Innocent Victims Of Terrorism In Pakistan

[unique-style]

Dekho!Door ek Laash Pari hai
Chorahay ki daa'en janib
Konay per sunsaan gali kay
Kachra-kundi dekh rahay ho
Us kay pas,lahu may lathri
Khak aloda,bikhri bikhri
Ghhair ya apna kon hai janain
Ao!dekhain or pehchanain
Naqsh Mita dalay goli nay
Rangat Khoon may doob gai hai
Jaib tatolo kia rakha hai?
Ye to khoon say tar gajray hain
Dus dus kay do note rakahy hain
Hath jo neeche daba howa hai
Iski sakht grift may kia hai?
Shayed koi school ka basta
Jaib se ye kia jhaa'nk raha hai?
Ek parcha hai khat hai shayed
Tooti phooti se Urdu may
Rang barangi pencilo'n kay
Sab rangon se likha howa hai
"Aj jo bhoolay basta mera
Kutti ho jaongi tumse
Toffee or biscuit bhi lana
PIYARAY ABU!JALDI ANA.."

Dedicated To All Innocent Victims Of Terrorism In Pakistan...!
​