جنہیں جُرمِ عشق پہ ناز تھا، وہ گناہگار چلے گئے

[Guriya_Rani]

ترے غم کو جاں کی تلاش تھی، ترے جاں نثار چلے گئے​

تری رہ میں کرتے تھے سر طلب، سرِ رہگزار چلے گئے​

تری کج ادائی سے ہار کے، شبِ انتظار چلی گئی​

مرے ضبطِ حال سے رُوٹھ کر مرنے غمگسار چلے گئے​

نہ سوالِ وصل، نہ عرضِ غم، نہ حکایتیں، نہ شکایتیں​

ترے عہد میں دلِ زار کے سبھی اختیار چلے گئے​

یہ ہمِیں تھے جن کے لباس پر سرِ رہ سیاہی لکھی گئی​

یہی داغ تھے جو سجا کے ہم، سرِ بزمِ یار چلے گئے​

نہ رہا جنونِ رُخِ وفا، یہ رَسَن یہ دار کرو گے کیا​

جنہیں جُرمِ عشق پہ ناز تھا، وہ گناہگار چلے گئے​

​

فیض احمد فیض​