Assalam-o-Alikum
Aaj apni tehreerai'n daikhtey huwey ye tehreer nazer se guzri tu socha kyoo'n na isey aap logoo'n k sath share kerloo'n.
R.Davis ki rehai ki khaber suni tu kuch ye tasuraat they mairey kisi ka in se mut,tafiq hona zarori nahi'n laikin mairey jazbaat kuch aisey hi they.
Ab tu Aajao
Kia ye zarori hey k kisi bhi aisi baat,waqye ya hadsey k liye jo hamarey liye taklief deh ya iziyet nak ho hum kisi aur ko doshi tehrai'n kia hum nahi jantey k aaj k dour mai'n kisi k dehshat gerd honey k liye ye zarori nahi k us ki zat dehshat gardi k kisi waqaye mai'n shareek rahi ho sirf us ka Musalman hona hi kafi hae aur agr kahi'n taluq Pakistan se hey tu phir tu kia kehye soney pe suhagey k mutradif hey jub mai'n ney R.Devis ki rehai ki khaber suni tu ek lamhey ko tu yaqeen hi nahi aaya mager agley hi lamhey ye khayal aaya k hum jis jamhori mulk mai'n ek Awam dost hakumet us k itihadiyoo'n, Ghareeb perwer opposition aur nider,bekhoof,jari,mulk ki serhadoo'n aur awam ki jan-o-mal ki muhafiz afwaj k zair-e-saya ek aman-o-aashti ki zidagi guzar rahey hai'n waha'n ye sub kuch mumkin hey, mai'n ek lamhey k liye ye bhool gaya tha k mai'n................. mai'n us azad mulk ka ghulam shehri hoo'n jaha'n wo jub chahtey hai'n hamarey humwatanoo'n k khoon se holi khailtey hai'n, jisey chahtey hai'n dehshat gerd keh ker ya Alqaida ka member keh ker utha ley jatey hai'n hum aisi khabrai'n roz suntey hai'n aur phir moo'n lapait k so jatey hai'n, jaha'n se Americans, doo Americans k qatel mai'n matloob Aimel Kansi ko hamarey apnoo'n ki hi maded se utha ley gaye they aur phir Amrican court k ander khrey ho ker un key ek wakeel ney hamari izzat afzai kertey huwey ye kaha k ye tu wo qoum hey jo 20 dollar k liye apni maa ko bhi baich dey, Aaj do din ho gaye mai'n so nahi saka hoo'n lagta hey mairi tamam salahiyatai'n salb ho chuki hai'n seeney mai'n ek dard hey jo kisi tor chain nahi layney daita k hum abhi pasti ki kitni aur gehraiyoo'n mai'n girai'n ge, ji kia k cheekh cheekh k sub zimey daroo'n ko bura bhala kahoo'n mager is sey kia hoga zimey dar tu is sub ka mai'n bhi hoo'n vote hum hi tu daitey hai'n aur phir sub sey berh k ye k ye sub mairey aamal ka hi tu natija hey jub Allah khud hi keh rahey hai'n(Mafhoom) k jaisey tumharey aamal ho'nge waisey tumharey oper hukumra'n musallet ker doo'n ga tu phir mai'n kisey dosh doo'n Masjid se Allah-o-Akber ki sada buland hoti hey hami'n Allah yad nahi aata, Allah-o-Akber keh k niyet bandhtey hai'n Allah yad nahi aata Alhamd sharif mai'n us hi sey ye dawa kertey hai'n k hum tairi hi ibadet kertey hai'n aur tujh hi sey maded magtey hai'n phir bhi Allah yad nahi aata.....................mairey aanso mairi likhai k dermiya'n hail ho rahey hai'n mairi aap sub sey ye guzarish hey k Ab tu Aajao us Allah ki taref k wo hi hamara madedgar aur hami hey aur dosroo'n ko bhi bulai'n Allah ki taraf k izzat hasil kerney k liye sirf ye hi ek rasta hey...................socho mai'n us Allah ki taraf bula raha hoo'n k jub us k Rasool (S.A.W.W) ki shriyet k nifaz ka elan shumali elaqoo'n mai'n kia gaya tu ye hi Ammericans they jinhoo'n ne islami hadood k khilaf shor dala tha ye wo hi hai'n na jinhoo'n ne Afghanistan ki Islami hakumet k khilaf elan-e-jang kia tha ye wohi hai'n jo her muslim ko fundamentalist keh tey hai'n mager Israel k kisi yahodi ko nahi mager hed he k usi islamic law ka sahara ley k wo Devis ko ley gaye jis qanoon k tehet hum khud muslmanoo'n k faisley nahi'n kertey.........Jago mairey bahiyo aur behnoo'n aajoa sub Allah ki taraf aajao k is mushkil waqt mai'n jub hamara khud pe se bhi bharosa uth chuka hey wo hi hey jo hami'n sahara de ga ab bhi waqt hey sambhal jao Aajao us Rub ki taraf jo hamara sub kuch hey.....Aajao,Aajao Ab tu Aajao.
