Bohat se Rang hein Mere
Hameshan Khoobsoorat
Aur Tarotaza
Jinhein Tum Chuh nahein Saktey
Bohat si Barishein Hoti hein Mugh mein
Jin ki Awazein
Kabhi Tum Sun Nahein Saktey
Bohat se Khuwab hein
Khush Rung, Yadon se Bharey Raston pe
Chalke, jo
Meri Aankhon tak Aatey hein
Magar Tum inki Aahat ko
Nahein Mehsoos Karsaktey
Bohat se Ghum hein
Jo Karwat Badalti Raat ke
Pehlu se Lag kar Muskaratey hein
Magar Es Muskarahat ki Khabar
TUMKO NAHEIN HOTI
Yeh Doori he, Hameshan se
Jissey , Shayed
Musalsal Mughko Sehna He,
Magar Phir Bhi,
TUMHAREY SAATH REHNA HE.