Assalaamu alaikum TM doston aap subke khidmat me
apne eik naye ghazal ke saath hazir hoon garche ye ghazal
kuch waqt purani hai magar mujhe is waqt ise share
karna doosre ghazalon ke nisbat se behetter laga
so is thread ka maqsad us aashiq pe mabni hai
jo ghum e sanam me choor hai
aur apne mehbooba ko shiddat se yaad karke
use apne paas paana chahta hai
INSHA'ALLAH umeedan aap subko ghazal pasand aayegi
Aao tumhari yaad aati hai mujhe
Aao ke tumhari yaad aati hai mujhe
kami teri har pal sataati hai mujhe
shayad tum na hi maano per chaand
har shab teri surat dikhati hai mujhe
subh ko tamam chirion ki chehek
naam har baar tera sunati hai mujhe
aao ke tum bin jeena muhaal hai
aao ke doori bohot tarpati hai mujhe
aao ke ye jeena hai sirf naam ka
tum bin khushi kahan bhati hai mujhe
ghum e firaq se jab choor hota hoon
aankh hisab e ashk bahati hai mujhe
sota hoon to tere khwab ke aasre se
subh ko milan ki aas jagati hai mujhe
ab aa bhi jao jaan ke har shaam
teri kami ik naiy aag jalait hai mujhe
***S_Chiragh***