Assalaamu alaikum TM jese ke aaj se pehle humare thread lagane ka maqsad
kabhi kisi ki dil azaari nahin thi wese hi aaj bhi hum kisi ke dil dukhane ke liye
yahaan haazir nahin hain balke kuch aisi baaten jinhein ISLAM ka chola pehne
yahood o nassaara se paise wasool kar kuch bad kaar ULMA kehlane wale
ISLAM ka hissa bana dete hain jo dar asal ISLAM to door ki baat INSANIYAT
ke taur se bhi aqal me nahin bethtin wese tamaam jahilana nuqton aqeedon
me se eik bara nuqta hai Qabaron me zindagi bohot se behek kar behka
dene wale ise ISLAMI aqeeda qaraar dete hain ke jo ANBIA o AULIA a.s hain
wo marte nahin bas makaan badal lete hain unhein qabar mein wahi zindagi
naseeb hoti hai jo jesi yahan hum jee rahe hain aur koi yahan aa kar yeh na
keh de na samajh le ke CHIRAGH apni taraf se bol raha hai
dalaiyl to kutub se is mutabiq mazeed bhi beshumar hain lekin humara kaam
kisi ki buraaiy nahin kisi ko kousna nahin balke sach ko aage lana hai aur
jab yeh baat saamne aa gaiy ke yeh mangharat aqeeda waqaiy me
MUSALMAANON me phelaya ja chuka hai woh bhi jo buzargaan e deen
kehlate hain dar asal hain nahin wo loug phela gaye so ab
sub se pehle dekhte hain kya is baat ki ISLAM me koi daleel hai so jawab
hai haan ji eik ayat hai lekin bina tafseer ke parhiyega kyunke uske tafseer
mein jayengen jo khud RasoolALLAH saww ne bayan farmaiy hai so
is aqeede ke khilaf hai jaati hai naa chalen humen bhi is aqeede
ke khilaf hi jaana hai kyunke hum adhoori baat samajhne wale
deen ko apni marzi se phirane wale nahin balke mukammal QURAN SHAREEF
mukammal taur se ahadees per yaqeen o aetmaad karne wale hain
so us ayat aur uski tafseer ko dekh lein ?? us ayat ka tarjuma kuch youn hai
jo loug ALLAH ki raah me maare jayen inhein murda na kaho
balke woh zinda hain apne RAB ke haan rizq paate hain
ab eik aam se MUSALMAAN ke zehen me is ayat se yehi baat
bethegi ke wo zinda to hain per apne RAB ke haan matlab
jannat mein theek ?? lekin kuch loug iski tafseer karte hain
ke iska matlab hai qabaron me zinda hain aur dunya me
yahan wahan har jageh chaahen aate jaate rehte hain
to phir janab daawa agar tafseer per karna hai so ye to aapki
tafseer aur soch hai MOHAMMDUR RASOOLULLAH saww
ne kya farmaya is ayat ke mutaliq uspe ghour dein ??
ABDULLAH ibn e masood r.a se QURAN ki eik ayat ke baare me poocha ke
jo loug ALLAH ki raah me maare jayen inhein murda na kaho
balke woh zinda hain apne RAB ke haan rizq paate hain so farmaya
hum ne is ayat ke baare mein RasoolALLAH saww se poocha
to aap saww ne farmaya shaheedon ki roohein sabz parindon
ke kaaghaz ke andar kandeenon me latki rehti hain
jo arsh e ILAHI se latki huwi hain jannat me jahan chahti
khaati hain peeti hain urti hain
Sahih Muslim
bohot se mufassireen ne is hadees ko apne tafseer mein
peish kiya is ayat ke saath aur ab dekhte hain kya aqal me
ye baat bethti hai ya phir zehen me bohot se sawaal aa jate hain
ye sochne se ke qabar me wese zindagi Anbiya o Auliya a.s ko
naseeb hai jese humen qabboor ke bahir naseeb hai
1...Agar Anbiya a.s ko mout aani hi nahin hoti
to eik hi Nabi na aate aur ta qayamat tak wahi
Nabi hote doosre Nabi ki phir haajat hi nahin honi thi
2...Agar Anbiya a.s qabaron me zinda hain iska
zikr kahaan aaya hai ??
3...Agar Aulia o Anbia a.s marte hi nahin so inhein
dafnaya kyun jaata ??
4...Agar Anbiya o Aoliya a.s apne qabboor mein zinda hain
to apni roohon ki wajah se matlab ke unki roohein
jannat me araam farma nahin hain ?? barzakh mein nahin hain ??
balke 6-7 feet ke qabar ke andar wo aise zinda hain
jese is dunya mein zinda the ??
5...Agar woh apne qabboor mein zinda hain so inhein khaane peene
ki haajat bhi hoti hogi so behesht me behesht ka rizq hai
dunya ke liye dunyavi rizq hai qabar waalon ko kounsa rizq milta hai ??
6...Agar wo apne qabboor mein zinda hain to kitne dukhi hongen
kyunke zindagi ke bawajood apne ehbaab se dost o aal se door hain ??
7...Agar woh apne qabboor mein zinda hain so hum baahir walon
se qabar ke andar se baat kyun nahin karte ??
humen kyun nahin sunte ?? ya phir eik qabar wala doosre qabar
wale se hi baat kyun nahin karta ??
8...Agar Anbiya o Aulia a.s apne qaboor mein zinda hain
so iska matlab huwa ke NAUZBILLAH unhein ALLAH PAK
itni bari dunya ki zindagi se door kar ke 7 feet
ke qabar mein zindagi de kar saza yaafta kar rahe hain ??
kyunke abadi zindagi me banda eik poora din eik hi kamre me guzaar de
so woh tang aa jata hai so apne pyaare bandon ko ta qayamat
ALLAH PAK 7 feet ke andar kyunkar zinda rakhega ??
aise aqaaiyd walon ke aage yeh kehna ke Anbiya a.s har jageh aate jaate nahin
gustakhi ke barabar hai lekin dar haqeeqat yeh sochna ke wo dunya me
hain jahan chahen aayen jayen ye sochna gustakh hai wo is liye ke Anbiya a.s
o Aulia a.s ko ALLAH ki jannaton me bohot hi aala maqaam naseeb hota hai
jannat to is dunya se kaiin darja behetter hai Ibn e kaseer samet baaz mufassireen
ke mutabiq to ANBIYA a.s ke ijazat ke baad unke rooh e mubarak ko qabz kiya jata
so kyunkar apne is dunya se wisaal per raazi hone ke baad wo lauten dunya me ??
jabke jannat ki dunya behadd zabardast hai
is dunya se wahan beshumar azeem nematein hain
mazeed bhi bohot se aise aqwaal hain jinse saabit hai
ke baad e wisaal dunya me nahin aata koi bhi lekin filwaqt
ALHAMDULILLAH wa INSHA'ALLAH jitni baaten peish keen
jitne dalaiyl diye samajhne ke liye asaan hongen aur insha'ALLAH
humein in baaton ke zariye se naseehat o hidayat e haq naseeb hogi
ALLAH ta'ala ki jaanib se Ameen Sum Ameen .