Aap pehlay is cheez ko waazeh karain ka Aaya LARKAY aur LARKI ka Nikah ho giya hai k nahi ??
Jesa ka ma na uper kaha ka dono ki situation alug hain.
1- Agar Nikah nahi hoa hai tu Larki ka Wali/Maa-Baap shadi sa pehlay demand kar saktay hain (Sharae Hadood ka Ander) aab yeh Larkay per munhasir hoga ka aaya who in sharaet jo usko pehlay hi bata di gae hain unko acpt karta hai aur Nikah ka liya razamand ho jata hai.
Agar Larkay ko yeh sharaet manzoor na ho tu phir usko nikah nahi karna chahya aur kisi doosri larki sa nikah karna chahaya.
2- Agar Nikah ho giya hai aur Larkay ko Nikah sa pehlay yeh Sharaet Batae gae thi aur usna Acpt kee thi tu ab usko yeh sharaet puri karnay ki puri koshish karni chahya kyunka yeh AEHAD ka zumray ma aata hai aur AEHAD ka pura karna Musalman ka liya zaroori hai.
Ab ismay yeh dekha jaega ka Aaya Larkay na Jub in Sharaet ko mana tha us waqt uski Maali Haisyat kiya thi kya uskay paas who maal-o-asbab tha jinsay woh yeh taqazay puray kar sakay jesay ka puri family ko saath bahar lekar jana etc etc. Agar ab woh Maali haisyat nahi rakhta tu zahir hai woh is shart ko bhi pura nahi kar sakta jo kay maa baap ko samajhna chahya.
Yaha per aik imp pehlu aap na yeh bataya hai ka LARKI in sharaet ko bura samajhti hai aur woh larkay ka saath uskay ghar bhi janay ko tayar hai .
Aisi surat ma jesay ka ma na uper arz kiya ka NAAN NUFQA ki zimdari shadi ka baad Shohar per aaed hoti hai aur agar Larki razamand ho tu shohar usko kahi bhi rakh sakta hai regardless ka maa baap kiya chahtay hain kyunka jesa pehlay arz kiya ka Maa-Baap ki Naa Farmani Sharae baato ko na maanay ma hoti hai na kay Khilaf-e-Sharae Baato kay Na Maan nay per.
Jesa ka yeh Shart bari hi ajeeb maloom hoti hain jo zahir hai shareat ki roo sa Makrooh hain aur in ka na maan na hi behtar hai kyunkay in kay maan nay sa doosray haqooq ma kotahi aae gi.
Shirt No. 1- lakin lerke ko akele shadi k bad biwi ko apne sath goomane k lye baher lejane ki ijazet nhi di jae gi .sath m lerki wale bhi hon g .ye shert bhi rakhi gai ha?
Larkay ko Nikah kay baad Larki ko Bahar lejanay bulkay kahi bhi lejanay ka liya Kisi ki Ijazat ki zaroorat nahi , Shariat and Qanoon dono usko pura Haq deti hai ka jub chahay aur jahan chahay apni BV ko leja sakta hai , apnay ghar rakh sakta hai yeh Uskay Haq ma shamil hai aur aisa taqaza karna Khilaf-e-Sharae hai jiska Maan na larkay per zaroori nahi aur agar larki bhi apnay shohar ka saath degi tu woh maa baap ki na farmani ma shumar nahi hoga InshaAllah kyunkay Farmanbardari sirf Sharae ahkaam k ander hai khilaf-e-Shariat per nahi.
Shirt No.2: or lerka 1 bar bhi biwi ko apne gher nhi l k jasakta .y bhi shert ha.lerka chahta h k kabhi kabhi wo biwi ko kuch din k liye apne gher le jae.
Yeh shirt bhi intihae ajeeb hai k BV larkay ka ghar nahi ja sakti iski koi sharae haisyat nahi hai aur jesa uper arz kiya larka NIKAH ka baad larki ko jub chahay aur jahan chahay le ja sakta hai.
Secondly agar larkay apnay maa baap ka saath rehta tha aur ab uski bv zindagi bhar uskay maa baap sa hi nahi mila gi tu zahir hai larka bhi kum kum hi milay ga jis sa larkay ka Maa-Baap ka haqooq puray nahi hongay aur Larka aik Azeem gunnah ka murtaqib ho jaiga jiski Deen-e-Islam ijazat nahi deta is liya larkay ka kisi bhi aisi shirt ka maan naa jaez nahi jis sa uskay apnay maa baap ka haqooq per farq paray.
