محفلِ یار میں ہمراہِ رقیباں چلیے

[Guriya_Rani]

غم بہ دل، شُکر بہ لب، مست و غزل خواں چلیے​

جب تلک ساتھ ترے عمرِ گُریزاں چلیے​

رحمتِ حق سے جو اس سَمت کبھی راہ مِلے​

سُوئے جنّت بھی براہِ رہِ جاناں چلیے​

نذر مانگے جو گُلستاں سے خداوندِ جہاں​

ساغرِ مے میں لیے خونِ بہاراں چلیے​

جب ستانے لگے بے رنگیئ دیوارِ جہاں​

نقش کرنے کوئی تصویرِ حسِیناں چلیے​

کچھ بھی ہو آئینۂ دل کو مصفّا رکھیے​

جو بھی گزرے، مثلِ خُسروِ دوراں چلیے​

امتحاں جب بھی ہو منظور جگرداروں کا​

محفلِ یار میں ہمراہِ رقیباں چلیے​

​

فیض احمد فیض​

​