محبت زندگانی ہے
محبت آسمانی ہے
محبت جاودانی ہے
محبت سانس کی مانند
محبت زندگانی ہے
محبت غم کدہ بھی ہے
محبت شادمانی ہے
محبت پھول سے نازک
محبت سخت جانی ہے
محبت ماورائے سوچ
محبت ناگہانی ہے
محبت ناتواں بھی ہے
محبت پہلوانی ہے
محبت تو نہیں ڈرتی
محبت جانفشانی ہے
محبت ایک خوشبو ہے
محبت تو سہانی ہے
محبت کچھ نہیں سنتی
محبت کس کی مانی ہے
محبت شمعءہستی
محبت ضُوفشانی ہے
محبت آگ کا شعلہ
محبت آتشانی ہے
محبت مذہبِ یزداں
محبت لا مکانی ہے
محبت ہے گُل لالہ
محبت ارغوانی ہے
محبت بندہ پروَر بھی
محبت بندگانی ہے
محبت دل کی ملکہ ہے
محبت ایک رانی ہے
محبت تحفہءقدرت
محبت ارمغانی ہے
محبت تُند جولاں بھی
محبت بہتا پانی ہے
محبت بچپنہ بھی ہے
محبت تو جوانی ہے
محبت ایک جوگن ہے
محبت تو دیوانی ہے
محبت ہے سپوت_عشق
محبت خاندانی ہے
کہوں میں اور کیا سیدؔ
محبت لا بیانی ہے