Larka chahta hai aur larki raazi hai baat khatam ho gae shadi ka mamlay ma larka aur larki ki razamandi zaroori hai larki koi shirt chahay tu rakh sakti hai per jub larki ko hi aitiraz nahi tu baaki tamam sharaet maanay nahi rakhti aur larka kabhi bhi aur kahi bhi larki ko lejakar rakh sakta hai usko kisi ki ijazat ki zarroorat nahi hai.
Shirt No-3 asa wo apni her bety k shadi k waqt sherte rakhte hen.
lakin her bety ak sa dimag k nahi hoty us lerki ko ye sherten agib lagty hen.mager wo parents k nafarmani nhi karna chahty.
mager wo shadi k bad apna gher bi khrab nhi krna chahty
ab kiya choose kiya jae apna gher ya parents
lerki ka nan nafqa lerkr ki zimme hoga gher bhi lerka khud bnaen ga mager lerki parents k sath rhe gi
yeh bari hi ajeeb baat hai jo zahir hai kisi bhi aqal mand , parhay likhay ko ajeeb hi lagay gi Allah jaanay ab unkay is mutalbay ka peechay kiya logic hai.
Per jesa aap na kaha Naa Nufqa bhi larka uthae ga , Ghar bhi Larkay banae ga lakin larki phir bhi Maa baap ka saath rahay gi … yani larka agar apna ghar khareed ley lakin uskay liya lazim hai ka who apni bv ka saath bv ka maa baap ko bhi rakhay ….
Agar larka maali asbab rakhta hai tu isma koi harj nahi hai ka larki ka maa baap ki bhi kifalat karay per as per Sharae yeh uska farz nahi hia uskay zimaay wife ka naan nufqa hai .. agar larkay bv ka maa baap ko bhi rakhay apna ghar ma aur apnay ma baap ko bhi tu kiya larki ka maa baap ko koi aitiraz hai ya woh siray sa hi nahi chahtay ka larki apni saas susar sa milay.
Aap ka sawal ma confusion hai , aik taraf aap na kaha ka larka , larki ka maa baap ka ghar ma rahay ga aur larki larkay ka ghar nahi jaigi… doosri taraf aap na kaha ka larka apna ghar banae ga per larki maa baap ka saath hi rahay gi tu phir larka ghar kyu banae ga?????
Well in sub confusions ka aik conclusive answer yeh hai ka deen-e-Islam ma Nikah ka liya Larka aur Larki ka razamand hona pehli shirt hai jubkay woh baligh and aqal mand ho.
Larki chahay tu sharaet rakh sakti hai sharae hadood ka ander jesa ka HAQ MEHAR waghaira jo larkay ki Maali Haisyat ko dekh kar rakhi jaegi.
Koi bhi khilaf-e-Sharae shirt nahi rakhi ja sakti na hi unka pura karna zaroori hai aur na hi unka Na Maan na Na-farmani ma shumar hoga.
Maa baap ki naa farmani us waqt hoti hai jub who koi aisa kaam kahain jo sharae aitibar sa jaez ho aur aulad usko pura na karay.
Per maa baap agar koi khilaf-e-Sharae kaam kahain tu usko pura karnay ka hukum nahi hia jesa ka maa baap kahain ka deen Islam chor kar koi aur mazhab ikhtiyar karlo tu aisi surat ma Allah aur Uskay Rasool S.A.W ka hi hukum mana jaiga yeh maa baap ki nafarmani nahi hai kyunkay taqaza khilaf-e-Sharae hai jiskay pura karnay sa Allah aur Uskay Rasool S.A.W ki na farmani hoti hai jo us sa bara gunah hai .
Tu agar Larki ko yeh sharaet Ajeeb lagti hai tu woh apna Shohar ka saath dey uskay saath uskay ghar jakar rahay aur waha sa apna maa baap sa rabta rakahay aur unkay haqooq pura karti rahay yahi afzal aur behtar hai.
Larkay ko nikah ka baad apni bv sa milnay , usko kahi lejanay usko kahi rakhnay ka liya kisi ki ijazat ki zaroorat nahi hia woh qanoonan and Shariatan dono surto ma iska HAQ rakhta hai.
Deegar rishtadaro ko larki ka maa baap ko samjhana chahiya ka aap ka taqazay ghair sharae hain jin ka maan na aap ki beti and damad ka liya zarooori nahi hain aur agar aap apni beti ka ghar bachana chahtay hain tu behtar yahi hai ka Larka aur Larki ki life ma interference na karain aur dono ko aik doosray ka haqooq puray karnay dein.
Wallahu Aalam Bissawab