zindagi

  • Work-from-home

Nelly

VIP
Sep 23, 2009
97,862
38,645
1,313
United Kingdom
Zindagi to guzar jaane ka naam hai. Agar insan isey acchi tarah basar kare to yehi lamhaat sab se qeemti lamhaat ban jaate hain jo ke dil per apne naqsh chor jaate hain. Agar isey zayah aur bure kaamon ya koi ghum dil ko laga ker himmat haar kar beth jayen to tab bhi is ne guzarna hi hai is liye hamen chahiye ke zindagi ka ek ek qeemti lamha ghaneemat jana jaye aur is se bharpoor tareeqe se lutf andoz hua jaye. Zindagi sirf ek hi baar milti hai. Jo koi isey acche tareeqe se guzare ga, logon se accha bartav, doston, rishta daron se accha mail jol rakhe ga to is ki zindagi khatam ho jaane ke baad bhi is ka naam zinda rahe ga. Agar kisi ne zindagi main kisi ko dukh aur takleef ke siwa aur kuch diya hi nahin hai to us ko log bure lafzon se hi yaad karenge…….zindagi main kitne hi log aaye hain magar sab se insanon ka rishta to nahin hota. Koi behtreen dost hai to kisi se sirf dua salam hi hai. Lekin har kisi ko qadar ki nigah se dekhna chahiye, kisi ke dil ko na todhen, har kisi ko khush Karen. Is se khuda ka qarb aur makhlooq ki mohabbat hasil hoti hai.
Baqol haali……………
Zindagi to zinda dili ka naam hai murda dil khak jiya karte hain
 
Top