آئندہ ماہ کے آخر میں ایک بڑا شہابیہ مریخ کی سطح سے ٹکرائے گا۔ ناسا کے خلائی ادارے نیئر ارتھ آبجیکٹ پروگرام (نیوپ) کے مطابق ایک بڑا شہابیہ 30 جنوری کو مریخ سے براہ راست ٹکرائے گا جس سے مریخ کی سطح پر ایک کلو میٹر قطر کا گڑھا بن سکتا ہے اور اگر یہ شہابیہ جس کو سائنسی نام ''ڈبلیو ڈی فائیو 2007ئ'' دیا گیا ہے کسی وجہ سے مریخ سے ٹکرائے بغیر اس کے پاس سے گزر گیا تو آئندہ دس سال میں زمین کے قریب سے گزر سکتا ہے۔ البتہ اس کے اس سفر سے زمین کو کوئی خطرہ لاحق نہ ہو گا۔ سائنسدانوں کے مطابق شہابیے کے مریخ سے ٹکرانے سے مریخ سطح پر دھول کے گہرے بادل اٹھیں گے۔ شہابیے کا رقبہ 50 میٹرز ہے جو نومبر میں زمین سے پچھتر لاکھ کلو میٹر کے فاصلے سے گزر کر آگے بڑھا ہے۔ یاد رہے کہ 1908ء میں روسی خطے سربیا پر شہابیہ گرنے سے دو ہزار ڈیڑھ سو مربع میل پر پھیلے آٹھ کروڑ درخت نیست و نابود ہو گئے ہیں۔