"پہلی محبت"
رات پھر خوابوں کے دریچے پر
پہلی محبت کی دستک ہوئی
وہی ناز، وہی مرجع حسن
عارض میں وہی رنگ غازہ
ریشمی زلفوں میں الجھا وہ باریک آنچل
پتلے تند کمان ابرو
شگفتہ آنکھوں میں انکار و اقرار کی صریح کشمکش
اداؤں میں وہی ظلم اور دیا کی حریفانہ آمیزش
اسکے مرمریں سراپے سے چھوٹتے تار
مجھے لحظہ لحظہ زنجیر کر رہے تھے
میرے خوابوں کی چوکھٹ پر کھڑی
میری پہلی محبت
رات بھر مجھ سے کہتی رہی
تیرے اس خواب کی تعبیر ہوں میں
تیری زیست کے شب کدوں میں
تنویر ہوں میں
مجھے بھلا نہں سکتے تم
مجھے مٹا نہیں سکتے تم