HAr aik shey may jhalak wo apni rabubiyat ki dikha rha hay
nizam is kaynaat ka jo bahusn-o-khoobi chla rha hay
Kitab to uski parh k daikho hay usko bando se pyar kitna
misalain dey dey k khair-o-shar ki wo apni janib bula rha hay..
wo maalik-e-rizq har nafas hay,kisi ko rakhta nhi hay bhooka
ameer ho ya ghareeb banda wo har kisi ko khila rha hay
jo wada Allah se kiya tha usse to hum ne bhula diya hay
magar jo us ne kiya tha hum se wo wada apna nibha rha hay
Falah-e-darain ki sada jo fiza may har roz goonjti hay
ye uska paigham hay suno to azan may kia suna rha hay
ussi ki maano ussi ko chaho ye kamyabi ki hay zamanat
wo surkhuru hoga aakhirat may jo usko dil may basa rha hay
shameem tauba ka waqt kam hay khtayain tum apni bakhshwa lo
bohat hy yom-e-hisab sangeen jo k nazdeek aa rha hay
Last edited: