Sab Maya Hai..By Insha

[فہد]

Sab Maya Hai Sab Dhalti Phirti Chaya Hai

Is Ishq Main Hum Ne Jo Khoya Jo Paya Hai

Jo Tum Ne Kaha Hai Faiz Ne Jo Farmaya Hai


Sab Maya Hai


Jis Gori Per Hum Ek Ghazal Har Shaam Likhen

Tum Jaante Ho Hum Kyun Ker Uska Naam Likhen

Dil Uski Bhi Chokhat Choom Ke Wapis Aya Hai


Sab Maya Hai


Woh Larki Bhi Chand Nagar Ki Rani Thi

Woh Jiski Alhar Ankhon Main Herani Thi

Aaj Usne Bhi Pegham Yehi Bhijwaya Hai


Sab Maya Hai


Jo Log Abhi Tak Naam Wafa Ka Lete Hain

Woh Jaan Ke Dhoke Khate Dhoke Dete Hain

Haan Thoq Baja Ker Humne Jo Hukm Lagaya Hai


Sab Maya Hai


Jab Dekh Liya Har Shaks Yahan Harjaii Hai

Is Sheher Se Dur Ek Katiya Humne Banaii Hai

Aur Us Katiya Ke Maathe Per Humne Likhwaya Hai


Sab Maya Hai..​

 

[nrbhayo]

boht aala....