قبض کی بیماری سے ہر انسان عمر کے کسی نہ کسی حصے میں ضرور مبتلا ہوتا ہے لیکن عام طورپر اس کے متعلق لب کشائی کو باعث شرمندگی سمجھا جاتاہے۔ایسے میں جب آپ کبھی قبض کی شدید تکلیف دہ بیماری میں مبتلا ہوجائیں تو اس سے فوری آرام کیلئے کچن کی طرف دوڑ لگا ئیں۔ ہم آپ کو بتاتے ہیں کہ کچن میں جا کر آپ نے پہلا کام کیا کرناہے۔سب سے پہلے پانی ابال کر اس میں لیمن کا جوس اورکٹی ادرک شامل کرلیں۔تشفی بخش نتائج کیلئے اسے دن میں دو سے تین بار استعمال کریں۔(ادرک کو باریس پیس کر گنے کے جوس یا شہد کیساتھ بھی استعمال کرسکتے ہیں )۔تلی ہوئی سبزیوں کو ہلکا سا مصالحے دار بنانے کیلئے ان میں باریک کٹی ہوئی تازک ادرک کا استعمال کریں۔قبض سے نجات اور نظام انہضام کو بہتر بنانے کیلئے ادرک کا تازہ ٹکڑا لیں ،اس کو کاٹ کر آہستہ آہستہ چبائیں۔ادرک کی چائے آپ کو قبض کی شکایت نہیں ہونے دے گی کیونکہ ادرک میں جنجرول کی موجودگی کی کے اس میں اینٹی آکسیڈنٹس ،ورم ،سوزش کیخلاف مدافعت اور رسولی کو بڑھنے سے روکنے کی خصوصیات پائی جاتی ہیں۔علاوہ ازیں ادرک میں نزلہ زکام ، بخار ، جوڑوں گھٹنوں کے درد ،عارضہ قلب اور کینسر کے خلاف بھی قوت مدافعت پائی جاتی ہے
