تُو ہے دِلوں کی روشنی تُو ہے سحر کا بانکپن
تیری گلی گلی کی خیر اے میرے دل رُبا وطن
پُھول ہیں تیرے ماہتاب ذرّے ہیں تیرے آفتاب
تیرے ایک رنگ میں تیری بہار کا شباب
داغ خزاں سے پاک ہے تیرے چمن کا پیرہن
تیری گلی گلی کی خیر اے میرے دل رُبا وطن
تیرے عَلَم ہیں سَر بلند عرضئہ عرصئہ کارزار میں
تیرے جواں ہیں سر بکف وادی و کوہسار میں
اَبرو ہوا کے ہم قدم تیرے دلیر صف شکن
تیری گلی گلی کی خیر اے میرے دل رُبا وطن
تیری ہوائیں مشکبُو تیری فضائیں گلفشاں
تیرے ستارہ و ہلال عظمت و امن کا نشاں
دُھوم تیری نگر نگر شان تیری دمن دمن
تیری گلی گلی کی خیر اے میرے دل رُبا وطن