Zard Chehra Hai Mera

  • Work-from-home

ROHAAN

TM Star
Aug 14, 2016
1,795
929
613
D8lqdQsXkAYBiWW.jpg


زرد چہرہ ہے میرا

زرد چہرہ ہے میرا زرد بھی ایسا ویسا
ہجر کا درد ہے اور درد بھی ایسا ویسا

ایسی ٹھنڈک کہ جمی برف ہر اک خواہش پر
سرد لہجہ تھا کوئی سرد بھی ایسا ویسا

اب اسے فرصت احوال میسر ہی نہیں
وہ جو ہمدرد تھا ہمدرد بھی ایسا ویسا

یعنی اس دھول کے چھٹنے پہ بھی الزام جنوں
کوئی طوفاں ہے پس گرد بھی ایسا ویسا

پوری بستی میں بس اک شخص سے نسبت مجھ کو
مجھ سے منکر ہے وہ اک فرد بھی ایسا ویسا

عشق نے ریل کی پٹری پہ لٹایا جس کو
تھا جواں مرد جواں مرد بھی ایسا ویسا

کیا تجھے ہجر کے آزار بتائے کوملؔ
تو تو بے درد ہے بے درد بھی ایسا ویسا
 
  • Like
Reactions: Untamed-Heart
Top