain jo kam az kam ilmi lihaz se behter hain, baqi sab important members mega thread mela main ghuse rehte hain.
ye sab dekh ker acha nahi lagta ager socha jai to hamara forum sub se acha forum hai mager hum khud is shama ko bhujane ki koshish ker rahe hain maine aaj ye thaani hai k tm main fazool waqt na guzaroon ga aur ache threads lagaoun ga bcoz i m a big fan of tm.
please aap sab mera saath dijeye.
ab mujhe koi award koi modiration ki perwah nahi sirf tm ki bahali ki perwah hai aur ye sab aap k saath se mumkin hai.
To dosto kya aap mere saath hain?
