Aye naye saal bata tujh mein naya kya hai..?
Har taraf khalq ne kiyun shor macha rakkha hai,
Roshni din ki wohi, Taron bhari rat wohi,
Aaj hum ko nazar aati hai har bat wohi,
Aasman badla hai na badli ye afsurda zameen,
Ek hindse ka badalna koi jiddat to nahi,
Pichle barson ki tarha hon ge qareene tere,
Kise maloom nahi 12 maheene tere,
Be sabab dete hain kiyun log mubarak badein,
Sab kya bhool gaye waqt ki kaDvi yadein,
Tu naya hai to dikha subha nayi, sham nayi
WaRNa in aankhon ne dekhe hain naye saal kayii…