Sunehri shaam ka manzar, bhala sa ek chehra tha,
Dil e tanha ki dharkan par, teri yadon ka pehra tha,
Humare dil k ghao, bhar hi jate, agar na hotay tum,
K tum ghafil maseeha they, yahan par zakhm gehra tha,
Wo jis ne aa k meri zindagi rangeen kar dali,
Usi k sar meri itni zabon hali ka sehra tha,
Jo beh jata tou kar deta teh o bala wo dunya ko,
Wo ek aansu, tere jane pay, jo palkon pay tehra tha,
Sabhi ahbaab waqif thay humare ishq say SHAN,
Magar jo tha makeen e dil, wohi es say be bahra tha..